পিতর 4:3 - Garo New Testament

³ জেরাং ইসলখো হা·আইজা বিসং গিত্তা না·সংবা স্খাংওদে নামজাস্রাংখো দাক্কে, নামগিজা হা·সিকারাংও দংএ, চু ফেক্কে, জেজাকবিয়ে চু রিংএ আরো চা·এ-রিংএ আরো মিৎচিয়ানি মিত্তে বিমাংখো হামুয়ে বাং·আ সময় রি·য়াংএতনুয়ামিং।

পিতর 4:3 Iomraidhean Croise

মার্ক 7:22

মাদ্দুয়া, গিপ্পিননা নামগিজাখো দাকনা হা·ম্মা, দাক্কামব্রুআ, হা·সিগিজা দাক্কা, মিক্‌নেংআ, সাউইয়া, রাসং দাক্কা আরো চন্নিকা, সেল·গিজা দাক্কা হং·খাতবাআ।

ওয়াত্তেতারাংনা 17:30

চেংও মান্দিরাং হা·আইজামিং ইন্নে ইসল ইরাংখো নিক্কেবা নিকজা। ইন্দিবা দা·আওদে বিয়া গিম্মিক হা·দামচা মান্দি গিম্মিকখো পাপওনি গিসিক ফিল·খানা গি·য়েতিংজক,

রোমানরাংনা 13:13

চ্রকে-মেসায়ে চু রিংএ আরো চু ফেক্কে হং·জা, থি·ল্লেকে আরো বিংবাং হা·সিকা গিত্তা হং·জা, নিরিয়া-গিসিয়া আরো মিকনেংআও হং·জা, ইন্দিবা জেরাং সেং·আও রি·য়া, হাই, আনচিং বিসং গিত্তা খ্রাএ রি·না।

1ম করিন্থীয়রাংনা 12:2

না·সং হা·আইয়া, জেনসালো না·সং ইসলখো অলাখিজানুয়ামিং উনো ইন্দাকগিবা মিত্তে বিমাংচা না·সংখো সাল্লাংনুয়ামিং জেরাং খু·সুক আগান্না মান·জা।

1ম করিন্থীয়রাংনা 6:11

না·সংও সাবা সাবা উয়ানদাকগিবান হং·আমিং, ইন্দিবা গিত্তেল যীশু খ্রীষ্টও আরো আনচিংনি ইসলনি গিসিকও না·সংখো সু·গালে থাল্লেতজক, ইসলনা মিংএ দিংথাং দাক্কেতজক আরো দোসগ্রি ইন্নে রা·চাকজক।

2য় করিন্থীয়রাংনা 12:21

আংআ খেনচাকিংআ, জেনসালো আংআ না·সংচা রি·য়াংনুয়া উনো আংনি ইসল না·সংনি মিকখাংও আংখো খ্রাচা·এতনুয়া, আরো জেরাং স্খাংও পাপ দাক্কামিং ইন্দিবা বিসংনি মারাং নাংআওনি, থি·ল্লেকাওনি আরো নামগিজাওনি গিসিকখো ফি·ল্লেতখুজা, বিসংনি বাং·আরাংনা আংআ দুক মা·ন্নুয়া।

গালাতীয়রাংনা 5:19

পাপ-বেওয়ালনি কামরাংখো নাম্মেদাক্কেন নিক্কা। উরাং হং·জক- স·বাকা, মারাং নাংআ, হা·সিগিজা,

গালাতীয়রাংনা 5:21

মিকনেংআ, চুফেক্কা, জেজাকে চু রিংআ, আরো ইন্দাকে বাং·এ দাক্কারাং। স্খাংও জেদাক্কে আংআ না·সংখো সিমসাকেতামিং দা·আওবা ইন্দাকেন আগানিংজক, জেরাং ইন্দাকে কাম দাক্কা ইসলনি সংনকও বিসংনি হা·দাম দংজানুয়া।

ইফিষীয়রাংনা 5:18

দা·আ চুফেকগিবা হং·আবো, উনোদে বিংবাং হং·আংনুয়া। উনা বাত্তে চু·গিম্মিক দাক্কে রংথালগিবা গিসিকনি নিং·আও বাম্মে দংবো,

তীতনা 3:3

চিংআবা স্খাংদে গিসিক সেং·আগ্রি আরো বামগিজাগিবা হং·আমিং, ব্রাংগিবা রামাও রি·নুয়ামিং, আরো নাম্মাখো চাকনুয়ামিং আরো বাং·আ হা·সিকারাংনি নকখল দংআমিং। চিংআ গিপ্পিনরাংখো মিকনেংনুয়ামিং নাংএগিজা সক্কেগিজা আরো নামগিজাখো দাকনা চানচিয়ে জাংগি মিৎথাংনুয়ামিং। আন·থাংসং মিৎচিনা খ্রাগিবা হং·ওবা চিংআ সাকসা সাকগিপ্পিনখো মিৎচিনুয়ামিং।

পিতর 1:14

ইসলনি নিং·আও বাম্মে দংগিবা বি·সা গিত্তা না·সং না·সংনি স্খাংনি নামগিজা হা·সিকা গিত্তা জাংগিখো দা·আ মিৎথাংআবো; উনোদে না·সং ইসলখো হা·আইজামিং।

যিহূদা 1:4

ইয়াদে নাংআসা, মুয়ানা জে মান্দিরাংনি শাস্তিনি গিম্মিনো স্খাংআন শাস্ত্রও চক্কামিং বিসং না·সংনি গিসেপো স্রক স্রক দাক্কে নাপজক। ইসলনা ইয়া মান্দিরাংনি খা·ফাকা দংজা; আনচিংনি ইসলনি খা·সাচাক্কাখো বিসং নামজাস্রাংনি মিংসা ফা·সিকা ইন্নে চানচিয়া আরো জেআন আনচিংনি সাকসা খাম·খাম নকগিবা আরো গিত্তেল হং·আ উয়া যীশু খ্রীষ্টখো বিসং জিচাকা।