পিতর 2:10 - Garo New Testament

¹⁰ সালসাদে না·সং ইসলনি মান্দি হং·জামিং, ইন্দিবা দা·আওদে হং·জক; সালসাদে না·সং খা·সাচাক্কাখো মান·জামিং, ইন্দিবা দা·আওদে মান·জক।

পিতর 2:10 Iomraidhean Croise

রোমানরাংনা 10:19

আংআ দা·আবা আগানিংআ, ইস্রায়েলনি মান্দিরাং উয়া খাৎথাখো হা·আইনা মান·জামা? স্খাং মোশিচা ইসল আগানজক, জে জাত মামুং জাতআন হং·জা, উয়া জাতচান আংআ নাং·নি গিসিক নাংআখো মিকরাকেতনুয়া; গিসিকগ্রি জাত মা·সাচা নাং·খো খা·আওনাংএতনুয়া।

রোমানরাংনা 11:30

না·সং স্খাংও ইসলখো মানিজামিং ইন্দিবা যিহূদীরাংনি মানিজানি গিম্মিন দা·আও ইসলনি খা·সাচাক্কাখো মান·জক,

1ম করিন্থীয়রাংনা 7:25

মি·থ্রারাংনি গিম্মিনো গিত্তেলচানিখো আংআ মামুং গি·য়েতাখো মান·জা। ইন্দিদে ইসলনি খা·সাচাক্কাখো মা·ন্নে আংআ বিবিরা·না খ্রাগিবা হং·জক ইন্নে আংনি হা·সিকাখো আগানিংজক।

1 তীমথিয় 1:13

স্খাংও আংআ খ্রীষ্টখো খাল·স্থাপনুয়ামিং আরো গিচ্চিয়েৎগিবা আরো খা·গ্রাকগিবা হং·আমিং ইন্দাকোবা বিয়া আংখোন ইয়া কামনা বাচ্ছিয়ে রা·জক। বিয়া আংনা খা·সাচাকজক, মুয়ানা আংনি বিবিরা·গিজানা আংআ হা·আইগিজান উরাংখো দাকনুয়ামিং।

ইব্রীয়রাংনা 4:16

উনি গিম্মিন হাই, আনচিং খেনগিজা ইসলনি খা·সাচাক্কানি সিংহাসননি মিকখাংচা রি·য়াংনা, জেদাক্কে নাংআনি সময়ও উয়োনি আনচিং বিনি খা·সানিক্কাখো আরো খা·সাচাক্কাখো মা·ন্না।