পিতর 5:10 - Garo New Testament

¹⁰ জেআন গিম্মিক গিত্তা খা·সাচাক্কানি ইসল বিয়া বিনি ফাংনাজলনি রাসংখো মান·ফানা না·সংখো রিক্কামজক, মুয়ানা খ্রীষ্টমুং না·সং নাংরিমজক। না·সং বাং·গিজা সালনা দুকখো চাক্কানি জা·মানো ইসল আন·থাংআন না·সংখো চু·সকেতনুয়া আরো খেম·খেম দন্নুয়া, বিলখো র·ন্নুয়া আরো রাকগিবা ফাংচাকানি সাক্কাও না·সংখো চাদেংএতনুয়া।

পিতর 5:10 Iomraidhean Croise

লূকনি চকগিবা নাম্মা খাৎথা 22:32

ইন্দিবা নাং·নি বিবিরা·আ গিম্মাজাখানা ইন্নে আংআ নাং·না বি·চাকজক। জেনসালো না·আ আংচানা ফিল·বানুয়া উনসালো নাং·নি ইয়া জংআদারাংখো বিলগ্মাং দাক্কেতবো।”

রোমানরাংনা 15:13

খা·দংএতগিবা উয়া ইসল না·সংনি বিবিরা·আও চানসকগিজা হান·সেংআচা আরো থম·থমাচা না·সংখো চু·সকেৎখানা। ইন্দাকোদে গিসিক রংথালগিবানি বিলচা না·সংনি খা·থংও খা·দংআ বাৎরোরোনুয়া।

রোমানরাংনা 15:5

খ্রীষ্ট যীশুমুং রি·ফাও চাকচিকাখো হন·গিবা আরো খা·দংএতগিবা ইসল না·সংনি গিম্মিকনি গিসিকখো আপসান দাকখানা।

রোমানরাংনা 16:25

যীশু খ্রীষ্টনি গিম্মিন জে নাম্মা খাৎথাখো আংআ আগানফ্রাকা না·সংখো উয়া নাম্মা খাৎথাও খেম·খেম দন্নানি বিল ইসলনি দংআ। বাং·আ চাসংনা দিপ্পাৎ ইসল বিনি সিউল দনগিবা মিকসংআনিখো দারাংনাবা আগানখুজা,

রোমানরাংনা 9:11

আনচিংনি ফাগিৎচাম ইস্‌হাকান উয়া মি·আসা। উয়া বি·সা সাকগ্মিনি আৎচিয়ানি স্খাং জেনসালো বিসং নাম্মা নামজা মামুংখোন দাকখুজা ইসল উনোন রিবিকাখো আগানামিং, “দাল·গিবা চনগিবানি নকখল হং·নুয়া।” ইচা ইসল ফিন্নিকামিং, আন·থাংনি মিকসংআখো চু·সকেৎনা বিয়ান বাচ্ছিয়ে রা·আ; মামুং কামনি হা·সেল বিয়া উখো দাকজা বাত্তেসা বিনি হা·সিকা গিত্তান বিয়া মান্দিখো রিক্কামা।

রোমানরাংনা 9:24

আনচিংআন উয়া খা·সাচাক্কানি মান্দি হং·আ। বিয়া আনচিংখো যিহূদীরাংওনিখোসান রিক্কামজা, গিপ্পিন জাতরাংওনিখোবা রিক্কামা।

1ম করিন্থীয়রাংনা 1:10

জংআদারাং, আনচিংনি গিত্তেল যীশু খ্রীষ্টনি হং·এ আংআ না·সংখো নাম্মেন মল·মলিংজক, না·সং গিম্মিকান আপসান হং·রিমবো। না·সংনি গিসেপো মা·আৎগ্রিকানি দংজাখানা, বাত্তেসা না·সং গিসিকসান আরো চানচিয়াসান হং·বো।

1ম করিন্থীয়রাংনা 1:9

ইসল বিবিরা·না খ্রাগিবা হং·আ; বিয়ান না·সংখো রিক্কামজক জেদাক্কে বিনি দেফা আনচিংনি গিত্তেল যীশু খ্রীষ্টমুং না·সং নাংরিমে দংআ।

2য় করিন্থীয়রাংনা 13:11

জংআদারাং, দা·আওদে রি·য়াংনাজক। না·সং না·সংনি গিম্মিকখো থারিয়ে চু·সকানি রামাও রি·য়াংবো। আংনি খাৎথাও গিসিক হন·বো। না·সংনি গিসিক আপসান হং·খানা, আরো না·সং থম·থমাও দংবো। ইন্দাকোদে খা·সা আরো থম·থমানি ইসল না·সংমুং দংনুয়া।

2য় করিন্থীয়রাংনা 4:17

দা·আও চিংআ বাং·গিজা সালনা অকখিসা মা·মাং জে দুকখো চাক্কিংজক উনি হা·সেল চিংআ ফাংনাজলনি রাসংখো মা·ন্নুয়া। ইয়া রাসং ইন্দাকেন বাং·আ জেখো থোনা মান·জা।

ফিলিপীয়রাংনা 4:13

জেআন আংনা বিলখো র·ন্না বিচান আংআ গিম্মিকখো দাকনা মা·ন্না।

কলসীয়রাংনা 2:7

খ্রীষ্টও জা·দিল সু·এ নাপ্পে বিনি গিসেপোন না·সং দাল·রোরোবো। না·সং স্খিয়াখো মা·ন্নে জেখো বিবিরা·জক উয়ো খেম·খেমে দংবো আরো ইসলখো সালাজ্রিং মিৎথেলে দংবো।

2 থিষলনীকীয়রাংনা 2:14

চিংআ জে নাম্মা খাৎথাখো আগানফ্রাকিংজক উনি গিসেপোন উয়া জক্কাখো মা·ন্না ইন্নে বিয়া না·সংখো রিক্কামজক, জেদাক্কে না·সং আনচিংনি গিত্তেল যীশু খ্রীষ্টনি রাসংনি বাকখো মান·ফাগিবা হং·আ।

2 থিষলনীকীয়রাংনা 3:3

ইন্দিবা গিত্তেলদে বিবিরা·না খ্রাগিবা হং·আ; বিয়ান না·সংখো খেম·খেম দন্নুয়া আরো শয়তাননি জাকওনি না·সংখো রাক্ষিনুয়া।

1 তীমথিয় 6:12

খ্রীষ্টখো বিবিরা·আনি গিম্মিন বিনা চাক্কে সিমাংথাংমাং দাকগ্রিকে রি·য়াংবো। জে ফাংনাজলনি জাংগিনি গিম্মিন ইসল নাং·খো রিক্কামামিং উয়া ফাংনাজলনি জাংগিখো রি·ম্মে রা·রিকবো। না·আ বাং·আ মান্দিরাংনি মিকখাংওন নাং·নি বিবিরা·আনি সাক্ষিখো হ·ন্নামিং।

2 তীমথিয় 1:9

ইসলান আনচিংখো পাপওনি জক্কেৎজক আরো রংথালে জাংগি থাংএতনা রিক্কামজক। আনচিংনি মামুং কামনি হা·সেল বিয়া ইখো দাকজা, বাত্তেসা বিনি মিকসংআ আরো খা·সাচাক্কানি গিম্মিনোন দাকজক। হা·গিলসাক হং·চেংনা স্খাং খ্রীষ্ট যীশুও বিয়া বিনি খা·সাচাক্কাখো আনচিংনা হ·ন্নামিং,

2 তীমথিয় 2:10

ইনি গিম্মিন ইসল জেরাংখো বাচ্ছিয়ে রা·জক বিসংনা আংআ গিম্মিকখো চাক্কিংআ, জেদাক্কে বিসংবা খ্রীষ্ট যীশুও পাপওনি জক্কাখো মা·ন্না আরো ফাংনাজলনি রাসংখো মা·ন্না।

ইব্রীয়রাংনা 9:15

ইসল জেরাংখো রিংগামে ফাংনাজলনি মান·রিকানি বিলখো হ·ন্না খু·রাচাক্কামিং বিসং জেদাক্কে উখো মা·ন্না উনি গিম্মিনান খ্রীষ্ট মিংসা গিত্তাল খু·রাচাক্কানি নাংরিমেতগিবা হং·জক। মান্দি ইয়া মান·রিকানি বিলখো মান·জক, মুয়ানা স্খাংগিবা খু·রাচাক্কা দংমিত্তিংও মান্দি জে পাপরাংখো দাক্কামিং উয়া পাপরাংওনি মান্দিখো জক্কেতানি দাম গিত্তা খ্রীষ্ট জাংগিথাংখো হন·চাকামিং।

পিতর 1:15

উনা বাত্তে জেআন না·সংখো রিক্কামজক বিয়া জেগিত্তা রংথালা, না·সংবা না·সংনি গিম্মিক রিয়া·দোআও উগিত্তান রংথালবো।

পিতর 4:10

দিংথাং দিংথাং দাক্কে ফারাকা ইসলনি খা·সাচাক্কাখো মা·ন্নে জে মান্দি বিবিরা·না খ্রাগিবা দাক্কে উখো কাম দাক্কেতজক, উয়ানদাকগিবা মান্দি গিত্তা না·সং ইসলচাখো জেগিত্তা হন·চাকাখো মান·জক উখো সাকসা সাকগিপ্পিননা দাকচাকে হ·ন্না ইন্নে জাকখালবো।

পিতর 4:11

সাবা আগানফ্রাকোদে ইন্দাকে আগানফ্রাকখানা জেদাক্কে বিয়া ইসলনি আন·থাংনি খু·সুকখো আগানিংআ। সাবা দাকচাকে হ·ন্নোদে ইসলনি হন·গিবা বিলচা বিয়া দাকচাকে হন·খানা, জেদাক্কে যীশু খ্রীষ্টও গিম্মিক গিত্তা ইসলান রাসংখো মা·ন্না। রাসং আরো বিল ফাংনাজলনা বিনিন হং·আ। আমেন।

২ পিতর 1:3

জেআন বিনি রাসং আরো বিনি গুণচা আনচিংখো রিক্কামজক, বিখো নাম্মেদাক্কে হা·আইয়াচান বিনি ইসলনি বিল ইন্দাকাখো রন·জক জেচা আনচিং ইসলনা খা·ফাকে জাংগি মিৎথাংনা মা·ন্না।

1 যোহন 2:25

ইয়ান হং·জক ফাংনাজলনি জাংগি, জেখো খ্রীষ্ট আনচিংনা হ·ন্না খু·রাচাকজক।

যিহূদা 1:24

সাকসামাংমাং ইসল জেআন আনচিংনি জক্কেৎগিবা বিয়া না·সংখো জা·গিদত্তা চা·আওনিখো রাক্ষিয়ে খাকখেৎ অবস্থাও আন·থাংনি রাসংনি মিকখাংও হান·সেংআমুং রা·বানা মা·ন্না। চেংওনি জেগিত্তা দংআমিং উগিত্তা দা·আওবা আরো ফাংনাজলনা আনচিংনি গিত্তেল যীশু খ্রীষ্টও ইসলনি রাসং, বিল আরো বিল্লাকা দংখানা। আমেন।