পিতর 2:12 - Garo New Testament

¹² মুয়ানা উরাং না·সংনি গিসিকনি সাক্কাও দাকগ্রিকা। ইসলখো জেরাং হা·আইজা বিসংনি গিসেপো না·সং নাম্মেদাক্কে রি·বো জেদাক্কে খ্রাগিজাখো দাকগিবা ইন্নে বিসং না·সংখো জিয়োবা না·সংনি নাম্মা কামরাংখো নিআ আরো বিচালনি সালো না·সংনি উয়া কামরাংনা ইসলখো রাসং দাক্কা।

পিতর 2:12 Iomraidhean Croise

মথিনি চকগিবা নাম্মা খাৎথা 10:25

স্নিংগিবা আন·থাং স্খিগিবা গিত্তা আরো নকখল আন·থাং নকগিবা গিত্তা আপসান হং·আন চু·য়োংআ। বিসং নকনি নকগিবাখোন বেল্‌সবূল মিংওদে, ইন্দাকোদে বাদিকে উনা বাতখালে নকনি গিপ্পিন মান্দিরাংখোবা বেল্‌সবূল মিংনুয়া!

মথিনি চকগিবা নাম্মা খাৎথা 5:11

‘‘না·সং ফাত্তিয়াখো মান·গিবা হং·আ, জেনসালো মান্দিরাং আংনি হা·সেল না·সংখো চন্নিকা আরো হা·রিকা আরো না·সংনি বিমুংও বু·এ মামান্থি নামগিজা খাৎথারাংখো আগানা।

মথিনি চকগিবা নাম্মা খাৎথা 5:16

উয়ানদাক্কে মান্দিরাংনি মিকখাংও না·সংনি সেং·আ থেং·সুখানা, জেদাক্কে বিসং না·সংনি নাম্মা কামখো নিক্কে না·সংনি সালগিও দংগিবা ফাখো রাসং চাএতনা মা·ন্না।

মথিনি চকগিবা নাম্মা খাৎথা 9:8

মান্দিরাং উখো নিক্কে খেনজক, আরো ইসল মান্দিনা ইন্দাকগিবা বিলখো হ·ন্না ইন্নে ইসলখো মিৎথেলজক।

লূকনি চকগিবা নাম্মা খাৎথা 1:68

“ইস্রায়েলনি গিত্তেল ইসলখো মিৎথেলা, মুয়ানা বিয়া আন·থাংনি মান্দিরাংনা গিসিক নাংজক আরো বিসংখো জক্কেৎজক।

লূকনি চকগিবা নাম্মা খাৎথা 19:44

বিসং নাং·খো আরো নাং·নি নিং·আও দংগিবা মান্দি গিম্মিকখো রি·ম্মে হা·আও গোস্থাপনুয়া আরো রং·থি গি·সানি সাক্কাও রং·থি গি·সাখো দনজানুয়া, মুয়ানা ইসল জেনসালো নাং·ও গিসিক হ·ন্নামিং উয়া সালখো না·আ হা·আইএ রা·জাজক।”

লূকনি চকগিবা নাম্মা খাৎথা 6:22

“জেনসালো মান্দিনি দেফান্থিনি গিম্মিন মান্দিরাং না·সংখো মিৎচিয়া, সমাজওনি রিকগাল্লা আরো ইনস্থেকা আরো না·সংনি বিমুংখো খিন্নাজোকনো খু·চি গাল্লা, উনোন না·সং ফাত্তিয়া মান·গিবা হং·আ।

যোহননা 13:31

যিহূদা হা·ফালচানা রি·য়াংআনি জা·মানো যীশু আগানজক, “মান্দিনি দেফান্থিনি রাসংখো ফারাকানি সাল সকবাজক আরো বিও ইসলনি রাসং ফারাকনুয়া।

ওয়াত্তেতারাংনা 15:14

ইসল বিনি আন·থাংনি মান্দি হং·খানা গিপ্পিন জাতরাংওনি মিত্তাম মান্দিখো বাচ্ছিয়ে রা·এ ফিন্নিকজক, গিপ্পিন জাতরাংনাবা বিনি চানচিয়ানি দংআ। ইয়া খাৎথাখোন শিমোন-পিতর আনচিংনা আগানজক।

ওয়াত্তেতারাংনা 24:13

আংখো বিসং দা·আও জেদাক্কে দোস হ·ন্নিংআ উখো বিসং নাং·চা ফিন্নিকনা মান·জানুয়া।

ওয়াত্তেতারাংনা 25:7

পৌলনি উয়োনা রি·বানি জা·মানো যিরূশালেমচানি রি·বাগিবা যিহূদীরাং বিখো উইলউইলে চাদেংএ বিখো বাং·এ দোস হন·জক, ইন্দিবা উরাংখো ফিন্নিকনা মান·জাজক।

ওয়াত্তেতারাংনা 28:22

ইন্দাকোবা চিংআ নাং·নি আগানাখো খিন্নানা হা·ম্মা, মুয়ানা হা·দাম গিম্মিকচান মান্দিরাং উয়া দলনি সাক্কাও খাৎথা আগানিংআ ইন্নে চিংআ হা·আইয়া।”

রোমানরাংনা 12:17

দা·আ নামগিজানি ফাল নামগিজাখো দাক্কাবো। গিম্মিক মান্দিনি মিক্রোনও জেআন নাম্মা উনি গিম্মিনো গিসিক হন·বো।

রোমানরাংনা 13:13

চ্রকে-মেসায়ে চু রিংএ আরো চু ফেক্কে হং·জা, থি·ল্লেকে আরো বিংবাং হা·সিকা গিত্তা হং·জা, নিরিয়া-গিসিয়া আরো মিকনেংআও হং·জা, ইন্দিবা জেরাং সেং·আও রি·য়া, হাই, আনচিং বিসং গিত্তা খ্রাএ রি·না।

রোমানরাংনা 14:18

জেআন ইন্দাকে খ্রীষ্টনা দাকচাকে হ·ন্না বিনি সাক্কাও ইসল খুসি হং·আ আরো মান্দিরাংবা বিখো নাম্মা ইন্নে চানচিয়া।

1ম করিন্থীয়রাংনা 14:25

উনোদে বিনি খা·থংনি নিং·থুয়ারাং হং·খাতনুয়া আরো বিয়া উয়ো হা·আও থুগোপে ইসলখো রাসং দাক্কে আগান্নুয়া, “বিবিন ইসল না·সংও দংআ।”

2য় করিন্থীয়রাংনা 1:12

জেনি হা·সেল চিংআ রাসং দাক্কা উয়া ইয়ান-চিংনি চানচিয়া ইখো সাক্ষি হ·ন্নিংআ, ইসলনি হন·গিবা রংথালাও আরো স্রংআও চিংআ গিম্মিক মান্দিনি গিসেপো মংসংদে না·সংনি গিসেপো জাংগি মিৎথাংজক। উয়া জাংগিখো চিংআ হা·গিলসাকনি হা·আইয়াও মিৎথাংএতজা বাত্তেসা ইসলনি খা·সাচাক্কাও মিৎথাংএতজক।

2য় করিন্থীয়রাংনা 13:7

চিংআ ইসলচা বি·আ জেদাক্কে না·সং মামুং নামগিজা কামখো দাকজা। গিপ্পিনরাং চিংখো খাকখেৎ ইন্নে চানচিখানা চিংআ ইখো হা·ম্মা ইন্দাকেদে হং·জা। চিংআ হা·ম্মা, বিসং চিংখো খাকখেৎ ইন্নে চানচিজাওবা না·সং জেআন নাম্মা উখো দাকবো।

2য় করিন্থীয়রাংনা 8:21

চিংআ গিত্তেলনি মিকখাংওসান হং·জা, ইন্দিবা মান্দিরাংনি মিকখাংওবা খাকখেৎ দাক্কে রি·না গিসিক হ·ন্না।

ইফিষীয়রাংনা 2:3

আনচিংবা দিমদাকান স্খাংদে আন·থাংথাংনি পাপ-বেওয়ালনি হা·সিকাখো চু·সকে উয়া মান্দিরাংমুং জাংগি মিৎথাংনুয়ামিং। পাপ-বেওয়ালওনি জে হা·সিকারাং আরো চানচিয়ারাং হং·খাতা উগিত্তা চিংআ কাম দাকনুয়ামিং। ইন্দাকা বেওয়ালনা চিংআবা গিপ্পিনরাং গিত্তা ইসলওনিখো শাস্তি মা·ন্না খ্রাগিবা হং·আমিং।

ইফিষীয়রাংনা 4:22

না·সং ইয়া স্খিয়াখো মা·ন্নামিং, না·সংনি গিৎচাম জাংগিনি গিৎচাম ‘আংআ’খো গিৎচাম বা·রা গিত্তান গালনা নাংনুয়া, মুয়ানা দাক্কামব্রুআ হা·সিকাচা উয়া গিৎচাম “আংআ” নাসিংজক।

ফিলিপীয়রাংনা 1:27

দাল·বাতা খাৎথা ইয়ান, ইন্দাকফিল্লে না·সং না·সংনি জাংগিখো থাংএতা জেআন খ্রীষ্টনি গিম্মিনো নাম্মা খাৎথানা খ্রাআ। ইন্দাকোদে আংআ আন·থাং রি·বাএ না·সংখো নিআ বা চে·ল্লাওনি না·সংনি খাৎথাখো খিন্নাআ, আংআ হা·আইনুয়া, না·সং গিসিকো আপসান হং·এ চাদেংএ খেম·খেমে দংআ আরো জে বিবিরা·আ নাম্মা খাৎথাচা রি·বাআ উনি গিম্মিন আপসান হং·এ কাম দাক্কিংজক।

ফিলিপীয়রাংনা 4:8

বন·চতাও আগান্না, জংআদারাং, জেআন বিবি, জেআন খ্রাগিবা, জেআন নাম্মা, জেআন খাকখেৎ, জেআন নিথুয়া, জেআন মান্দিরা·আখো মা·ন্না খ্রাগিবা, জেআন নাম্মা আরো মিৎথেলনা খ্রাআ, উচা না·সং গিসিক রন·বো।

1 থিষলনীকী 4:12

জেদাক্কে জাওয়া গিপ্পিন মান্দিরাংনি মিক্রোনও না·সংনি রি·য়া-দোআরাং খ্রাআনি হং·আ আরো গিপ্পিননি সাক্কাও ফাংচাকনা নাংজা।

1 তীমথিয় 2:2

ইন্দাকে রাজারাংনা আরো জেরাংনি জাক্কো বিল দংআ বিসং দিমদাকনা বি·না নাংনুয়া, জেদাক্কে ইসলখো অলাখিয়ে আরো খাকখেৎ দাক্কে রি·এ আনচিং খেম·খেমে আরো থম·থমে জাংগি মিৎথাংএতনা মা·ন্না।

1 তীমথিয় 4:12

না·আ ফান্থি ইন্নে দারাংবা নাং·খো চন্নিকজাখানা। খু·সুক আগানাও, রি·য়া-দোআও, খা·সাও, বিবিরা·আও আরো রংথালাও বিবিরা·গিবারাংচা না·আ দাকফিন্নিকগিবা হং·বো।

1 তীমথিয় 5:10

ইনাআগ্রেবা নাম্মা কামনা বিনি মিংসিংআ দংনা নাংনুয়া। ইন্দাকা নাম্মা কামরাংও দংআ - বি·সা-আংদিরাংখো নিরকা, চাচ্চি সকবাগিবারাংনা দাকচাকে হ·ন্না, ইসলনি মান্দিরাংনি জা·চকখো সু·গালে হ·ন্না, জেরাং দুকও গা·আকা বিসংনা দাকচাকা, আরো দিংথাং নাম্মা কামরাংও দংফা।

ইব্রীয়রাংনা 13:18

চিংনা বি·চাকবো। গিম্মিকো চিংআ নাম্মে রি·না হাম·মা ইন্নে চিংআ হা·আইয়া, চিংনি গিসিক থাল্লা।

ইব্রীয়রাংনা 13:5

থাংখা পয়সানি মাদ্দুয়াওনি আনথাংথাংখো চেল·লাও দনবো। না·সংনি মুয়া দংআ উয়োন খুসি দংবো। ইসল আগানজক, “আংআ মামিং সালোবা নাং·খো ওয়াত্তে রি·য়াংজানুয়া বা গালজানুয়া।”

যাকোব 3:13

না·সংনি গিসেপো সা হা·আইগিবা আরো বুদ্ধি দংগিবা হং·আ? বিয়া বিনি রংথালগিবা জাংগিচা হা·আইয়ানি হং·খাতে রি·বাগিবা রিন্নকগিবা কামখো দাক্কে ফিন্নিকখানা।

পিতর 2:15

ইসলনি হা·সিকা ইয়ান, জেদাক্কে না·সং নাম্মা কামখো দাক্কে জাদা মান্দিরাংনি বুদ্ধিগ্রি খাৎথারাংখো দনথংএতা।

পিতর 3:16

না·সংনি গিসিকখো থাল্লে দনবো, জেদাক্কে খ্রীষ্টনি মান্দি গিত্তা না·সংনি নাম্মা দাকবেওয়ালরাংখো জেরাং জিআ বিসং না·সংখো জিজক ইন্নে খ্রাচা·আ।

পিতর 4:11

সাবা আগানফ্রাকোদে ইন্দাকে আগানফ্রাকখানা জেদাক্কে বিয়া ইসলনি আন·থাংনি খু·সুকখো আগানিংআ। সাবা দাকচাকে হ·ন্নোদে ইসলনি হন·গিবা বিলচা বিয়া দাকচাকে হন·খানা, জেদাক্কে যীশু খ্রীষ্টও গিম্মিক গিত্তা ইসলান রাসংখো মা·ন্না। রাসং আরো বিল ফাংনাজলনা বিনিন হং·আ। আমেন।

২ পিতর 3:11

গিম্মিক ইন্দাকে ব·ন্নাংনা রি·য়াংইংজক ইন্নে না·সংনি বাদাকগিবা মান্দি হং·না খ্রাআমিং? হা·সিকমানচাএ ইসলনি সালনা নিচাকসোএ না·সং রংথালে আরো ইসলনা খা·ফাকে জাংগি মিৎথাংনা নাংআ। উনি সালো সালগিসাক খামতে খামতে ব·ন্নাংনুয়া আরো জাজং-সাল-আস্কি ওয়া·আলো গলিনুয়া।