পিতর 5:5 - Garo New Testament

⁵ উয়ানদাক্কে ফান্থিরাং, না·সং দাল·গিবারাংনি নিং·আও দংবো। না·সং গিম্মিকান রিন্নকে সাকসা সাকগিপ্পিননা দাকচাকে রন·বো, মুয়ানা রংথালগিবা শাস্ত্রনি খাৎথা গিত্তা, “ইসল গাং·বিংগিবারাংনি সাক্কাও চাদেংআ, ইন্দিবা রিন্নকগিবারাংনা খা·সাচাক্কা।”

পিতর 5:5 Iomraidhean Croise

লূকনি চকগিবা নাম্মা খাৎথা 22:26

ইন্দিবা না·সংও ইন্দাকে হং·না খ্রাজা। না·সংনি গিসেপো দাল·বাৎগিবা চনবাৎগিবা গিত্তা হং·খানা, আরো জেআন দাল·গিবা হং·আ, বিয়া দাকচাকে হন·গিবা গিত্তা হং·খানা।

রোমানরাংনা 12:10

সাকসা সাকগিপ্পিননা জংআদা গিত্তা নাম্মেন খা·সাগ্রিকবো। আন·থাংনা বাত্তে সাকগিপ্পিনখো বাং·এ মান্দিরা·বো।

রোমানরাংনা 13:14

না·সং বা·রা গিত্তা দাক্কে গিত্তেল যীশু খ্রীষ্টচা আন·থাংথাংখো ফিনদাপবো; পাপ-বেওয়ালনি হা·সিকাখো চু·সকেৎনা দা·আ গিসিক হ·ন্নাবো।

ইফিষীয়রাংনা 5:21

খ্রীষ্টখো অলাখিয়ানি গিম্মিন না·সং সাকসা সাকগিপ্পিননা বামবো।

ফিলিপীয়রাংনা 2:3

আন·থাংনাসান মান·দাপনা খা·দংএ বা গাং·বিংএ মামুংখো দা·আ দাক্কাবো, বাত্তেসা রিন্নকে গিপ্পিনখো আন·থাংনা বাত্তে দাল·নিকবো।

কলসীয়রাংনা 3:12

ইনি গিম্মিন ইসল জেরাংখো বাচ্ছিয়ে আন·থাংনা দিংথাং দাক্কে দনজক বিনি উয়া খা·সাগিবা মান্দি হং·এ না·সং নামনিকাচা, খা·সাচাক্কাচা, রিন্নকাচা, রিন্নকগিবা গিসিকচা আরো চাকচিকাচা আন·থাংথাংখো থারিবো।

1 তীমথিয় 5:1

জেরাং বুদেফা হং·জক, বিসংনি দোসখো ফিন্নিকনা রি·য়াংএ রাক্কা খু·সুকখো দা·আ আগানাবো; ফাআ গিত্তা চানচিয়ে বিসংখো থারিবো। ফান্থিরাংখো জংআদা চানচিয়ে বিসংখো থারিবো।

ইব্রীয়রাংনা 13:17

না·সংনি দাল·গিবারাংনি খাৎথাখো মানিয়ে রি·বো আরো বিসংনি নিং·আও বাম্মে দংবো, মুয়ানা জেরাং ইসলচা হিসাব হন·নুয়া উয়ানদাকগিবা মান্দি গিত্তান বিসং না·সংখো নিরকখিয়া। বিসংনি নিং·আও বাম্মে দংবো জেদাক্কে বিসং বিসংনি কামখো খুসি হং·এ দাকনা মান·না, দুক চাক্কে হং·জা। দুক চাক্কেন দাকনা নাংওদে উয়ো না·সংনি মামিং লাভ হং·জানুয়া।

যাকোব 4:6

ইন্দিবা ইসলনি খা·সাচাক্কা আরোসা বাত্তা। উনি গিম্মিন শাস্ত্রও চক্কা দংআ, “গাং·বিংগিবারাংখো ইসল চাংফেংআ, ইন্দিবা রিন্নকগিবারাংনা খা·সাচাক্কা।’’

পিতর 3:8

বন·চতাও আগান্না, না·সংনি গিম্মিকনি গিসিক আপসান হং·খানা। না·সং সাকসা সাকগিপ্পিননি দুকও দুক মান·ফাবো, জংআদা গিত্তা খা·সানি গিসিকখো রা·রিকবো আরো খা·সাচাকবো আরো সনথল হং·বো।

পিতর 4:1

উনি গিম্মিন খ্রীষ্ট বে·এনো দুকখো চাক্কামিং ইন্নে না·সংবা আন·থাংথাংনি খা·থংও উয়া আপসান গিসিকখো থারিবো, মুয়ানা বে·এনো জেআন দুকখো চাকজক বিয়া পাপখো ওয়াতজক।

পিতর 4:5

ইন্দিবা জেআন থাংগিবা আরো সিগিবা গিম্মিকনি বিচালখো দাকনা ইন্নে থারিয়ে দংসোজক বিচা বিসংনি হিসাব হ·ন্না নাংনুয়া।