1 থিষলনীকী 1:5 - Garo New Testament

⁵ মুয়ানা চিংনি আগানফ্রাকগিবা নাম্মা খাৎথা খু·সুকচাসান না·সংচা রি·বাজা, ইন্দিবা বিলচা, গিসিক রংথালগিবাচা উয়া রি·বামিং। না·সংমুং দংমিত্তিংও না·সংনি নাম্মানা চিংআ বাদিকে দাক্কে রি·য়া-দোআ না·সং উখো হা·আইয়া।

1 থিষলনীকী 1:5 Iomraidhean Croise

মার্ক 16:20

জা·মানো জা·রিকগিবারাং গিম্মিকচা রি·য়াংএ আগানফ্রাকনা হা·বাচেংজক। গিত্তেল বিসংমুং দংএ কাম দাকফানা নাংজক আরো বিসংনা বি·ল্লাকগিবা কাম দাকনা বিল হ·ন্নে বিসংনি আগানফ্রাকারাং বিবিরা·আনি হং·আ ইখোন ফিন্নিকজক।

লূকনি চকগিবা নাম্মা খাৎথা 1:1

ফামং থিয়ফিল, আনচিংনি গিসেপো জেরাং চেংওনি মিক্রোনথাংও হং·গিবারাংখো নিকজক আরো ইসলনি নাম্মা খাৎথাখো আগানফ্রাকজক বিসং আনচিংনা গিম্মিকখো আগানজক, আরো বিসংনি আগানা গিত্তান বাং·আরাং উয়ারাংখো চকজক।

ওয়াত্তেতারাংনা 11:21

ইসলনি বিল বিসংনি সাক্কাও দংআনি গিম্মিন বাং·আ মান্দিরাং গিত্তেলখো বিবিরা·এ বিচা ফিল·জক।

ওয়াত্তেতারাংনা 16:14

খিন্নাগিবারাংনি গিসেপো থুয়াতীরা সংজিলমানি লুদিয়া মিংগিবা মিচিক সাকসা দংআমিং। বিয়া বা·রা গিচ্চাকম্রাংখো ফালনুয়ামিং। যিহূদী হং·জাওবা বিয়া ইসলখো অলাখিনুয়ামিং। গিত্তেল লুদিয়ানি খা·থংখো ইন্দাকে এংফ্রাকেতজক জেদাক্কে বিয়া পৌলনি খাৎথাখো গিসিক নাংএ খিন্নাএ বিবিরা·আ।

ওয়াত্তেতারাংনা 2:33

ইসলনি জাক্রাচা আসংআনি রাসংখো বিনাসান হ·ন্না আরো খু·রাচাকগিবা গিসিক রংথালগিবাখো বিয়ান ফাগিবা ইসলচানিখো মা·ন্না; আরো দা·আও না·সং জেখো নিক্কিংআ আরো খিন্নানা মা·ন্নিংআ উখো যীশুন হ·ন্না।

রোমানরাংনা 1:16

যীশু খ্রীষ্টনি গিম্মিন ইয়া নাম্মা খাৎথানা আংনি মামুং খ্রাচা·আনি দংজা, মুয়ানা ইয়া নাম্মা খাৎথান হং·জক ইসলনি বিল জেচা বিয়া গিম্মিক বিবিরা·গিবারাংখো পাপনিখো জক্কেতিংআ-স্খাং যিহূদীরাংখো, জা·মানো গিপ্পিন জাতরাংখো।

রোমানরাংনা 15:13

খা·দংএতগিবা উয়া ইসল না·সংনি বিবিরা·আও চানসকগিজা হান·সেংআচা আরো থম·থমাচা না·সংখো চু·সকেৎখানা। ইন্দাকোদে গিসিক রংথালগিবানি বিলচা না·সংনি খা·থংও খা·দংআ বাৎরোরোনুয়া।

রোমানরাংনা 2:16

ইসল জেনসালো যীশু খ্রীষ্টচা মান্দিরাংনি সিউল দংগিবা গিম্মিকখো বিচাল দাকনুয়া উনসালোন উয়া ফারাকনুয়া। আংনি আগানফ্রাকগিবা নাম্মা খাৎথা গিত্তান ইয়া বিচাল হং·নুয়া।

1ম করিন্থীয়রাংনা 1:24

ইন্দিবা যিহূদী হং·খানা আরো গ্রীকবা হং·খানা, ইসল জেরাংখো রিক্কামজক বিসংচা উয়া খ্রীষ্টন ইসলনি বিল আরো ইসলনি হা·আইয়া।

1ম করিন্থীয়রাংনা 3:16

না·সং হা·আইজামা, না·সং ইসলনি দংআনি নক হং·আ আরো ইসলনি গিসিক না·সংও দংখামা?

1ম করিন্থীয়রাংনা 3:6

আংআ বিৎচ্রিখো গি·আমিং, আপল্লো উয়ো চি রুআমিং, ইন্দিবা ইসলান উখো দা·ল্লেতামিং।

1ম করিন্থীয়রাংনা 4:20

ইসলনি সংনকদে খাৎথানাসান হং·জা, উয়াদে বিলনিসা হং·আ। না·সংনি হা·সিকা মুয়া?

1ম করিন্থীয়রাংনা 9:14

উয়ানদাক্কেন গিত্তেল ইখো গি·য়েৎজক, জেরাং আগানফ্রাকা বিসং উনিখোন গান্নাচিন্না-চা·আনিখো মান·খানা।

2য় করিন্থীয়রাংনা 3:6

গি·সা গিত্তাল খু·রাচাক্কাখো হা·আইএতনা বিয়ান চিংখো খ্রাগিবা দাকজক। ইয়া খু·রাচাক্কা গিম্মিকখোন মানিয়ানি বিদিং হং·জা, ইন্দিবা গিসিক রংথালগিবানি রি·দিলাও খা·থংনি বাম্মানি বিদিং হং·আ; মুয়ানা নিয়াম সিয়াখো রা·বাআ, ইন্দিবা গিসিক রংথালগিবা জাংগিখো হ·ন্না।

গালাতীয়রাংনা 2:2

ইসলনি হা·সিকা ফারাকানি জা·মানো আংআ উয়োনা রি·য়াংজক। জে নাম্মা খাৎথাখো গিপ্পিন জাতরাংচা আংআ আগানফ্রাকা উখো আগানজক। মন্ডলীনি দা·ল্লা-রাক্কা মান্দিরাংনা উরাংখো সিউলেন আগানজক, মুয়ানা আংআ ইন্দাকারি গাম্মিংজকখন ইন্নে আংআ খেন্নিংজকমিং।

গালাতীয়রাংনা 5:5

ইন্দিবা দোসগ্রি ইন্নে আনচিংখো রা·চাকনুয়া, ইয়া খা·দংআও বিবিরা·আচা গিসিক রংথালগিবাও আনচিং নিচাকে দংআ;

ইফিষীয়রাংনা 2:10

আনচিং ইসলনি জাকনি থারিগিবা হং·আ। ইসল খ্রীষ্ট যীশুমুং নাংরিমেতি আনচিংখো গিত্তাল দাক্কে থারিজক জেদাক্কে আনচিং নাম্মা কামখো দাক্কা। ইয়া নাম্মা কামখো বিয়া স্খাংআন থারিয়ে দন্নামিং, জেদাক্কে আনচিং উখো দাক্কে জাংগি মিৎথাংআ।

ইফিষীয়রাংনা 3:20

আনচিংনি খা·থংও ইসলনি জে বিল কাম দাক্কা উয়া বিল গিত্তা বিয়া আনচিংনি হা·ম্মা আরো চানচিয়ানা বাত্তেবা বাং·এ দাকনা মা·ন্না।

ফিলিপীয়রাংনা 2:13

ইসল না·সংনি খা·থংও ইন্দাকে কাম দাক্কিংজক জেনি হা·সেল বিয়া জে কামও খুসি হং·আ উয়া কামখো দাকনা হা·সিকা আরো বিল না·সংনি হং·আ।

ফিলিপীয়রাংনা 4:9

না·সং আংচা জেখো স্খিজক আরো নাম্মা ইন্নে রা·চাকজক আরো আংও জেখো নিকজক আরো আংনি খু·সুকচা জেখো খিন্নাজক, উরাংখো রা·এন আন·থাংথাংখো বিমচিপে দনবো। উনোদে থম·থমেতগিবা ইসল না·সংমুং দংনুয়া।

কলসীয়রাংনা 2:2

আংআ হা·ম্মা জেদাক্কে বিসং খা·থংও খা·দংএতাখো মা·ন্না আরো খা·সাও আপসান হং·আ, আরো খ্রীষ্টখো হা·আইয়ানি গিম্মিন জেখো মা·ন্না উখো বাং·এ মান·দাপা। উনি গিম্মিন ইসলনি নিং·থুয়া খাৎথাখো, আগানস্খাওদে খ্রীষ্টখো বিসং হা·আইনা মা·ন্নুয়া।

1 থিষলনীকী 2:13

চিংআ ফাংনান ইসলখো মিৎথেলিংআ, মুয়ানা ইসলনি খাৎথাখো চিংচাখো খিন্নাএ না·সং জেনসালো বিবিরা·আমিং উনো না·সং উখো মান্দিনি ইন্নে হং·জা, ইন্দিবা ইসলনি খাৎথা ইন্নেন রা·চাকামিং। আরো বিবিন উয়া ইসলনিন খাৎথা। না·সং জেরাং বিবিরা·জক, না·সংনি খা·থংও উয়া খাৎথান কাম দাক্কিংআ।

2 থিষলনীকীয়রাংনা 2:14

চিংআ জে নাম্মা খাৎথাখো আগানফ্রাকিংজক উনি গিসেপোন উয়া জক্কাখো মা·ন্না ইন্নে বিয়া না·সংখো রিক্কামজক, জেদাক্কে না·সং আনচিংনি গিত্তেল যীশু খ্রীষ্টনি রাসংনি বাকখো মান·ফাগিবা হং·আ।

2 তীমথিয় 2:10

ইনি গিম্মিন ইসল জেরাংখো বাচ্ছিয়ে রা·জক বিসংনা আংআ গিম্মিকখো চাক্কিংআ, জেদাক্কে বিসংবা খ্রীষ্ট যীশুও পাপওনি জক্কাখো মা·ন্না আরো ফাংনাজলনি রাসংখো মা·ন্না।

2 তীমথিয় 2:8

যীশু খ্রীষ্টনি গিম্মিনো ইয়া খাৎথাখো গিসিকো দনবো, বিখো সিয়াওনিখো থাংচাএতামিং আরো বিয়া দায়ূদনি মা·চংনি মান্দিমিং। জে নাম্মা খাৎথাখো আংআ আগানফ্রাকা উয়ো ইয়া খাৎথা দংআ,

ইব্রীয়রাংনা 10:22

উনি গিম্মিন বিবিরা·আও জে খেম·খেমা রি·বাআ, হাই, আনচিং উয়া চু·সকগিবা খেম·খেমাও খাকখেৎ খা·থংও ইসলনি মিকখাংচা রি·য়াংনা; মুয়ানা দোসগ্মাং চানচিয়ানি জাকওনি আনচিংনি খা·থংখো হান·চি গোসাত্তে রংথালেতজক আরো গ্রিকা চিচা আনচিংনি বে·এনখো সু·গালজক।

ইব্রীয়রাংনা 6:11

চিংআ হা·ম্মা, না·সং দিমদাকান জেদাক্কে বন·চতানা দিপ্পাৎ আপসান হা·সিকাখো ফিন্নিকা। উনোদে না·সং চু·গিম্মিক দাক্কে না·সংনি খা·দংআ চু·সকনুয়া ইন্নে দংনুয়া।

পিতর 1:12

ইন্দিবা ইসল বিসংনা ফিন্নিকে র·ন্নামিং, বিসং জে খাৎথারাংখো আগানিংআমিং উচা বিসং আন·থাংথাংনা দাকচাকগিজা না·সংনান দাকচাকে র·ন্নিংআমিং। সালগিওনি ওয়াত্তেতা গিসিক রংথালগিবানি রি·দিলাচা জেরাং না·সংচা খ্রীষ্টনি বিদিংও নাম্মা খাৎথাখো আগানফ্রাকজক বিসং আগানসোগিবারাংনি উয়া খাৎথারাংখোন না·সংনা হা·আইএতজক। আরোবা, সা·গ্রেরাংবা ইরাংনি বিদিংও হা·আইনা হা·সিকা।

পিতর 1:3

আনচিংনি গিত্তেল যীশু খ্রীষ্টনি ইসল আরো ফাগিবানি রাসং হং·খানা। যীশু খ্রীষ্টখো সিয়াওনি থাংচাএতি ইসল বিনি বাং·বাত্তা খা·সাচাক্কাও আনচিংখো গিত্তাল দাক্কে আৎচিয়েতজক। উনি গিম্মিনো আনচিং গি·সা থাংগিবা খা·দংএতাখো মান·জক,

পিতর 5:3

না·সংনি নিং·আও জেরাং দংআ বিসংনি সাক্কাও দা·আ গিত্তেল হং·আবো, বাত্তেসা ইন্দাকগিবা হং·বো জেদাক্কে না·সংখো নিক্কে বিসং স্খিনা মা·ন্না।

২ পিতর 1:10

ইনি গিম্মিন জংআদারাং, ইসল বিবিন না·সংখো রিক্কামজক আরো বাচ্ছিয়ে রা·জক উখো হং·বিবিএতনা আরোবা বাং·এ হা·সিকমানচাবো। ইন্দাকে দাক্কোদে না·সং মামুং সালোবা জা·গিদত্তা চা·জানুয়া।

২ পিতর 1:19

শাস্ত্রও আগানসোগিবারাং জেখো আগানজক উখো চিংচা বিবি ইন্নে ফিন্নিকা হং·জক। আন্দালাও না·সংনি মিক্রোন জেদাক্কে চাক্কিচানা দংআ উয়ানদাক্কেন জেওনা দিপ্পাৎ ওয়ালসেং·জা আরো না·সংনি খা·থংও ফ্রিংনি আস্কি নাবাজা উয়োনা দিপ্পাৎ আগানসোগিবারাংনি খাৎথাও গিসিক র·ন্নোদে না·সংনা নাম্মা।