পিতর 3:22 - Garo New Testament

²² যীশু সালগিচা রি·য়াংজক আরো দা·আও ইসলনি জাক্রাচা আসংএ দংআ, আরো সালগিসাকনি সা·গ্রেরাং, বিলখো মান·রিকগিবারাং আরো শাসন দাকগিবারাং বিনি নিং·আও দংআ।

পিতর 3:22 Iomraidhean Croise

মথিনি চকগিবা নাম্মা খাৎথা 22:44

‘গিত্তেল আংনি গিত্তেলনা আগানা, জেওনা দিপ্পাৎ আংআ নাং·নি বোবিলরাংখো নাং·নি জা·চকনি খামাও দনজা, উনোনা দিপ্পাৎ না·আ আংনি জাক্রাচা আসংবো।’

মথিনি চকগিবা নাম্মা খাৎথা 28:18

উনোন যীশু সেফাংও রি·বাএ বিসংনা ইয়া খাৎথাখো আগানজক, “সালগিনি আরো হা·গিলসাকনি গিম্মিক বিলখো আংনা হন·মানজক।

মার্ক 12:36

দায়ূদ আন·থাংআন গিসিক রংথালগিবাও আগানা, ‘গিত্তেল আংনি গিত্তেলনা আগানা, জেওনা দিপ্পাৎ আংআ নাং·নি বোবিলরাংখো নাং·নি জা·চক খা·মাও দনজা, উনোনা দিপ্পাৎ না·আ আংনি জাক্রাচা আসংবো।’

মার্ক 16:19

জা·রিকগিবারাংনা ইয়া খাৎথারাংখো আগানানি জা·মানো গিত্তেল যীশুখো সালগিচা দি·দোয়ে রা·আংজক। উচা বিয়া ইসলনি জাক্রাচা আসংজক।

লূকনি চকগিবা নাম্মা খাৎথা 20:42

রংথালগিবা শাস্ত্রনি গীতরাং মিংগিবা খি·তাপো দায়ূদ আন·থাংআন ইয়া খাৎথাখো আগানা, ‘গিত্তেল আংনি গিত্তেলনা আগানা, জেওনা দিপ্পাৎ আংআ নাং·নি বোবিলরাংখো নাং·নি জা·চকনি খা·মাও দনজা, উয়োনা দিপ্পাৎ না·আ আংনি জাক্রাচা আসংবো।’

যোহননা 13:32

ইসলনি রাসং বিও ফারাকোন ইসলবা মান্দিনি দেফান্থিনি রাসংখো আন·থাংও ফারাকেতনুয়া আরো উখো বিয়া থেংরিন দাকনুয়া।

ওয়াত্তেতারাংনা 1:11

“গালীলনি মান্দিরাং, ইনো চাদেংএ সিলগাচানা মুয়ানা নিএ দংআ? না·সংওনি জেখো রা·দোআংজক উয়া যীশুখো জেদাক্কে না·সং সালগিচানা রি·য়াংআখো নিকজক উয়ানদাক্কেন বিয়া রি·বাফিলনুয়া।”

ওয়াত্তেতারাংনা 3:21

গিম্মিকখোন ইসল স্খাংনি অবস্থাওনা রা·বাফিলনুয়া ইখো স্খাংওনিন রংথালগিবা আগানসোগিবারাংচা আগানসোআমিং। বিয়া জেওনা দিপ্পাৎ বিনি উয়া খাৎথাখো চু·সকজানুয়া উয়োনা দিপ্পাৎ যীশুখো সালগিও দংনা নাংনুয়া।

রোমানরাংনা 8:34

সা বিসংখো দোসি দাকনুয়া? জে সিজকমিং আরো জেখো সিয়াওনি থাংচাএতজক উয়া খ্রীষ্ট যীশু দা·আও ইসলনি জাক্রাচাবাক্কা দংআ আরো আনচিংনা মল·মলিংজক।

রোমানরাংনা 8:38

আংআ ইখো নাম্মেদাক্কেন হা·আইয়া, সিয়া বা জাংগি, সালগিনি সা·গ্রে বা শয়তাননি সা·গ্রে, দা·আওরোরোনি বা জা·মানোনি মামুং বা দিংথাং দাকগিবা বিল,

1ম করিন্থীয়রাংনা 15:24

উনি জা·মানো জেনসালো খ্রীষ্ট গিম্মিক শাসন দাক্কানিরাংখো, বিলরাংখো ব·ন্নেতি ফাগিবা ইসলনি জাক্কো সংনকখো হ·ন্নেতনুয়া উনসালো বন·খামগিবা সাল রি·বানুয়া।

কলসীয়রাংনা 3:1

ইন্দাকোদে না·সং খ্রীষ্টমুং সিয়াওনি থাংচাওদে খ্রীষ্ট সালগিচা জেও ইসলনি জাক্রাচানা আসংএ দংআ উয়া সালগিনি গিম্মিন গিসিক নাংবো।

ইব্রীয়রাংনা 1:13

ইসল মামুং সালোবা সাকসা সা·গ্রেনা ইয়া খাৎথাখো আগানামা, “জেওনা দিপ্পাৎ আংআ নাং·নি বোবিলরাংখো নাং·নি জা·চকনি খা·মাও দনজা, উয়োনা দিপ্পাৎ না·আ আংনি জাক্রাচা আসংবো”?

ইব্রীয়রাংনা 1:3

ইসলনি গিম্মিক গুণ উয়া দেফান্থিওন দংআ; দেফান্থিন ইসলনি চু·গিম্মিক বিমাং হং·আ। দেফান্থি বিনি বিল্লাকগিবা খাৎথাচা গিম্মিকখো রি·ম্মে রা·রিকে চালাইয়া। মান্দিনি পাপখো হা·রিকানি জা·মানো দেফান্থি সালগিও চুবাৎগিবা ইসলনি জাক্রাচা আসংজক।

ইব্রীয়রাংনা 1:6

হং·জা, বিয়া উখো আগানজা। ইসল বিনি দাল·বাৎগিবা বি·সাখো ইয়া হা·গিলসাকো ওয়াত্তেতানি সময়ও আগানিংজক, “ইসলনি দিমদাক সা·গ্রেরাং বিখো ইসল গিত্তা দাকনিকে মান্দিরা·খানা।”

ইব্রীয়রাংনা 10:12

ইন্দিবা যীশু পাপনি হা·সেল ফাংনাজলনা গি·সা মা·মাং বলি হ·ন্নে ইসলনি জাক্রাচা আসংজক।

ইব্রীয়রাংনা 12:2

আরো হাই, আনচিংনি মিক্রোনখো যীশুনি সাক্কাও খেম·খেম দন্না জেআন বিবিরা·আনি ফাংচাকা আরো চু·সকা হং·আ। বিনি মিকখাংও জে হান·সেংআখো দন্নামিং উনি গিম্মিনান বিয়া মান্দিরা·গিজাখো নিগিজা চিসলো সিয়াখো চাকজক আরো দা·আও ইসলনি সিংহাসননি জাক্রাচা আসংএ দংআ।

ইব্রীয়রাংনা 4:14

ইনি গিম্মিন হাই, আনচিং স্রংস্রাং দাক্কে ইসলনি দেফান্থি যীশুনি সাক্কাও আনচিংনি বিবিরা·আখো খু·রাচাক্কে রি·য়াংনা, মুয়ানা বিয়ান আনচিংনি খামাল দাল·বাৎগিবা হং·আ জেআন সালগিচা রি·য়াংএ দা·আও ইসলনি মিকখাংও দংআ।

ইব্রীয়রাংনা 6:20

যীশুআন আনচিংনি হং·এ আনচিংনা স্খাং উয়া হা·দামচানা রি·য়াংজক। বিয়া ফাংনাজলনা মল্কীষেদক গিত্তা দাক্কে খামাল দাল·বাৎগিবা হং·জক।

ইব্রীয়রাংনা 8:1

চিংআ জেখো আগানিংআ উনি চং·মত খাৎথা ইয়ান, আনচিংনি ইন্দাকগিবা সাকসা খামাল দাল·বাৎগিবা দংআ জেআন সালগিও চুবাৎগিবা ইসলনি সিংহাসননি জাক্রাচা আসংজক।

ইব্রীয়রাংনা 9:24

আদত রংথালগিবা হা·দাম গিত্তা দাক্কা মান্দিনি থারিয়া রংথালা হা·দামও খ্রীষ্ট নাপজা, বাত্তেসা উনা বাত্তে বিয়া সালগিও নাপজক জেদাক্কে বিয়া আনচিংনা হং·এ ইসলনি মিকখাংও দা·আও দংনা মা·ন্না।