পিতর 5:3 - Garo New Testament

³ না·সংনি নিং·আও জেরাং দংআ বিসংনি সাক্কাও দা·আ গিত্তেল হং·আবো, বাত্তেসা ইন্দাকগিবা হং·বো জেদাক্কে না·সংখো নিক্কে বিসং স্খিনা মা·ন্না।

পিতর 5:3 Iomraidhean Croise

যোহননা 13:15

আংআ ইখো না·সংনা দাক্কে ফিন্নিকজক, জেদাক্কে আংআ না·সংনি গিম্মিন জেখো দাকজক না·সংবা উয়ানদাক্কেন দাক্কা।

ওয়াত্তেতারাংনা 20:28

না·সং আন·থাংথাংনি গিম্মিন সিমসাকে দংবো, আরো গিসিক রংথালগিবা বিবিরা·গিবা দলরাংখো নিরক্ষিনা জে কামখো না·সংনা হন·জক বিসংনি গিম্মিনবা সিমসাকে দংবো। রাক্ষুয়াল জেদাক্কে বিনি মেষরাংখো নিরক্ষিয়া উয়ানদাক্কে না·সংবা ফামং গিত্তা ইসলনি মন্ডলীখো নিরক্ষিবো। ইসল উয়া মন্ডলীখো হান·চিথাংচা ব্রিজক।

1ম করিন্থীয়রাংনা 11:11

গিত্তেলমুং নাংরিমে জিকগিবা বিনি সেগিবানি সাক্কাও ফাংচাকা, দা·আবা সেগিবাবা বিনি জিকগিবানি সাক্কাও ফাংচাকা;

1ম করিন্থীয়রাংনা 3:5

আপল্লো সা? আরো পৌলবা সা? চিংআদে দাকচাকে হন·গিবাসান হং·আ জেরাং গিত্তা না·সং বিবিরা·আনি রামাওনা রি·বাজক। গিত্তেলান আনচিং সাকফ্রাকনা কাম হন·জক।

1ম করিন্থীয়রাংনা 3:9

মুয়ানা চিংআ সাকগ্মিআন ইসলমুং কাম দাক্কিংআ। না·সং ইসলনিন হা·বা, ইসলনিন রিকগিবা দালান হং·আ।

2য় করিন্থীয়রাংনা 1:24

নকগিবা গিত্তা হং·এ চিংআ না·সংনি বিবিরা·আও জাক হ·ন্নিংআ ইন্দাকেদে হং·জা, বাত্তেসা না·সং জেদাক্কে হান·সেংআখো মা·ন্না উনি গিম্মিনান না·সংমুং কাম দাক্কিংআ, মুয়ানা বিবিরা·আও না·সং রাক্কে চাদেংএ দংআ।

2য় করিন্থীয়রাংনা 4:5

চিংআদে আন·থাংথাংনি গিম্মিন আগানফ্রাকজা, বাত্তেসা ইন্দাকে আগানফ্রাকা, যীশু খ্রীষ্টন গিত্তেল আরো যীশুনি গিম্মিনান চিংআ না·সংনি নকখল হং·জক।

ফিলিপীয়রাংনা 3:17

জংআদারাং, না·সং গিম্মিকান আং গিত্তা রি·বো আরো জেরাং ইন্দাকে রি·য়া বিসংখো হা·আইএ রা·বো। বাদিকে রি·না নাংআ উখো চিংআ না·সংনা ফিন্নিকজক।

ফিলিপীয়রাংনা 4:9

না·সং আংচা জেখো স্খিজক আরো নাম্মা ইন্নে রা·চাকজক আরো আংও জেখো নিকজক আরো আংনি খু·সুকচা জেখো খিন্নাজক, উরাংখো রা·এন আন·থাংথাংখো বিমচিপে দনবো। উনোদে থম·থমেতগিবা ইসল না·সংমুং দংনুয়া।

1 থিষলনীকী 1:7

ইনি গিম্মিন ম্যাসিডোনিয়া আরো আখায়া হা·দকনি গিম্মিক বিবিরা·গিবারাংচা না·সং দাক্কে ফিন্নিকানি হং·জক।

2 থিষলনীকীয়রাংনা 3:9

না·সংচানি দাকচাকাখো মা·ন্না চিংনি বিল দংজা ইন্দাকে হং·জা, ইন্দিবা না·সং জেদাক্কে চিং গিত্তা রি·য়া উনি গিম্মিনান চিংআ ইন্দাকে কাম দাক্কে না·সংনা ফিন্নিকামিং।

1 তীমথিয় 4:12

না·আ ফান্থি ইন্নে দারাংবা নাং·খো চন্নিকজাখানা। খু·সুক আগানাও, রি·য়া-দোআও, খা·সাও, বিবিরা·আও আরো রংথালাও বিবিরা·গিবারাংচা না·আ দাকফিন্নিকগিবা হং·বো।

তীতনা 2:7

গিম্মিকোন না·আ বিসংচা নাম্মা কামনা দাক্কে ফিন্নিকগিবা হং·বো। নাং·নি স্খিয়াও জেদাক্কে নামগিবা মিকসংআ দংআ, উয়ো জেদাক্কে নাংএগিজা সক্কেগিজা গিসিক দংজা।

পিতর 2:9

ইন্দিবা না·সংদে “বাচ্ছিগিবা মা·চং হং·জক; না·সংখো রা·এ খামালরাংনি সংনকখো রিকজক; না·সং ইসলনা মিংএ দিংথাং দাকগিবা জাত হং·আ আরো বিনি আন·থাংনি মান্দি হং·জক;” জেদাক্কে আন্দালাওনি না·সংখো জেআন বিনি আইয়াও ইনমানগিবা সেং·আও রিংগামে রা·বাজক না·সং বিখোন রাসং দাকবো।