পিতর 3:4 - Garo New Testament

⁴ বাত্তেসা জেনি নিথুয়া ব·ন্নাংজানুয়া উয়া ন·ম্মা আরো থম·থম দাকগিবা গিসিক-বেওয়ালচা না·সংনি খা·থংখো সাজাইবো। ইসলনি মিক্রোনও উয়ান গামচাৎবিয়া।

পিতর 3:4 Iomraidhean Croise

মথিনি চকগিবা নাম্মা খাৎথা 11:29

আংনি জোয়ালখো না·সংনি সাক্কাও গাত্তে রা·বো আরো আংচানিখো স্খিবো, মুয়ানা আংআ গিসিক নম·গিবা আরো রিন্নকগিবা হং·আ।

মথিনি চকগিবা নাম্মা খাৎথা 21:5

“না·সং সিয়োন দেমিচিকনা আগানবো, নাং·নি রাজা নাং·চা রি·বাংজক। বিয়া সনথল। বিয়া গাধানি সাক্কাও, গাধীনি বি·সানি সাক্কাও গাখাতে রি·বাংজক।”

মথিনি চকগিবা নাম্মা খাৎথা 23:26

মিকগ্রি ফরীশীরাং, স্খাং উয়ারাংনি নিং·আচানিখো থাল্লেতবো, উনোন উনি হা·ফালচানিবা থাল্লাংনুয়া।

মথিনি চকগিবা নাম্মা খাৎথা 5:5

গিসিক রিন্নকগিবারাং ফাত্তিয়াখো মান·গিবা হং·আ, মুয়ানা হা·গিলসাক বিসংনিন হং·নুয়া।

লূকনি চকগিবা নাম্মা খাৎথা 11:40

না·সং জাদাস্রাং! হা·ফালনিখো থারিগিবা নিং·আনিখোবা থারিজামা?

লূকনি চকগিবা নাম্মা খাৎথা 16:15

উনোন যীশু বিসংনা আগানজক, “না·সং মান্দিরাংনি মিকখাংও আন·থাংথাংখো থরমি দাক্কে ফিন্নিকিংআ, ইন্দিবা ইসল না·সংনি খা·থংরাংখো হা·আইয়া। মান্দিরাং জেখো নাম্মা ইন্নে চানচিয়া ইসলনি মিক্রোনও উয়া মিৎচিয়ানি হং·আ।

রোমানরাংনা 1:23

ফাংনাজলনি, রাসং গাপগিবা ইসলখো অলাখিগিজা বিসং ফাংনাজল হং·গিজা মান্দিখো, সাক্কাও বিলগিবা দো·দ্রাংখো, মাৎবুরুংরাংখো আরো বুকমাচা মালগিবারাংনি বিমাংখোসা অলাখিয়া।

রোমানরাংনা 2:29

ইন্দিবা খা·থংও যিহূদী হং·গিবান খাকখেৎ যিহূদী হং·আ। খাকখেৎ বিগিল রাত্তানি কাম খা·থংওন হং·আ। উয়াদে গিসিকনি গিম্মিন হং·আ, চকগিবা নিয়াম মানিয়ানি হং·জা। ইন্দাকগিবা মান্দি মান্দিরাংচাখো মিৎথেলাখো মান·জা, ইন্দিবা ইসলচাখো মিৎথেলাখো মা·ন্না।

রোমানরাংনা 6:6

আনচিং ইখো হা·আইয়া, আনচিংনি পাপ-বেওয়ালখো গিম্মায়েতনান আনচিংনি গিৎচাম ‘আংআ’খো খ্রীষ্টমুং চিসলো দাৎখাপজক জেদাক্কে আনচিংখো পাপনি নকখল হং·এ দংনা নাংজা;

রোমানরাংনা 7:22

আংনি খা·থং ইসলনি নিয়ামনা হান·সেংআ;

2য় করিন্থীয়রাংনা 10:1

খ্রীষ্টনি সনথল আরো খা·সাচাকগিবা খা·থংনি খাৎথাখো গিসিক রা·এ আংআ পৌল আন·থাংআন না·সংখো মল·মলিংজক। মান্দিরাং আগানা, আংআ না·সংমুং দংমিত্তিংও খেনসিক খেনসিক দাক্কে দংআ, ইন্দিবা দংজামিত্তিংওদে খেনমানগিজাগিবা হং·আ।

2য় করিন্থীয়রাংনা 4:16

ইনি গান্দা চিংআ খা·দংআগ্রি হং·জা। চিংনি হা·ফালনি বে·এন ব·ন্নাংওবা চিংনি নিং·আনি মান্দি সালনি সাল গিত্তাল হং·বারিকরিকিংআ।

গালাতীয়রাংনা 5:23

সনথল আরো আন·থাংখো বাম্মেতানি। ইরাংনি সাক্কাও নিয়াম দংজা।

ইফিষীয়রাংনা 4:2

না·সংনি গিসিক-বেওয়াল জেদাক্কে চু·গিম্মিক রিন্নকা আরো সনথল হং·আ। চাকচিকবো আরো খা·সানি গিসিকখো রা·এ সাকসা সাকগিপ্পিনখো চাকবো।

কলসীয়রাংনা 3:12

ইনি গিম্মিন ইসল জেরাংখো বাচ্ছিয়ে আন·থাংনা দিংথাং দাক্কে দনজক বিনি উয়া খা·সাগিবা মান্দি হং·এ না·সং নামনিকাচা, খা·সাচাক্কাচা, রিন্নকাচা, রিন্নকগিবা গিসিকচা আরো চাকচিকাচা আন·থাংথাংখো থারিবো।

কলসীয়রাংনা 3:3

না·সংদে সিজক আরো না·সংনি জাংগি খ্রীষ্টমুং ইসলও থুম্মুয়া দংআ।

1 থিষলনীকী 4:11

চিংআ না·সংনা জেখো গি·য়েৎজক উগিত্তা থম·থমা জাংগিখো মিৎথাংনা, কামথাংও বিমচিপে দংনা আরো জাকথাংচা গামনা গিসিক নাংবো,

2 থিষলনীকীয়রাংনা 3:12

আনচিংনি গিত্তেল যীশু খ্রীষ্টনি হং·এ চিংআ ইন্দাকগিবা মান্দিরাংনা গি·য়েতিংজক আরো স্খিয়েতিংজক, বিসং জেদাক্কে থম·থমে কাম দাক্কে আন·থাংথাংনি চা·আখো আন·থাংথাংআন থারিয়া।

1 তীমথিয় 2:2

ইন্দাকে রাজারাংনা আরো জেরাংনি জাক্কো বিল দংআ বিসং দিমদাকনা বি·না নাংনুয়া, জেদাক্কে ইসলখো অলাখিয়ে আরো খাকখেৎ দাক্কে রি·এ আনচিং খেম·খেমে আরো থম·থমে জাংগি মিৎথাংএতনা মা·ন্না।

2 তীমথিয় 2:25

জেরাং বিনি সাক্কাও চাদেংআ বিসংখো বিনি রিন্নকে স্খিএতনা নাংনুয়া। উয়া স্খিয়াখো বিয়া জেদাক্কে ইখো খা·দংএ হ·ন্না, ইসল বিসংনি গিসিকখো ফি·ল্লেতানি চলখো হ·ন্নুয়া জেদাক্কে ইসলনি বিবিখো বিসং নিং·থুয়ে হা·আইনা মা·ন্না। আনচিংনি

তীতনা 3:2

বিসং দারাংখো জিজাখানা বা নিরিজাখানা, বাত্তেসা বিসং জেদাক্কে সনথল গিসিকনি হং·আ আরো গিম্মিকমুং রিন্নকে জাকখালা।

যাকোব 1:21

ইনি গিম্মিন না·সংও দংগিবা রংথালগিজা আরো নামগিজাগিবা দিমদাকখোন ওয়াতবো। ইসলনি খাৎথানি জে বিৎচ্রিখো না·সংনি খা·থংও গি·মানজক, উখো গিসিক রিন্নকে রা·চাকবো। পাপনিখো না·সংখো জক্কেতানি বিল ইয়া খাৎথাওন দংআ।

পিতর 1:23

জে বিৎচ্রি নাসিয়া ইন্দাকগিবা বিৎচ্রিওনি না·সং গিত্তাল দাক্কে আৎচিজা, বাত্তেসা জে বিৎচ্রি মামুং সালোবা নাসিজা উয়োনিন না·সং আৎচিয়া। উয়া বিৎচ্রি হং·জক ইসলনি থাংগিবা আরো ফাংনাজলনি খাৎথা।

পিতর 3:15

বাত্তেসা খ্রীষ্টখো না·সংনি খা·থংও গিত্তেল দাক্কে হা·দাম রন·বো। না·সংনি খা·দংআনি গিম্মিনো সাবা সিং·ওদে বিনা আগানচাকনা ফাংনান থারিয়ে দংসোবো, ইন্দিবা ইন্দাকে আগানচাক্কাখো সনথল দাক্কে আরো খা·ফাকে রন·বো।