পিতর 2:4 - Garo New Testament

^4-5 ইন্দাকগিবা গি·সা থাংগিবা রং·থি দংআ জেখো ইসল বাচ্ছিয়ে রা·জক আরো জেআন বিনি মিক্রোনও নাম্মেন গামচাতানি হং·আ, ইন্দিবা মান্দিরাং বিখো জেগালজক। খ্রীষ্টন হং·জক উয়া রং·থি; না·সং বিচা রি·বাজক ইন্নে থাংগিবা রং·থি গিত্তা দাক্কে না·সংখো রা·এবা ইসলনি দংআনি নকখো থারিয়া হং·ইংজক। উনি গিম্মিন খামাল গিত্তা ইসলনা না·সংখো দিংথাং দাক্কেতজক, জেদাক্কে না·সং ইন্দাকা গিসিকখো বলি র·ন্না জেআন যীশু খ্রীষ্ট গিত্তা ইসলনি রা·চাকনা খ্রাগিবা হং·আ।

পিতর 2:4 Iomraidhean Croise

মথিনি চকগিবা নাম্মা খাৎথা 11:28

‘‘নেং·গিবা আরো বালজ্রিমগিবারাং না·সং গিম্মিকান আংচানা রি·বাবো; আংআ না·সংখো নেং·থাকেতনুয়া।

মথিনি চকগিবা নাম্মা খাৎথা 12:18

নিবো, আংনি নকখল জেখো আংআ বাচ্ছিয়ে রা·জক। ইয়ান আংনি নামনিকগিবা জেনি সাক্কাও আংআ খুসি হং·বিয়া। আংআ বিনি সাক্কাও আংনি গিসিকখো হ·ন্নুয়া, আরো বিয়া গিপ্পিন জাতরাংচা খাকখেৎ বিচালখো আগানফ্রাকনুয়া।

মথিনি চকগিবা নাম্মা খাৎথা 21:42

উনো যীশু বিসংনা আগানজক, “না·সং রংথালগিবা শাস্ত্রও মামুং সালোবা পড়িখুজামা, ‘জে রং·থিখো নকরিকগিবারাং জেগালে গাল্লামিং, উয়ান দা·আও নাংগিবা রং·থি হং·জক; গিত্তেলান ইখো দাকজক, আরো ইয়া আনচিংনি মিক্রোনও নাম্মেন আইয়াও ইনমানানি হং·আ?’

যোহননা 14:19

বাং·গিজা সালনি জা·মানো হা·গিলসাকনি মান্দিরাং আংখো নিকজানাজক, ইন্দিবা না·সং নিকনা মা·ন্নুয়া। আংনি থাংএ দংআনা না·সংবা থাংএ দংনুয়া।

যোহননা 14:6

যীশু থোমানা আগানজক, “আংআন রামা, বিবি আরো জাংগি। আংগিত্তা রি·য়াংজাওদে দারাংবা আপফাওনা রি·য়াংনা মান·জা।

যোহননা 5:26

মুয়ানা জেদাক্কে ফাগিবা আন·থাংআন জাংগি মান·রিকগিবা হং·আ উয়ানদাক্কেন বিয়া দেফান্থিখোবা জাংগি মান·রিকগিবা হং·খানা হন·জক।

যোহননা 5:40

ইন্দাকোবা জাংগি মা·ন্না গিত্তা না·সং আংচানা রি·বানা হা·সিকজা।

যোহননা 6:37

ফাগিবা জেরাংখো আংনা হ·ন্নুয়া বিসং দিমদাকান আংচানা রি·বানুয়া। আংচা রি·বাগিবাখো আংআ মামুং দাক্কেবা হা·ফালওনা গালজানুয়া,

যোহননা 6:57

থাংগিবা আপফা আংখো ওয়াত্তেতজক আরো বিনি গিম্মিনান আংআ থাংএ দংআ। উয়ানদাক্কেন আংখো চা·গিবাবা আংনি গিম্মিন থাংএ দংনুয়া।

রোমানরাংনা 5:10

আনচিং ইসলনি বোবিল দংমিত্তিংও বিনি দেফান্থিনি সিয়াওন বিমুং আনচিং নাংরিমজক। ইন্দাকে নাংরিমজক ইন্নে খ্রীষ্টনি সিচাকানা আনচিং পাপওনি জক্কাখো মান·বিবিনুয়া।

1ম করিন্থীয়রাংনা 3:11

জেখো স্খাংআন রিকজক উনা আগ্রে দারাংবা রিকনা মান·জা। যীশু খ্রীষ্টআন উয়া ফাংচাকানি হং·আ।

কলসীয়রাংনা 3:4

জেআন না·সংনি জাংগি উয়া খ্রীষ্ট জেনসালো ফারাকনুয়া উনো না·সংবা বিমুং বিনি রাসংও ফারাকনুয়া।

পিতর 1:19

না·সংখো জক্কেৎজক দোসগ্রি আরো খাকখেৎ মেষ-বি·সা যীশু খ্রীষ্টনি হান·চিচা।

পিতর 1:7

ইন্দাকা রুরাআ সকবা জেদাক্কে না·সংনি বিবিরা·আ খাকখেৎ ইখো নিকনা মা·ন্না, আরো উনি গিম্মিনো যীশু খ্রীষ্টনি ফারাকানি সালো না·সং মিৎথেলাখো, রাসংখো আরো মান্দিরা·আখো মা·ন্না। জে সোনা নাসিনুয়া উখোবা ওয়া·আলো সো·এ খাকখেৎ দাক্কে রা·আ; ইন্দিবা না·সংনি বিবিরা·আনি দামদে উয়া সোনানা বাত্তে আরোবা বাং·আ।

পিতর 2:7

ইনি গিম্মিন না·সং বিবিরা·জক ইন্নে না·সংচা উয়া রং·থি নাম্মেন গামচাৎগিবা হং·আ; ইন্দিবা জেরাং বিবিরা·জাজক বিসংনা শাস্ত্রনি ইয়া খাৎথা থিক হং·আ, নক রিকগিবারাং জে রং·থিখো দনগালজকমিং, উয়ান গিম্মিকনা বাত্তে নাংগিবা রং·থি হং·জক।

২ পিতর 1:1

আংআ শিমোন-পিতর যীশু খ্রীষ্টনি সাকসা নকখল আরো ওয়াত্তেতা হং·আ। আনচিংনি ইসল আরো জক্কেতগিবা যীশু খ্রীষ্ট খাকখেৎগিবা হং·আ, আরো উনি গিম্মিন না·সংবা চিংনি গিত্তান আপসান বিবিরা·আখো মান·জক। ইনি গিম্মিন আংআ না·সংনা ইয়া চিঠিখো চক্কিংজক।

২ পিতর 1:4

বিয়া আন·থাংনি রাসংও আরো গুণচা আনচিংচা গামচাৎবিয়া আরো দাল·বাতাখো খু·রাচাকজক। ইনি মিকসংআ হং·জক, মান্দিনি নামগিজা হা·সিকানি হা·সেল হা·গিলসাকো জে নামজাস্রাং চিম্মংজক উয়োনি না·সং জক্কেতাখো মা·ন্নে জেদাক্কে ইসলনি গিসিক-বেওয়ালখো মান·ফাগিবা হং·আ।