1 থিষলনীকী 2:13 - Garo New Testament

¹³ চিংআ ফাংনান ইসলখো মিৎথেলিংআ, মুয়ানা ইসলনি খাৎথাখো চিংচাখো খিন্নাএ না·সং জেনসালো বিবিরা·আমিং উনো না·সং উখো মান্দিনি ইন্নে হং·জা, ইন্দিবা ইসলনি খাৎথা ইন্নেন রা·চাকামিং। আরো বিবিন উয়া ইসলনিন খাৎথা। না·সং জেরাং বিবিরা·জক, না·সংনি খা·থংও উয়া খাৎথান কাম দাক্কিংআ।

1 থিষলনীকী 2:13 Iomraidhean Croise

মথিনি চকগিবা নাম্মা খাৎথা 10:20

না·সংআন আগান্নুয়া ইন্দাকে হং·জা, ইন্দিবা না·সংনি ফা ইসলনি গিসিক না·সংনি গিসেপো খাৎথা আগান্নুয়া।

মথিনি চকগিবা নাম্মা খাৎথা 10:40

“জে মান্দি না·সংখো রা·চাকা বিয়া আংখোন রা·চাকা; আরো জে মান্দি আংখো রা·চাকা বিয়া আংখো ওয়াত্তেতগিবাখোন রা·চাকা।

লূকনি চকগিবা নাম্মা খাৎথা 11:28

ইন্দিবা যীশু আগানজক, “ইনাবাত্তে ইসলনি খাৎথাখো খিন্নাগিবা আরো উগিত্তা কাম দাকগিবারাংআন ফাত্তিয়াখো মান·গিবা হং·আ।”

লূকনি চকগিবা নাম্মা খাৎথা 5:1

সালসাও যীশু গিনেষরৎ সাগালনি রিক্কামও চাদেংএ দংআমিং। মান্দিরাং ইসলনি খাৎথাখো খিন্নানা ইন্নে বিখো উইলউইলে সিকচেপচেপিংআমিং।

লূকনি চকগিবা নাম্মা খাৎথা 8:11

“গল্পনি অর্থ ইন্দাকে হং·আ: বিৎচ্রি হং·জক ইসলনি খাৎথা।

লূকনি চকগিবা নাম্মা খাৎথা 8:21

উনি গিম্মিন যীশু মান্দিরাংনা আগানজক, “জেরাং ইসলনি খাৎথাখো খিন্নাএ উগিত্তা কাম দাক্কা বিসংআন আংনি মা·গিবা আরো আংনি জংগিবারাং হং·আ।”

যোহননা 15:3

আংনি না·সংনা আগানগিবা খাৎথানা না·সং স্খাংআন রংথালজক।

যোহননা 17:17

“বিবিচা নাং·নি গিম্মিনান না·আ বিসংখো দিংথাং দাক্কে দনবো। নাং·নি খাৎথান উয়া বিবি হং·আ।

যোহননা 17:19

বিসংনি হা·সেল নাং·না আংআ আন·থাংখো দিংথাং দাকজক জেদাক্কে বিসংখোবা বিবিচা দিংথাং দাক্কা।

ওয়াত্তেতারাংনা 10:33

উনি গিম্মিন আংআ উনোন নাং·খো রিংগামে রা·বানা মান্দি ওয়াত্তেতজক, আরো না·আ রি·বাএ নামজক। ইনো দা·আও চিংআ গিম্মিকান ইসলনি মিকখাংও দংআ। গিত্তেল নাং·খো চিংচা জেখো আগান্না গি·য়েৎজক চিংআ উয়া গিম্মিকখোন খিন্নানুয়া।”

ওয়াত্তেতারাংনা 13:48

গিপ্পিন জাতরাং ইখো খিন্নাএ খুসি হং·জক আরো গিত্তেলনি খাৎথানি গিম্মিন রাসং দাকজক; আরো ফাংনাজলনি জাংগিখো মা·ন্না ইসল জেরাংখো বাচ্ছিয়ামিং বিসং বিবিরা·জক।

ওয়াত্তেতারাংনা 16:14

খিন্নাগিবারাংনি গিসেপো থুয়াতীরা সংজিলমানি লুদিয়া মিংগিবা মিচিক সাকসা দংআমিং। বিয়া বা·রা গিচ্চাকম্রাংখো ফালনুয়ামিং। যিহূদী হং·জাওবা বিয়া ইসলখো অলাখিনুয়ামিং। গিত্তেল লুদিয়ানি খা·থংখো ইন্দাকে এংফ্রাকেতজক জেদাক্কে বিয়া পৌলনি খাৎথাখো গিসিক নাংএ খিন্নাএ বিবিরা·আ।

ওয়াত্তেতারাংনা 17:11

থিষলনীকীনি যিহূদীরাংনা বাত্তে বিরয়া সংজিলমানি যিহূদীরাংনি গিসিক দাল·বিয়ামিং। বিসং ইসলনি খাৎথাখো গিসিক নাংবিএ খিন্নাএ উখো রা·চাকজক। পৌলনি আগানগিবা বিবি হং·আমা উখো নিনা ফাংনাজ্রিং বিসং শাস্ত্রও সান্দিনুয়ামিং।

ওয়াত্তেতারাংনা 17:32

সিগিবারাংনি দা·আবা থাংচাফিল্লানি খাৎথাখো খিন্নাএ মান্দিরাংওনি মিত্তামরাং খা·দিংস্থেকজক, ইন্দিবা সাকগিপ্পিনরাং আগানজক, “ইনি গিম্মিন নাং·নি আগানাখো চিংআ দা·আবা খিন্নানুয়া।”

ওয়াত্তেতারাংনা 2:41

বিনি খাৎথাখো বিবিরা·গিবারাং রিপ্পলজক আরো উনসালো জা·রিকগিবারাংনি দলও ইসল হাজাল গিত্থাম মান্দিখো নাংরিমেতজক।

ওয়াত্তেতারাংনা 8:14

শমরিয়ানি মান্দিরাং ইসলনি খাৎথাখো বিবিরা·জক ইন্নে যিরূশালেমনি ওয়াত্তেতারাং জেনসালো খিন্নাজক উনসালো বিসং পিতর আরো যোহনখো উয়া মান্দিরাংচা ওয়াত্তেতজক।

রোমানরাংনা 10:17

ইন্দাকোদে নিকনা মা·ন্না, ইসলনি খাৎথাখো খিন্নাচাক্কানি গিম্মিনান বিবিরা·আ রি·বাআ, আরো খ্রীষ্টনি গিম্মিন আগানফ্রাকাচা উয়া খাৎথাখো খিন্নানা মা·ন্না।

2য় করিন্থীয়রাংনা 3:18

ইনি গিম্মিন আনচিং জেরাং খ্রীষ্টমুং নাংরিমজক, আনচিং গিম্মিকান মিকখাং ফিনদাপগিজা জানিরাও বিমাংখো নিআ গিত্তা গিত্তেলনি রাসংখো নিক্কেন আন·থাংথাংবা রাসংও দাল·রোরোবাএ দিংথাং হং·ফিলে বিগিত্তান হং·ইংজক। গিত্তেলনি, আগানস্খাওদে গিসিক রংথালগিবানি বিলচান ইন্দাকে হং·আ।

গালাতীয়রাংনা 4:14

আংনি জম্মা না·সংখো দুক র·ন্নোবা না·সং আংখো চন্নিকজা বা মিৎচিজা, বাত্তেসা ইসলনি সা·গ্রেখো বা খ্রীষ্ট যীশুখো জেদাক্কে রা·চাকামিং উয়ানদাক্কেন না·সং আংখো রা·চাকামিং।

কলসীয়রাংনা 1:6

ইয়া নাম্মা খাৎথা হা·গিলসাক গিম্মিকও গিপ্পাংএ বিথি নাংইংজক আরো সালনিসাল বাতরোরোংজক। জেনসালো না·সং ইয়া নাম্মা খাৎথাখো খিন্নাজক আরো ইসলনি খা·সাচাক্কাখো হা·আইবিবিজক উনসালোনি উয়া না·সংওবা উয়ানদাক্কেন কাম দাক্কিংজক।

ইব্রীয়রাংনা 4:12

ইসলনি খাৎথা থাংগিবা আরো কাম হং·এতগিবা আরো সামগ্মি গিত্তান মাৎগিবা মি·ল্লামনা বাত্তেবা মাত্তা। ইয়া খাৎথা মান্দিনি গিসিক-খা·থং আরো গ্রেংজলজলও থিং·নাপে মাত্তা-বুআ আরো মান্দিনি খা·থংনি গিম্মিক হা·সিকা আরো চানচিয়াখো পরীক্ষা দাক্কে নিআ।

ইব্রীয়রাংনা 4:2

ইস্রায়েলরাংচা জেগিত্তা নাম্মা খাৎথাখো আগানফ্রাকামিং উগিত্তা আনচিংচাবা আগানফ্রাকজক। ইন্দিবা উয়া নাম্মা খাৎথাচা ইস্রায়েলরাংনি মামুংআন লাভ হং·জাজক, মুয়ানা বিসং উখো খিন্নাএ বিবিরা·জাজক।

যাকোব 1:18

বিনি আন·থাংনি হা·সিকাচা বিবিনি খাৎথা গিত্তা বিয়া আনচিংখো বিনি দেদ্রাং থারিজক, জেদাক্কে আনচিং বিনি থারিগিবা বস্তুরাংনি গিসেপো স্খাং নাংগিবা বিথি গিত্তা হং·না মা·ন্না।

পিতর 1:23

জে বিৎচ্রি নাসিয়া ইন্দাকগিবা বিৎচ্রিওনি না·সং গিত্তাল দাক্কে আৎচিজা, বাত্তেসা জে বিৎচ্রি মামুং সালোবা নাসিজা উয়োনিন না·সং আৎচিয়া। উয়া বিৎচ্রি হং·জক ইসলনি থাংগিবা আরো ফাংনাজলনি খাৎথা।

পিতর 1:25

ইন্দিবা গিত্তেলনি খাৎথা ফাংনাজলনা দংআ। আরো ইয়া খাৎথান উয়া নাম্মা খাৎথা, জেখো না·সংচা আগানফ্রাকা হং·জক।

পিতর 2:2

দা·আও মা·মাং আৎচিজক ইন্দাকগিবা বি·সা গিত্তা না·সংনি গিসিকনি বাতরোরোআনি গিম্মিন খাকখেৎ সকচিখো মা·ন্না ইন্নে না·সং নাম্মেন হা·সিকমানচাবো, জেদাক্কে উচা বাতরোরোএ না·সং জক্কানি চু·সকাওনা সকনা মা·ন্না।

২ পিতর 3:2

রংথালগিবা আগানসোগিবারাং জে খাৎথারাংখো আগানাংজক উরাংখো আরো না·সংনি ওয়াত্তেতারাংচা আনচিংনি গিত্তেল আরো জক্কেৎগিবা জেখো গি·য়েতি দন্নাংজক, আংআ হা·ম্মা জেদাক্কে না·সং উখো গিসিক রা·আ।

1 যোহন 3:3

জেআন খ্রীষ্টনি সাক্কাও ইন্দাকে খা·দংআখো দন্না বিয়া আন·থাংখো খাকখেৎ দাক্কা জেদাক্কে খ্রীষ্ট খাকখেৎ হং·আ।