পিতর 4:11 - Garo New Testament

¹¹ সাবা আগানফ্রাকোদে ইন্দাকে আগানফ্রাকখানা জেদাক্কে বিয়া ইসলনি আন·থাংনি খু·সুকখো আগানিংআ। সাবা দাকচাকে হ·ন্নোদে ইসলনি হন·গিবা বিলচা বিয়া দাকচাকে হন·খানা, জেদাক্কে যীশু খ্রীষ্টও গিম্মিক গিত্তা ইসলান রাসংখো মা·ন্না। রাসং আরো বিল ফাংনাজলনা বিনিন হং·আ। আমেন।

পিতর 4:11 Iomraidhean Croise

মথিনি চকগিবা নাম্মা খাৎথা 6:13

চিংখো রুরাওনা দা·আ গাল্লাবো, ইন্দিবা শয়তাননি জাকনিখো চিংখো জক্কেৎবো।

যোহননা 13:31

যিহূদা হা·ফালচানা রি·য়াংআনি জা·মানো যীশু আগানজক, “মান্দিনি দেফান্থিনি রাসংখো ফারাকানি সাল সকবাজক আরো বিও ইসলনি রাসং ফারাকনুয়া।

ওয়াত্তেতারাংনা 7:38

ইয়া মোশিন হা·গিসি জওলো ইস্রায়েলরাংনি উয়া দলরাংনি গিসেপো আনচিংনি ফাগিৎচামরাংমুং দংআমিং। সিনাই হা·ব্রিও জে সা·গ্রে খাৎথা আগানামিং উয়া সা·গ্রেমুং ইয়া মোশিন উয়োনা দংআমিং। আনচিংনা হ·ন্না গিম্মিন থাংগিবা খাৎথাখো ইয়া মোশিন উয়োনা মা·ন্নামিং।

রোমানরাংনা 11:36

বিচানিন আরো বিগিত্তান গিম্মিক রি·বাআ আরো গিম্মিক বিনা মিংএন হং·আ। ফাংনাজলনা বিনিন রাসং হং·খানা। আমেন।

রোমানরাংনা 12:3

আংআ ইসলচাখো জে মংসংগিবা খা·সাচাক্কাখো মান·জক উচা আংআ না·সং গিম্মিকনা আগানিংজক, আন·থাংখো জেচিকিন দাল·নিকনা নাংআ উনা বাত্তে না·সং আন·থাংথাংখো দা·আ দাল·নিকাবো, বাত্তেসা জেচিকিন খ্রাআ উচিকিনান দাল·নিকবো। ইসল জেনা জেচিকিন বিবিরা·আনি বিলখো হ·ন্না উনা বাত্তে বাং·এ সাকসাবা আন·থাংখো চানচিজাখানা।

রোমানরাংনা 16:27

বিয়া সাকসাসান ইসল, বিয়ান হা·আইগিবা হং·আ। যীশু খ্রীষ্টচা ফাংনাজলনা বিনিন রাসং হং·খানা। আমেন।

রোমানরাংনা 3:2

গিম্মিক গিত্তান চু·ওংএ মান·দাপজক। স্খাং: ইসল বিনি খাৎথাখো যিহূদীরাংনান হ·ন্নামিং।

1ম করিন্থীয়রাংনা 10:31

উনি গিম্মিন না·সং চা·বো-রিংবো আরো জেবা দাকবো, গিম্মিকখোন ইসলনি রাসংনা দাকবো।

1ম করিন্থীয়রাংনা 12:4

আপসান গিসিক রংথালগিবানি মংসংগিবা হ·ন্নানিরাং দিংথাং দিংথাং হং·আ।

1ম করিন্থীয়রাংনা 3:10

ইসলচাখো আংআ মংসংগিবা খা·সাচাক্কাখো মা·ন্নে উচান দাল·গিবা মিস্ত্রি গিত্তা আংআ ফাংচাকানিখো রিকজক, আরো সাকগিপ্পিনরাং উনি সাক্কাও দালান রিক্কিংজক। ইন্দিবা সা বাদিকে রিক্কা উনি গিম্মিন বিয়া সিমসাকখানা।

1ম করিন্থীয়রাংনা 6:20

বাং·আ দামচা না·সংখো ব্রিজক। উনি গিম্মিন ইসলনি রাসংনা না·সংনি বে·এনখো জাকখালবো।

2য় করিন্থীয়রাংনা 2:17

আন·থাংথাংনি নামগ্মিনা গিম্মিন জেরাং ইসলনি খাৎথাখো রা·এ বাদিংআ চিংআ উয়ানদাকগিবা মান্দিরাং গিত্তা হং·জা; বাত্তেসা খ্রীষ্টমুং নাংরিমে ইসলনি মিকখাংও ইসলনি ওয়াত্তেতা মান্দি গিত্তা চিংআ খাকখেৎ খা·থংওনি খাৎথা আগানা।

2য় করিন্থীয়রাংনা 9:13

না·সং বিবিরা·না খ্রাগিবা হং·আ, না·সংনি ইয়া হ·ন্না উখো ফিন্নিকনুয়া, আরো উখো নিক্কে বিসং ইসলনি রাসংখো দাকনুয়া, মুয়ানা না·সং খ্রীষ্টনি গিম্মিন নাম্মা খাৎথাখো বিবিরা·এ উয়ো বাম্মে দংজক আরো না·সং জাকস্রামে বিসংনা আরো গিপ্পিনরাংনা হন·জক।

ইফিষীয়রাংনা 4:29

না·সংনি খু·সুকওনি মামুং নামগিজা খাৎথা হং·খাতজাখানা, বাত্তেসা নাংআ গিত্তা গিপ্পিনখো রিকনা ইন্নে জেআন নাম্মা উয়ানদাক্কা খাৎথান হং·খাতখানা, জেদাক্কোদে উখো জেরাং খিন্নাআ উচা বিসংনি নাম্মা হং·আ।

ইফিষীয়রাংনা 5:20

ফাংনান গিম্মিকনা আনচিংনি গিত্তেল যীশু খ্রীষ্টনি বিমুংও ফাগিবা ইসলখো মিৎথেলবো।

ইফিষীয়রাংনা 6:10

বন·চতাও আগান্না, গিত্তেলমুং নাংরিমে বিনিন রন·গিবা বিলও বিল্লাকগিবা হং·বো।

ফিলিপীয়রাংনা 2:11

আরো ফাগিবা ইসলনি রাসংনা যীশু খ্রীষ্টআন গিত্তেল ইন্নে খু·রাচাক্কা।

কলসীয়রাংনা 4:6

ফাংনান না·সংনি খু·সুকরাং চি·আ আরো খাসিম ফুগিবা চা·আরাং গিত্তা রা·চাকানি হং·খানা, জেদাক্কে সানা বাদিকে দাক্কে আগানচাকনুয়া উখো না·সং হা·আইনা মা·ন্না।

1 থিষলনীকী 2:4

বাত্তেসা খ্রাগিবা চানচিয়ে নাম্মা খাৎথাখো হা·আইয়েতানি কামখো ইসল চিংনা হন·জক ইন্নেন চিংআ উগিত্তা আগানিংজক। মান্দিখো খুসি দাকনা চিংআ ইয়া খাৎথাখো আগানজাংআ, ইন্দিবা জেআন চিংনি খা·থংখো থিকখেলে নিআ উয়া ইসলখো খুসি দাকনা ইন্নেন আগানিংজক।

1 তীমথিয় 1:17

জেআন চাসং গিম্মিকনি রাজা, জেনি চা·ম্মানি দংজা আরো জেখো নিকজাংআ, ফাংনাজলনা উয়া সাকসা মা·মাং ইসলনি রাসং হং·খানা। আমেন।

1 তীমথিয় 6:16

সাকসা মা·মাং ইসলসান সিয়ানি নিং·আও হং·জা। বিয়া ইন্দাকগিবা সেং·আও দংখামা জেও সাকসা মান্দিবা রি·য়াংনা মান·জা। সাকসা মান্দিবা বিখো মামুং সালোবা নিকখুজা, নিকনা মা·ন্নাবা মান·জা। মান্দিরা·আ আরো বিল ফাংনাজলনা বিনিন হং·আ। আমেন।

তীতনা 2:1

না·আ ইন্দাকফিল্লে স্খিয়েতবো জেদাক্কে নাং·নি খাৎথামুং চং·মত স্খিয়া আপসান হং·আ।

তীতনা 2:15

উনি গিম্মিন চু·গিম্মিক বিলখো রা·এ না·আ ইয়া বিদিংরাংও স্খিয়েতবো, নাম্মাখো আগানবো আরো দোসখো ফিন্নিকে হন·বো। জেদাক্কে দারাংবা নাং·খো চন্নিকজা।

ইব্রীয়রাংনা 13:7

জেরাং না·সংচা ইসলনি খাৎথাখো আগান্নুয়ামিং না·সংনি উয়া দাল·গিবারাংনি খাৎথাখো গিসিক রা·বো। বিসংনি জাংগিনি বন·চতগিবা বিথিনি খাৎথাখো নাম্মে চানচিবো আরো বিসং গিত্তা না·সংবা বিবিরা·বো।

ইব্রীয়রাংনা 5:12

ইয়া সময়রাংও না·সং স্খিগিবা হং·না খ্রাআমিং, ইন্দিবা উনা বাত্তে ইসলনি খাৎথানি হা·বাচেংগিবা খাৎথারাংখোন দা·আবা না·সংনা স্খিয়েতনা ইন্নে স্খিগিবাখো নাংইংজক। রাক্কা চা·আনা বাত্তে চনগিবা বি·সারাং গিত্তা দা·আবা না·সংনি সক রিংনা নাংইংজক।

যাকোব 1:19

আংনি খা·সাগিবা জংআদারাং, আংনি ইয়া খাৎথাখো গিসিক রা·বো-না·সং দিমদাকান খিন্নানা গং·রাকগিবা হং·বো, ইন্দিবা থেংরি থেংরি দাক্কে খাৎথা আগান্না বা খা·আওনাংনা দা·আ গং·রাকাবো;

যাকোব 1:26

সাবা আন·থাংখো থরম দাকগিবা ইন্নে চানচিওদে ইন্দিবা আন·থাংনি স্রিবাক্‌খো সিমসাকে রা·রিকজাওদে বিয়া আন·থাংখো থগিয়া। উনো বিনি থরম দাক্কারাং বু·আনি হং·আ।

পিতর 2:12

মুয়ানা উরাং না·সংনি গিসিকনি সাক্কাও দাকগ্রিকা। ইসলখো জেরাং হা·আইজা বিসংনি গিসেপো না·সং নাম্মেদাক্কে রি·বো জেদাক্কে খ্রাগিজাখো দাকগিবা ইন্নে বিসং না·সংখো জিয়োবা না·সংনি নাম্মা কামরাংখো নিআ আরো বিচালনি সালো না·সংনি উয়া কামরাংনা ইসলখো রাসং দাক্কা।

পিতর 4:10

দিংথাং দিংথাং দাক্কে ফারাকা ইসলনি খা·সাচাক্কাখো মা·ন্নে জে মান্দি বিবিরা·না খ্রাগিবা দাক্কে উখো কাম দাক্কেতজক, উয়ানদাকগিবা মান্দি গিত্তা না·সং ইসলচাখো জেগিত্তা হন·চাকাখো মান·জক উখো সাকসা সাকগিপ্পিননা দাকচাকে হ·ন্না ইন্নে জাকখালবো।

পিতর 4:16

ইন্দিবা খ্রীষ্টান হং·এ সাবা দুক চাক্কোদে খ্রাচা·জাখানা, বাত্তেসা বিনি উয়া বিমুং দংআ ইন্নে বিয়া ইসলখো রাসং দাকখানা।

পিতর 5:11

বিনি বিল ফাংনাজলনা দংখানা। আমেন।