পিতর 4:13 - Garo New Testament

¹³ উনা বাত্তে না·সং খ্রীষ্টনি দুক চাক্কানি বাকখো রা·ফাংজক উয়ো হান·সেংবো, জেদাক্কে বিনি রাসং জেনসালো ফারাকনুয়া উনো না·সং হান·সেংআও চু·সকা।

পিতর 4:13 Iomraidhean Croise

মথিনি চকগিবা নাম্মা খাৎথা 16:27

মান্দিনি দেফান্থি আন·থাংনি সা·গ্রেরাংমুং বিনি ফাআনি রাসংও রি·বাংজক। উনসালো বিয়া মান্দি গিম্মিকনান আন·থাংথাংনি কামনি বিথিখো হ·ন্নুয়া।

মথিনি চকগিবা নাম্মা খাৎথা 25:21

নিবো, আংআ আরোবা হাজাল বংআ থাংখাখো মান·দাপজক।’ উনো বিনি নকগিবা বিনা আগানজক, ‘নাম্মাখো দাকজক। না·আ নামগিবা আরো বিবিগিবা নকখল। অকখিসানি গিম্মিন না·আ বিবি দাকজক ইন্নে আংআ নাং·না বাং·আরাংখো নিরকখিনা হ·ন্নুয়া। রি·বাবো, আংমুং হান·সেংফাবো।’

মথিনি চকগিবা নাম্মা খাৎথা 25:23

উনো বিনি নকগিবা বিনা আগানজক, ‘নাম্মাখো দাকজক। না·আ নামগিবা আরো বিবিগিবা নকখল। অকখিসানি গিম্মিন না·আ বিবি দাকজক ইন্নে আংআ নাং·না বাং·আরাংখো নিরকখিনা হ·ন্নুয়া। রি·বাবো, আংমুং হান·সেংফাবো।’

মথিনি চকগিবা নাম্মা খাৎথা 25:31

“জেনসালো মান্দিনি দেফান্থি গিম্মিক সা·গ্রেরাংখো রা·এ আন·থাংনি রাসংও রি·বানুয়া উনসালো রাজা হং·এ আন·থাংনি রাসংনি সিংহাসনও আসংনুয়া।

মথিনি চকগিবা নাম্মা খাৎথা 25:34

“উনি জা·মানো রাজা আন·থাংনি জাক্রাচা দংগিবা মান্দিরাংনা আগান্নুয়া, ‘না·সং জেরাং আংনি ফানি ফাত্তিয়াখো মান·জক, রি·বাবো। হা·গিলসাক হা·বাচেংওনি না·সংনা দাকসোগিবা সংনকখো মান·রিকবো।

মথিনি চকগিবা নাম্মা খাৎথা 5:12

না·সং হান·সেংবো আরো খুসি হং·বো, মুয়ানা সালগিও না·সংনি মা·ন্নানিরাং বাং·এ দংআ। না·সংনা স্খাং দংগিবা আগানসোগিবারাংখোবা মান্দিরাং ইন্দাকেন হা·রিকনুয়ামিং।

মার্ক 8:38

ইয়া চাসংনি বিবিরা·গিজাগিবা আরো পাপী মান্দিরাংনি গিসেপো সাবা আংনি গিম্মিন আরো আংনি খাৎথারাংনি গিম্মিন খ্রাচা·আওদে ইন্দিদে মান্দিনি দেফান্থিবা জেনসালো রংথালগিবা সা·গ্রেরাংমুং বিনি ফানি রাসংও রি·বানুয়া, উনো বিয়াবা উয়া মান্দিনা খ্রাচা·নুয়া।’’

লূকনি চকগিবা নাম্মা খাৎথা 17:30

জেনসালো মান্দিনি দেফান্থি ফারাকনুয়া উনসালো ইন্দাকেন হং·নুয়া।

ওয়াত্তেতারাংনা 16:25

উনো ওয়ালজাচ্চিমাং হং·জকমিং। পৌল আরো সীল বি·ইংআমিং আরো ইসলখো মিৎথেলে গীতখো রিং·আমিং। সাকগিপ্পিন বন্দিরাং উখো খিন্নাংআমিং।

ওয়াত্তেতারাংনা 5:41

যীশুনি বিমুংনা ওয়াত্তেতারাং চন্নিকাখো মা·ন্না খ্রাগিবা হং·আনি গিম্মিন বিসং হান·সেংবিএ দাল·বাৎগিবা খ্রিমাওনি রি·য়াংজক।

রোমানরাংনা 5:3

ইয়াসান হং·জা, দুকরাংও দংএবা আনচিং খুসি হং·ইংআ, মুয়ানা চাকচিকা দুকনি বিথি হং·আ ইন্নে আনচিং হা·আইয়া,

রোমানরাংনা 8:17

আনচিং দেদ্রাং হং·এ দংওদে ইসল বিনি দেদ্রাংনা জেখো হ·ন্না খু·রাচাকজক আনচিং উখো মা·ন্নুয়া। খ্রীষ্টন ইসলচাখো উখো মা·ন্নুয়া আরো আনচিংবা বিমুং উখো মা·ন্নুয়া, মুয়ানা আনচিং খ্রীষ্টমুং দুক চাক্কোদে বিমুং রাসংখোবা মা·ন্নুয়া।

রোমানরাংনা 8:18

আংআ হা·আইয়া, আনচিং জা·মানো জে রাসংখো মা·ন্নুয়া উখো থসুসাওদে আনচিংনি দা·আওনি দুক চাক্কা মামুংবা হং·জা।

2য় করিন্থীয়রাংনা 1:5

খ্রীষ্ট গিত্তা দাক্কে চিংআ জেদাক্কে বাং·এ দুকখো চাকচিকিংজক উয়ানদাক্কে বিগিত্তা খা·নাম্মেতাখোবা মা·ন্নিংজক।

2য় করিন্থীয়রাংনা 1:7

না·সংনি গিম্মিন চিংনি বিবিরা·আ খেম·খেম দংআ, মুয়ানা না·সং জেদাক্কে চিংনি দুকরাংখো মান·ফাগিবা হং·আ উয়ানদাক্কে চিংনি খা·নাম্মেতাখোবা মান·ফাগিবা হং·আ।

2য় করিন্থীয়রাংনা 4:10

চিংআ ফাংনান গিত্তেল যীশুনি সিয়াখো চিংনি বে·এনো রা·বিতে রি·ইংআ, জেদাক্কে চিংনি বে·এনো যীশুনি জাংগিবা ফারাকা।

2য় করিন্থীয়রাংনা 4:17

দা·আও চিংআ বাং·গিজা সালনা অকখিসা মা·মাং জে দুকখো চাক্কিংজক উনি হা·সেল চিংআ ফাংনাজলনি রাসংখো মা·ন্নুয়া। ইয়া রাসং ইন্দাকেন বাং·আ জেখো থোনা মান·জা।

ফিলিপীয়রাংনা 3:10

আংআ খ্রীষ্টখো হা·আইনা হা·ম্মা আরো জে বিলচা সিয়াওনি বিখো থাংচাএতামিং উয়া বিলখো হা·আইনা হা·ম্মা। আংআ বিনি দুকরাংখো মান·ফানা হা·ম্মা। জে গিসিকখো রা·এ বিয়া সিয়ামিং আংআবা উয়া গিসিকখো মা·ন্না হা·ম্মা।

কলসীয়রাংনা 1:24

না·সংনা আংআ জে দুকখো চাক্কিংজক উয়ো আংআ হান·সেংআখোন মা·ন্নিংজক। খ্রীষ্টনি বে·এননা, আগানস্খাওদে মন্ডলীনা বিনি দা·আওবা জে দুক চাকনা দংখুংআ উখো আংআ আংনি বে·এনোন চু·সকেতিংজক।

2 তীমথিয় 2:12

আনচিং চাকচিকে চাক্কোদে, বিমুং শাসন দাকফানুয়া। বিখো আনচিং জিচাকোদে, বিয়াবা আনচিংখো জিচাকনুয়া।

পিতর 1:13

ইনি গিম্মিন না·সংনি গিসিকখো মিকরাকেতবো আরো আন·থাংথাংখো বাম্মেতে দনবো। যীশু খ্রীষ্ট জেনসালো ফারাকনুয়া উনো না·সং জে ফাত্তিয়াখো মা·ন্নুয়া উয়া ফাত্তিয়াখো মা·ন্না চুু·গিম্মিক খা·দংআখো রা·এ সেংসোবো।

পিতর 2:21

ইনি গিম্মিনান ইসল না·সংখো রিক্কামজক, মুয়ানা খ্রীষ্ট না·সংনা দুক চাক্কে না·সংচা দাক্কে ফিন্নিকাখো দন্নাংজক, জেদাক্কে না·সংবা বিগিত্তান রি·য়া,

পিতর 5:1

আংআ খ্রীষ্টনি দুক চাক্কানি সাক্ষি আরো খ্রীষ্টনি জে রাসং ফারাকনুয়া উখো মান·ফাগিবা হং·আ। উনি গিম্মিন না·সংনি গিসেপো জেরাং মন্ডলীনি দা·ল্লা-রাক্কা হং·আ বিসংনা আংআ দা·আও সাকসা দাল·গিবা গিত্তা ইখো স্খিয়েতিংজক-

পিতর 5:10

জেআন গিম্মিক গিত্তা খা·সাচাক্কানি ইসল বিয়া বিনি ফাংনাজলনি রাসংখো মান·ফানা না·সংখো রিক্কামজক, মুয়ানা খ্রীষ্টমুং না·সং নাংরিমজক। না·সং বাং·গিজা সালনা দুকখো চাক্কানি জা·মানো ইসল আন·থাংআন না·সংখো চু·সকেতনুয়া আরো খেম·খেম দন্নুয়া, বিলখো র·ন্নুয়া আরো রাকগিবা ফাংচাকানি সাক্কাও না·সংখো চাদেংএতনুয়া।

যিহূদা 1:24

সাকসামাংমাং ইসল জেআন আনচিংনি জক্কেৎগিবা বিয়া না·সংখো জা·গিদত্তা চা·আওনিখো রাক্ষিয়ে খাকখেৎ অবস্থাও আন·থাংনি রাসংনি মিকখাংও হান·সেংআমুং রা·বানা মা·ন্না। চেংওনি জেগিত্তা দংআমিং উগিত্তা দা·আওবা আরো ফাংনাজলনা আনচিংনি গিত্তেল যীশু খ্রীষ্টও ইসলনি রাসং, বিল আরো বিল্লাকা দংখানা। আমেন।

ফারাকগিবা খাৎথা 1:7

নিবো, বিয়া গাদিলাও দাক্কে রি·বাংজক। গিম্মিক মিক্রোন বিখো নিকনুয়া; জেরাং বিখো সু·আমিং বিসংবা নিকনুয়া আরো হা·গিলসাকনি গিম্মিক জাত বিনা রাক্কে রাক্কে গ্রাপনুয়া। ইন্দাকেন হং·খানা, আমেন।

ফারাকগিবা খাৎথা 1:9

আংআ না·সংনি জংআদা যোহন; যীশুমুং নাংরিমে আংআ না·সংমুং আপসান দুকখো, আপসান সংনকখো আরো আপসান চাকচিকানি বাকখো মান·ফাগিবা হং·জক। ইসলনি খাৎথা আরো যীশুনি সাক্ষিনি বিদিংও আগানফ্রাকামিং ইন্নে আংখো পাট্‌ম চিচাংচা রা·আংএ দন্নামিং।