পিতর 4:8 - Garo New Testament

⁸ আরো গিম্মিকনা বাত্তে দা·ল্লা খাৎথা হং·জক, না·সং সাকসা সাকগিপ্পিনখো নাম্মেন খা·সাবো, মুয়ানা খা·সাআ বাং·আ পাপখো ফিনদাপে দন্না।

পিতর 4:8 Iomraidhean Croise

1ম করিন্থীয়রাংনা 13:1

আংআ মান্দিনি আরো সা·গ্রেরাংনি খু·সুকচা খাৎথা আগানোবা ইন্দিবা আংও খা·সা দংজাওদে আংআ রাক্কে গাম·গিবা ঘণ্টা বা চাপচেং গিত্তা হং·আরিজক।

1ম করিন্থীয়রাংনা 13:4

খা·সা ফাংনান চাকচিকা, খা·সাচাক্কা, মিকনেংজা, রাসং দাকজা, গাং·বিংজা,

কলসীয়রাংনা 3:14

আরো ইরাংমুং খা·সাচা আন·থাংথাংখো থারিবো। খা·সান উয়া গুণরাংখো আপসান দাক্কে চু·সকেতা।

1 থিষলনীকী 3:12

গিত্তেল দাকখানা, চিংআ জেগিত্তা না·সংনা খা·সাআ উগিত্তা না·সংবা সাকসা সাকগিপ্পিনখো, আরোবা, গিম্মিকনা খা·সাআ জেদাক্কে বাং·বাতে গাপসুয়াকা।

2 থিষলনীকীয়রাংনা 1:3

জংআদারাং, না·সংনা সালাজ্রিংআন ইসলখো চিংনি মিৎথেলনা নাংআ। না·সংনি বিবিরা·আ নাম্মেন বাং·ইংজক আরো না·সং সাকসা সাকগিপ্পিননি সাক্কাও খা·সাআ গাপসুয়াকিংজক ইন্নেন চিংনি উয়া মিৎথেলাখো হ·ন্না খ্রাআ।

1 তীমথিয় 1:5

ইন্দাকে গি·য়েতানি মিকসংআ হং·জক খা·সাখো মিকরাকেতা। ইয়া খা·সা খাকখেৎ খা·থং, নাম্মা চানচিয়া আরো চং·মত বিবিরা·আওনি রি·বাআ।

ইব্রীয়রাংনা 13:1

না·সং সাকসা সাকগিপ্পিনখো জংআদা গিত্তা খা·সাবো।

যাকোব 5:12

আংনি জংআদারাং, আংআ মংসংদে ইয়া খাৎথাখো আগানা, না·সং সালগিসাক, হা·গিলসাক বা গিপ্পিন বস্তুরাংনি বিমুংও দা·আ মিকচেতা। বাত্তেসা না·সং হং·ওদে ‘হং·আ’, হং·জাওদে ‘হং·জা’ ইন্নে আগানবো জেদাক্কে না·সং বিচালও গ্রো নাংএ গা·আকজা।

যাকোব 5:20

ইন্দাকোদে হা·আইএ দনবো- সাবা সাকসা পাপীখো ব্রাংগিবা রামানিখো রিমবাফিল্লোদে বিয়া বিখো সিয়ানিখো জক্কেতা আরো বাং·আ পাপরাংখো ফিনদাপে দন্নানি হং·আ।

পিতর 1:22

দা·আও বিবিখো মানিয়ে রা·এ না·সং না·সংনি খা·থংখো রংথালেতজক, আরো উনি গিম্মিন বিবিরা·গিবা জংআদারাং না·সংচা ইন্দাকফিল্লে খা·সাগিবা হং·আ। উনি গিম্মিন আগান্না, না·সং সাকসা সাকগিপ্পিনখো খা·থংচা নাম্মেন খা·সাবো।

3 যোহন 1:2

খা·সাগিবা রিপ্পেং, আংআ ইন্দাকে বি·আ জেদাক্কে না·আ গিম্মিক গিত্তা নাম্মেদাক্কে রি·য়া আরো গিসিকওনি না·আ জেগিত্তা নাম্মেদাক্কে রি·ইংজক উগিত্তান নাং·নি বে·এনবা নাম্মে দংখানা।