পিতর 3:21 - Garo New Testament

²¹ ইয়া হং·জক রিপ্পলানি গি·সা ছবি দা·আও না·সংখো জেআন জক্কেতা। রিপ্পলা না·সংনি বে·এননিখো ময়লাখো থাল্লেতা ইন্দাকে হং·জা; ইসলচা ইয়া গি·সা রংথালা চানচিয়ানি হং·আ। যীশু খ্রীষ্টনি সিয়াওনি থাংচাএ চাখাতাচা না·সংখো জক্কেতানি হং·আ।

পিতর 3:21 Iomraidhean Croise

মথিনি চকগিবা নাম্মা খাৎথা 28:19

ইনি গিম্মিন না·সং রি·য়াংএ গিম্মিক জাতরাংনি মান্দিরাংখো আংনি জা·রিকগিবা থারিবো। ফাগিবানি, দেগিবানি আরো গিসিক রংথালগিবানি বিমুংও বিসংখো রিপ্পলেতবো।

মার্ক 16:16

জে মান্দি বিবিরা·আ আরো রিপ্পলা বিয়ান পাপওনি জকনা মা·ন্নুয়া, ইন্দিবা জে মান্দি বিবিরা·জা ইসল বিখো গ্রোনাংগিবা ইন্নে শাস্তিখো হ·ন্নুয়া।

যোহননা 13:9

উনোন শিমোন-পিতর আগানজক, “গিত্তেল, ইন্দাকোদে আংনি জা·চকখোসান হং·জা, আংনি জাকখো আরো স্খুখোবা সু·গালে হন·বো।”

ওয়াত্তেতারাংনা 16:33

জেলখো নিথিমগিবা উনি ওয়াল্লোন পৌল আরো সীলখো রিম্মাংএ বিসংনি বে·এননি মাতগিবা হা·দামরাংখো সু·গালজক আরো বিয়া আরো বিনি নকগিম্মিকান উনোন রিপ্পলজক।

ওয়াত্তেতারাংনা 2:38

পিতর আগানচাকজক, “না·সং দিমদাকান পাপওনি ক্ষেমা মা·ন্না ইন্নে পাপনিখো গিসিক ফিল·বো আরো যীশু খ্রীষ্টনি বিমুংও রিপ্পলবো। না·সং মান·গ্মি গিত্তা গিসিক রংথালগিবাখো মা·ন্নুয়া।

ওয়াত্তেতারাংনা 22:16

দা·আও না·আ মুয়ানা হারিমিংআ? চাখাত্তে রিপ্পলবো আরো পাপওনি জক্কাখো মা·ন্না যীশুখো রিংগামে নাং·নি গিম্মিক পাপরাংখো সু·গালবো।’

ওয়াত্তেতারাংনা 8:36

রামাও রি·য়াংমিত্তিংও বিসং ইন্দাকগিবা হা·দাম দামসাওনা রি·বাজক জেও চি দংআমিং। উনোন উয়া কাম রিম·গিবা আগানজক, “ইয়া নিবো, ইনো চি দংআ; আংনি রিপ্পলনা চাংফেংআনি দংআমা?”

রোমানরাংনা 5:14

ইন্দাকোবা আদমওনি মোশিনি সময়ওনা দিপ্পাৎ গিম্মিকনি সাক্কাওন সিয়া শাসন দাক্কামিং। ইসলনি গি·য়েতাখো মানিগিজা জেরাং আদম গিত্তা পাপ দাকজা বিসংনি সাক্কাওবা সিয়া শাসন দাক্কিংআমিং। আদম উয়া রি·বানা আগানগিবা যীশু খ্রীষ্টনি মিকখাং বিমাং হং·আমিং।

1ম করিন্থীয়রাংনা 12:13

আনচিং যিহূদী বা যিহূদী হং·গিজাগিবা, নকখল বা জাকগিত্তেল হং·গিবা, দিমদাকান আপসান গিসিক রংথালগিবাচা আপসান বে·এনো রিপ্পলজক। আনচিং গিম্মিকান উয়া আপসান গিসিক রংথালগিবাখো মান·জক।

1ম করিন্থীয়রাংনা 4:6

জংআদারাং, না·সংনি নাম্মানা আংআ আন·থাংখো আরো আপল্লোখো থসুসাএ ইয়া খাৎথারাংখো আগানজক, জেদাক্কোদে না·সং চিংচানিখো ইখো স্নিংনা মা·ন্না, রংথালগিবা শাস্ত্রও চক্কা দংআনি আগ্রেফিল্লে রি·য়াংনা নাংজা। ইন্দাকোদে না·সং সাকসাখো দনগাল্লে দা·আও সাকসাখো রা·এ গাং·বিংজানুয়া।

2য় করিন্থীয়রাংনা 1:12

জেনি হা·সেল চিংআ রাসং দাক্কা উয়া ইয়ান-চিংনি চানচিয়া ইখো সাক্ষি হ·ন্নিংআ, ইসলনি হন·গিবা রংথালাও আরো স্রংআও চিংআ গিম্মিক মান্দিনি গিসেপো মংসংদে না·সংনি গিসেপো জাংগি মিৎথাংজক। উয়া জাংগিখো চিংআ হা·গিলসাকনি হা·আইয়াও মিৎথাংএতজা বাত্তেসা ইসলনি খা·সাচাক্কাও মিৎথাংএতজক।

2য় করিন্থীয়রাংনা 7:1

খা·সাগিবা রিপ্পেংরাং, আনচিংনা ইয়া খু·রাচাক্কারাং দংআ ইন্নে হাই, আনচিং বে·এন আরো খা·থংনি গিম্মিক মারাং নাংআওনি আন·থাংথাংখো রংথালেতনা আরো ইসলখো খেনচাকে অলাখিয়ে চু·গিম্মিক রংথালানি রামাও রি·না।

গালাতীয়রাংনা 3:27

মুয়ানা না·সং জেরাং খ্রীষ্টও রিপ্পলজক, বা·রা গিত্তা দাক্কে না·সং খ্রীষ্টচা আন·থাংথাংখো ফিনদাপজক।

ইফিষীয়রাংনা 5:26

খ্রীষ্টনি মিকসংআ ইয়ান জেদাক্কে বিয়া মন্ডলীখো রংথালেতনা বিনি খাৎথাচা চিও সু·গালে রাসংগ্মাং অবস্থাও আন·থাংনি মিকখাংও রা·বানা মা·ন্না। উয়া সময়ও মন্ডলীও মামুং মারাং নাংআনি চিন বা উয়ানদাকগিবা মামুং দংজানুয়া, বাত্তেসা উয়া রংথালা আরো খাকখেৎ হং·নুয়া।

কলসীয়রাংনা 2:12

রিপ্পলাচা খ্রীষ্টমুং না·সং গোপ্পাখো মান·জক; ইন্দাকেসান হং·জা, জেআন সিয়াওনি খ্রীষ্টখো থাংচাএতজক উয়া ইসলনি বিলখো বিবিরা·আচা না·সংখো খ্রীষ্টমুং থাংচাএতাবা হং·জক।

1 তীমথিয় 1:5

ইন্দাকে গি·য়েতানি মিকসংআ হং·জক খা·সাখো মিকরাকেতা। ইয়া খা·সা খাকখেৎ খা·থং, নাম্মা চানচিয়া আরো চং·মত বিবিরা·আওনি রি·বাআ।

1 তীমথিয় 6:12

খ্রীষ্টখো বিবিরা·আনি গিম্মিন বিনা চাক্কে সিমাংথাংমাং দাকগ্রিকে রি·য়াংবো। জে ফাংনাজলনি জাংগিনি গিম্মিন ইসল নাং·খো রিক্কামামিং উয়া ফাংনাজলনি জাংগিখো রি·ম্মে রা·রিকবো। না·আ বাং·আ মান্দিরাংনি মিকখাংওন নাং·নি বিবিরা·আনি সাক্ষিখো হ·ন্নামিং।

ইব্রীয়রাংনা 10:22

উনি গিম্মিন বিবিরা·আও জে খেম·খেমা রি·বাআ, হাই, আনচিং উয়া চু·সকগিবা খেম·খেমাও খাকখেৎ খা·থংও ইসলনি মিকখাংচা রি·য়াংনা; মুয়ানা দোসগ্মাং চানচিয়ানি জাকওনি আনচিংনি খা·থংখো হান·চি গোসাত্তে রংথালেতজক আরো গ্রিকা চিচা আনচিংনি বে·এনখো সু·গালজক।

ইব্রীয়রাংনা 11:19

অব্রাহাম বিখো বলি হ·ন্না গং·জক, মুয়ানা বিয়া বিবিরা·নুয়ামিং ইসল সিগিবাখো থাংচাএতনা মা·ন্না। আগান্না রি·য়াংওদে, অব্রাহামদে সিয়ানি দ·গাওনিন ইসহাকখো মান·ফিলামিং।

ইব্রীয়রাংনা 13:18

চিংনা বি·চাকবো। গিম্মিকো চিংআ নাম্মে রি·না হাম·মা ইন্নে চিংআ হা·আইয়া, চিংনি গিসিক থাল্লা।

ইব্রীয়রাংনা 9:14

ইন্দিবা জেআন ফাংনাজলনি গিসিক রংথালগিবা গিত্তা ইসলচা আন·থাংখো খাকখেৎ বলি গিত্তা হন·চাকজক উয়া যীশুনি হান·চি আনচিংনি গিসিকখো বিথিগ্রি কামওনি আরোবা বাসিক বাং·এ রংথালেতনুয়া, জেদাক্কে আনচিং থাংগিবা ইসলনা দাকচাকে হ·ন্না মা·ন্না!

ইব্রীয়রাংনা 9:24

আদত রংথালগিবা হা·দাম গিত্তা দাক্কা মান্দিনি থারিয়া রংথালা হা·দামও খ্রীষ্ট নাপজা, বাত্তেসা উনা বাত্তে বিয়া সালগিও নাপজক জেদাক্কে বিয়া আনচিংনা হং·এ ইসলনি মিকখাংও দা·আও দংনা মা·ন্না।

পিতর 1:3

আনচিংনি গিত্তেল যীশু খ্রীষ্টনি ইসল আরো ফাগিবানি রাসং হং·খানা। যীশু খ্রীষ্টখো সিয়াওনি থাংচাএতি ইসল বিনি বাং·বাত্তা খা·সাচাক্কাও আনচিংখো গিত্তাল দাক্কে আৎচিয়েতজক। উনি গিম্মিনো আনচিং গি·সা থাংগিবা খা·দংএতাখো মান·জক,

পিতর 3:16

না·সংনি গিসিকখো থাল্লে দনবো, জেদাক্কে খ্রীষ্টনি মান্দি গিত্তা না·সংনি নাম্মা দাকবেওয়ালরাংখো জেরাং জিআ বিসং না·সংখো জিজক ইন্নে খ্রাচা·আ।