পিতর 3:18 - Garo New Testament

^18-19 খ্রীষ্টবা পাপনি গিম্মিনো রাং·সাসান সিয়ামিং। ইসলচা আনচিংখো রা·আংনা ইন্নে উয়া দোসগ্রি মান্দি পাপ দাকগিবারাংনি গিম্মিন, আগানস্খাওদে আনচিংনি গিম্মিন সিয়ামিং। বে·এনো বিখো দক্কে গাল্লামিং, ইন্দিবা গিসিকচা বিখো থাংচাএতামিং আরো বিয়া বন্দি দংগিবা গিসিকরাংচা রি·য়াংএ আগানফ্রাকামিং।

পিতর 3:18 Iomraidhean Croise

মথিনি চকগিবা নাম্মা খাৎথা 27:19

পীলাত বিচাল দাকনা আসংএ দংমিত্তিংও বিনি জিকগিবা বিনা ইন্দাকে আগানে ওয়াত্তেতজক, “উয়া গ্রোনাংগিজাগিবা মান্দিখো না·আ দা·আ মামুংখো দাক্কা, মুয়ানা দা·আল আংআ জুমাংচা বিনি গিম্মিন নাম্মেন দুক মান·জক।”

মথিনি চকগিবা নাম্মা খাৎথা 27:24

পীলাত নিকনা মান·জক বিয়া মামুংখোন দাকনা মান·জাংজক ইন্দিবা আরোবা বাং·এ গোলমাল হং·বাখো নিক্কে বিয়া মান্দিরাংনি মিকখাংও চি রা·এ জাকসুএ আগানজক, “ইয়া মান্দিনি হান·চিনি গিম্মিন আংআ গ্রো নাংজা; না·সংআন উখো হা·আইনুয়া।”

যোহননা 16:10

ইসলনি হা·সিকা গিত্তা রি·য়ানি গিম্মিন সিমসাকেতনুয়া, মুয়ানা আংআ ফাগিবাওনা রি·য়াংআ আরো না·সং আংখো নিকনা মান·জানুয়া;

ওয়াত্তেতারাংনা 22:14

“উনোন অননিয় আগানজক, ‘আনচিংনি ফাগিৎচামরাংনি ইসল নাং·খো বাচ্ছিয়ে রা·জক জেদাক্কে না·আ বিনি হা·সিকাখো হা·আইনা মা·ন্না, আরো উয়া খাকখেৎগিবা মান্দি, আগানস্খাওদে যীশু খ্রীষ্টখো নিকনা মা·ন্না আরো বিনি খু·সুকখো খিন্নানা মা·ন্না।

ওয়াত্তেতারাংনা 3:14

না·সং উয়া রংথালগিবা আরো খাকখেৎগিবা মান্দিখো জেগালে সাকসা মান্দি স·ওতগিবাখো না·সংচা ওয়াত্তেতখানা আগানামিং।

রোমানরাংনা 4:25

আনচিংনি পাপনি হা·সেল যীশুখো সিয়ানি জাক্কো হ·ন্নামিং আরো আনচিংখো দোসগ্রি ইন্নে রা·চাকনা বিখো সিয়াওনি থাংচাএতামিং।

রোমানরাংনা 5:2

ইসলনি ইন্দাকা জে খা·সাচাক্কানি রামাও আনচিং দা·আও রি·ইংজক আনচিং খ্রীষ্টও বিবিরা·এ উয়ো সকজক। ইসলনি রাসংখো মা·ন্না খা·দংএ আনচিং খুসি হং·ইংআ।

রোমানরাংনা 8:11

যীশুখো সিয়াওনি থাংচাএতগিবা উয়া ইসলনি গিসিক না·সংনি খা·থংও দংওদে ইসল উয়া গিসিকচা সিয়ানি নিং·আও দংগিবা না·সংনি বে·এনখোবা থাংচাএতনুয়া।

রোমানরাংনা 8:3

মান্দিনি পাপ-বেওয়ালনি হা·সেল নিয়াম বিলগ্রি হং·জকমিং, আরো উনি গিম্মিন নিয়াম জেখো দাকনা মান·জাজক ইসল আন·থাং উখো দাকজক। পাপখো হা·রিকেতনা বিয়া আন·থাংনি দোসগ্রি দেফান্থিখো মান্দিনি গিসিকখো হ·ন্নে ওয়াত্তেতজক আরো বিনি দেফান্থিনি সিয়াও পাপখো বিচাল দাক্কে উনি বিলখো হা·রিকজক।

2য় করিন্থীয়রাংনা 1:24

নকগিবা গিত্তা হং·এ চিংআ না·সংনি বিবিরা·আও জাক হ·ন্নিংআ ইন্দাকেদে হং·জা, বাত্তেসা না·সং জেদাক্কে হান·সেংআখো মা·ন্না উনি গিম্মিনান না·সংমুং কাম দাক্কিংআ, মুয়ানা বিবিরা·আও না·সং রাক্কে চাদেংএ দংআ।

2য় করিন্থীয়রাংনা 13:4

বিখো বিলগ্রি অবস্থাও চিসলো দাৎখাপামিং, ইন্দিবা ইসলনি বিলও বিয়া থাংএ দংআ। চিংআ বিমুং নাংরিমে বিলগ্রি হং·জক, ইন্দিবা না·সংনি গিম্মিন ইসলনি বিলও বিমুং চিংআ থাংএ দংনুয়া।

2য় করিন্থীয়রাংনা 5:21

যীশু খ্রীষ্টও মামুং পাপ দংজামিং; ইন্দিবা ইসল আনচিংনি পাপখো বিনি সাক্কাও হ·ন্নে বিখোন পাপনি হা·দামও চাদেংএতজক, জেদাক্কে খ্রীষ্টমুং নাংরিমে দংআনি হা·সেল ইসলনি রংথালা আনচিংনি রংথালা হং·আ।

গালাতীয়রাংনা 1:4

আনচিংনি ইসল আরো ফাগিবানি হা·সিকা গিত্তা খ্রীষ্ট আনচিংনি পাপনি গিম্মিন জাংগিথাংখো হন·চাকামিং, জেদাক্কে বিয়া দা·আওনি ইয়া নামগিজা হা·গিলসাকনি জাকনিখো আনচিংখো জক্কেৎনা মা·ন্না।

গালাতীয়রাংনা 3:13

নিয়ামখো মানিজানি গিম্মিন জে শাপ আনচিংও দংআমিং, খ্রীষ্ট উয়া শাপখো আন·থাংনি সাক্কাও রা·এ আনচিংখো জক্কেৎজক। রংথালগিবা শাস্ত্রও ইয়া খাৎথা চক্কা দংআ, “জেখো ফাংও খাদিংদিয়া বিয়া শাপ মান·গিবা হং·আ।”

ইফিষীয়রাংনা 3:12

খ্রীষ্টমুং নাংরিমে বিখো বিবিরা·আচা আনচিং ইসলনি মিকখাংও খেনমানগিজা চাদেংনা বিল মান·জক।

তীতনা 2:14

যীশু খ্রীষ্ট আনচিংনি গিম্মিন আন·থাংনি জাংগিখো হন·চাকামিং, জেদাক্কে গিম্মিক পাপওনি আনচিংখো জক্কেৎনা মা·ন্না আরো উনি গিম্মিন ইন্দাকগিবা দলসা মান্দিখো রংথালেতনা মা·ন্না জেরাং বিনিসান হং·নুয়া আরো জেরাং গিপ্পিনরাংনা দাকচাকনা হা·সিকনুয়া।

ইব্রীয়রাংনা 10:10

ইসলনি উয়া নামনিকা গিত্তান যীশু খ্রীষ্টনি বে·এনখো রাং·সাসান বলি হ·ন্নাচা ইসলনা মিংএ আনচিংখো দিংথাং দাকজক।

ইব্রীয়রাংনা 9:14

ইন্দিবা জেআন ফাংনাজলনি গিসিক রংথালগিবা গিত্তা ইসলচা আন·থাংখো খাকখেৎ বলি গিত্তা হন·চাকজক উয়া যীশুনি হান·চি আনচিংনি গিসিকখো বিথিগ্রি কামওনি আরোবা বাসিক বাং·এ রংথালেতনুয়া, জেদাক্কে আনচিং থাংগিবা ইসলনা দাকচাকে হ·ন্না মা·ন্না!

ইব্রীয়রাংনা 9:26

উখোন দাকনা নাংওদে হা·গিলসাক হং·চেংওনি বিখো বাং·এন দুক চাক্কে সিনা নাংনুয়ামিং; ইন্দিবা দা·আও গিম্মিক চাসংনি বন·খামাও বিয়া রাং·সাসান ফারাকজক জেদাক্কে আন·থাংখো ফাকওয়াতে বিয়া পাপখো হা·রিকনা মা·ন্না।

ইব্রীয়রাংনা 9:28

উয়ানদাক্কেন বাং·আ মান্দিনি পাপনি বোজাখো রিপ্পিনা খ্রীষ্টখোবা রাং·সাসান বলি হন·জক। বিয়া দা·আও রাং·সা রি·বানুয়া, ইন্দিবা উনো পাপনা সিনা রি·বাজানুয়া, বাত্তেসা জেরাং বিনা নিচাকসোএ দংআ বিসংখো চু·গিম্মিক দাক্কে জক্কেৎনা রি·বানুয়া।

যাকোব 5:6

দোসগ্রিরাংখো না·সং গ্রো নাংএতজক আরো স·ওতে গালজক, ইন্দিবা বিসং না·সংখো চাংফেংজাজক।

পিতর 4:1

উনি গিম্মিন খ্রীষ্ট বে·এনো দুকখো চাক্কামিং ইন্নে না·সংবা আন·থাংথাংনি খা·থংও উয়া আপসান গিসিকখো থারিবো, মুয়ানা বে·এনো জেআন দুকখো চাকজক বিয়া পাপখো ওয়াতজক।

পিতর 4:6

সিগিবারাংচাবা উনি গিম্মিনান খ্রীষ্টনি বিদিংও নাম্মা খাৎথাখো আগানফ্রাকা হং·আমিং, জেদাক্কে বে·এনচাবাক্কানি মান্দি গিত্তান বিসংনি বিচাল হং·ওবা গিসিকো বিসং ইসল গিত্তা থাংএ দংনা মা·ন্না।

1 যোহন 1:9

আনচিং আনচিংনি পাপখো খু·রাচাক্কোদে বিয়া উনোন আনচিংনি পাপখো ক্ষেমা দাক্কা আরো গিম্মিক খ্রাগিজাওনিখো আনচিংখো রংথালেতা, মুয়ানা বিয়া ফাংচাকনা খ্রাগিবা আরো মামুং সালোবা খ্রাগিজাখো দাকজা।