1 থিষলনীকী 2:14 - Garo New Testament

¹⁴ জংআদারাং, যিহূদিয়া হা·দকো খ্রীষ্ট যীশুমুং নাংরিমগিবা ইসলনি জে মন্ডলীরাং দংআ, না·সংনি অবস্থা বিসং গিত্তান হং·আ। যিহূদীরাংনি জাক্কো বিসং জেদাক্কে দুকরাংখো চাকজক, না·সংবা সংথাংনি মান্দিরাংনি জাক্কো উয়ানদাক্কে আপসান দুকরাংখো চাকজক।

1 থিষলনীকী 2:14 Iomraidhean Croise

ওয়াত্তেতারাংনা 11:19

স্তিফানখো রা·এ বিবিরা·গিবারাংখো গিচ্চিয়েতানি গিম্মিন জেরাং বিলদিং বিলদাং হং·আংআমিং বিসং ফৈনীকিয়া, সাইপ্রাস আরো সিরিয়া হা·সংনি আন্তিয়খিয়াওনা দিপ্পাৎ রি·য়াংএ যিহূদীরাংচাসান ইসলনি খাৎথাখো আগানজক।

ওয়াত্তেতারাংনা 13:50

ইন্দিবা যিহূদীরাং ইসলখো অলাখিগিবা মিচিকরাংখো আরো সংজিলমানি দাল·গিবা মান্দিরাংখো খা·আওনাংএতজক। ইন্দাকে বিসং পৌল আরো বার্ণবাখো গিচ্চিয়েতি উয়া জওলনিখো বিসংখো হং·খাত্তেতজক।

ওয়াত্তেতারাংনা 14:19

জা·মানো আন্তিয়খিয়া আরো ইকনিয়নি মিত্তাম যিহূদীরাং রি·বাএ পৌল আরো বার্ণবানি সাক্কাও মান্দিরাংখো খা·আওনাংএতজক। উনোন মান্দিরাং পৌলখো রং·থিচা গোথাতজক আরো বিয়া সিজক চানচিয়ে সংজিলমানি হা·ফালচা বিখো সালরুরুয়ে রা·আংজক।

ওয়াত্তেতারাংনা 14:2

ইন্দিবা বিবিরা·গিজাগিবা যিহূদীরাং গিপ্পিন জাতরাংখো খা·আওনাংএতে বিসংনি গিসিকখো বিবিরা·গিবা জংআদারাংনি সাক্কাও মিকনেংএতজক।

ওয়াত্তেতারাংনা 14:4

উনি গিম্মিন সংজিলমানি মান্দিরাং দিংথাং হং·আংজক; সাবা সাবা যিহূদীরাংনা চাকজক, দা·আবা সাবা সাবা ওয়াত্তেতারাংনা চাকজক।

ওয়াত্তেতারাংনা 14:5

উনোন যিহূদী হং·গিজাগিবারাং আরো যিহূদীরাং বিসংনি দাল·গিবারাংমুং আপসান হং·এ পৌল আরো বার্ণবাখো গিচ্চিয়েতনা আরো রং·থিচা গোথাতনা খু·চিংজক।

ওয়াত্তেতারাংনা 17:13

থিষলনীকীনি যিহূদীরাং জেনসালো খিন্নানা মান·জক পৌল বিরয়াও ইসলনি খাৎথাখো আগানফ্রাকিংজক উনো বিসং উয়োনাবা রি·য়াংজক আরো মান্দিরাংখো খা·আওনাংএতে গোলমাল দাক্কেতজক।

ওয়াত্তেতারাংনা 18:12

গাল্লিয়ো আখায়া হা·দকনি শাসন দাকগিবা দংমিত্তিংও যিহূদী গিম্মিকান পৌলখো রি·ম্মে বিচাল দাকনা ইন্নে বিচাল দাকরামো রা·বাজক।

ওয়াত্তেতারাংনা 8:1

শৌল উনো স্তিফানখো স·ওতনা দিদিয়েতিংআমিং। উনসালো যিরূশালেমনি খ্রীষ্টান মন্ডলীনি মান্দিরাংখো গিচ্চিয়েতনা হা·বাচেংজক। উনি গিম্মিন ওয়াত্তেতারাংনি আগ্রে গিম্মিক বিবিরা·গিবারাং যিহূদিয়া আরো শমরিয়া হা·দকনি হা·দাম গিম্মিকচা বিলদিং বিলদাং হং·জক।

ওয়াত্তেতারাংনা 8:3

ইন্দিবা শৌল উয়া মন্ডলীখো ব·ন্নেতনা নকরাংচা রি·য়াংএ উয়া মন্ডলীনি মি·আসা আরো মিচিকরাংখো সাল্লে রা·বাএ জেলো দনজক।

ওয়াত্তেতারাংনা 9:1

উয়া সময়ও শৌল গিত্তেলনি জা·রিকগিবারাংখো স·ওতে গালনুয়া ইন্নে খেন্নেতিংআমিং। দামেস্ক সংজিলমানি থম·দাকরামরাংও হ·ন্না ইন্নে বিয়া খামাল দাল·বাৎগিবারাংচা রি·য়াংএ চিঠি হাম·জক। যীশুনি রামাও রি·গিবা মান্দি গিম্মিকখো মি·আসাবা হং·খানা মিচিকসাবা হং·খানা, বিসংখো মান·জোকনো জেদাক্কে বিসংখো খায় যিরূশালেমচা রা·বানা মা·ন্না উয়া বিলনান বিয়া উয়া চিঠিখো হা·ম্মামিং।

ওয়াত্তেতারাংনা 9:13

অননিয় আগানজক, “গিত্তেল, আংআ বাং·আ মান্দিরাংচা ইয়া মান্দিনি গিম্মিন ইন্দাকে খিন্নাজক, যিরূশালেমো বিয়া নাং·নি মান্দিরাংখো বাসিক গিচ্চিয়েতজক।

ওয়াত্তেতারাংনা 9:31

উয়া সময়ও যিহূদিয়া, গালীল আরো শমরিয়া হা·দকনি মন্ডলীরাংও থম·থমা দংআমিং, আরো উয়া মন্ডলীরাং হং·বাংআমিং। উনি গিম্মিন গিত্তেলনা খা·ফাকাও আরো গিসিক রংথালগিবানি খা·দংএতাও বিসংবা জালরোরোজক।

1ম করিন্থীয়রাংনা 10:32

জেদাক্কে আংআ গিম্মিক মান্দিখো খুসি দাক্কা না·সংবা উগিত্তান দাকবো; যিহূদী বা যিহূদী হং·গিজা বা ইসলনি মন্ডলীনি মান্দিরাংনি রামাখো দা·আ ফেং·আবো। আংআ আন·থাংনি নাম্মাখো দাকগিজা সাকগিপ্পিনরাংনি নাম্মাখো দাকনা হা·ম্মা জেদাক্কে বিসং পাপওনি জক্কাখো মা·ন্না।

1ম করিন্থীয়রাংনা 7:17

গিত্তেল জেখো জে অবস্থাও দনজক আরো ইসল জেখো জেনি গিম্মিনো রিক্কামজক, উগিত্তান বিয়া রি·খানা। আংআ গিম্মিক মন্ডলীচান ইখো গি·য়েতিংআ। বিগিল রাতগিবা মান্দিখো রিক্কামা হং·জকমা? ইন্দিদে বিয়া বিগিল রাত্তানি চিনখো রিপ্পাকে গালজাখানা।

গালাতীয়রাংনা 1:22

যিহূদিয়ানি খ্রীষ্টান মন্ডলীরাং আংখো হা·আইজামিং।

1 থিষলনীকী 1:1

ফাগিবা ইসল আরো গিত্তেল যীশু খ্রীষ্টমুং নাংরিমগিবা থিষলনীকী মন্ডলীনা সীলবান, তীমথিয় আরো আংআ পৌল ইয়া চিঠিখো চক্কিংজক। আনচিংনি ফাগিবা ইসল আরো গিত্তেল যীশু খ্রীষ্ট না·সংনা খা·সাচাকখানা আরো থম·থমাখো হন·খানা।

1 থিষলনীকী 1:6

বাং·আ গিচ্চিয়াওবা গিসিক রংথালগিবানি হন·গিবা হান·সেংআমুং উয়া নাম্মা খাৎথাখো রা·চাকে না·সং চিং গিত্তা আরো গিত্তেল গিত্তা দাক্কে রি·ইংজক।

1 থিষলনীকী 3:4

দুকরাং চিংনি সাক্কাও দংনুয়ান উয়া খাৎথাখো না·সংমুং দংমিত্তিংও চিংআ রিত্তাপ রিত্তাপান আগানামিং, আরো উগিত্তান হং·জক, ইখো না·সং হা·আইয়া।

2 থিষলনীকীয়রাংনা 1:1

ফাগিবা ইসল আরো গিত্তেল যীশু খ্রীষ্টমুং নাংরিমগিবা থিষলনীকী মন্ডলীনা সীলবান, তীমথিয় আরো আংআ পৌল ইয়া চিঠিখো চক্কিংআ।

2 থিষলনীকীয়রাংনা 1:4

আরো ইনি গিম্মিনান ইসলনি মন্ডলীরাংনি মিকখাংও না·সংখো রা·এ চিংআ রাসং দাক্কিংজক, মুয়ানা জে গিচ্চিয়ারাংখো আরো দুকরাংখো না·সং চাক্কিংজক উনি গিসেপোবা না·সংনি চাকচিকা আরো বিবিরা·আ দংখুংআ।