পিতর 2:1 - Garo New Testament

¹ ইনি গিম্মিন গিপ্পিনরাংনি নামগিজাখো দাকনা গিম্মিক হা·সিকা, গিম্মিক বু·দাপা, বু·এ চা·আ, মিকনেংআ আরো গিম্মিক জিআনি খাৎথারাংখো না·সংনি খা·থংওনিখো হা·রিকেতবো।

পিতর 2:1 Iomraidhean Croise

মথিনি চকগিবা নাম্মা খাৎথা 15:7

দাক্কামব্রুগিবারাং! না·সংনি গিম্মিন আগানসোগিবা যিশাইয় খাকখেৎখোন আগানামিং,

মথিনি চকগিবা নাম্মা খাৎথা 23:28

উয়ানদাক্কেন, হা·ফালও মান্দিরাংনি মিক্রোনও না·সং থরমি হং·আ ইন্দিবা নিং·আওদে বু·এ চা·আ আরো নামগিজা দাক্কান গাপ্পা।

মথিনি চকগিবা নাম্মা খাৎথা 24:51

উনসালো বিয়া বিখো দেন·গ্নি দাক্কে বু·এ চা·গিবারাংনি গিসেপো বিনা হা·দাম দন্নুয়া। উয়োন মান্দিরাং গ্রাপনুয়া আরো সা·দিকানা ওয়াগাম চিকক্রতনুয়া।

মথিনি চকগিবা নাম্মা খাৎথা 7:5

স্খাং নাং·নি মিক্রোননিখো বলথংখো ওত্তে গালবো, উনোদে নাং·নি জংআদানি মিক্রোননিখো বিগিনচিখো গালনা না·আ নিকসেংনুয়া।

মার্ক 12:15

বিনা আনচিং খাজিনা হ·ন্না নাংনুয়ামা নাংজানুয়া?’’ বিসংনি বু·এ চা·আখো হা·আইনা মা·ন্নে যীশু আগানজক, ‘‘না·সং মুয়ানা আংখো পরীক্ষা দাক্কিংআ? আংনা দীনার গং·সাখো রা·বাএ ফিন্নিকবো।’’

লূকনি চকগিবা নাম্মা খাৎথা 11:44

হং·সিখানা না·সংনা! না·সংদে চিন হন·গিজা গোপরাম গিত্তা হং·আ। মান্দিরাং হা·আইমানজায়ে উনি সাক্কা গিত্তা রামা রি·য়াংআ।”

লূকনি চকগিবা নাম্মা খাৎথা 12:1

ইন্দাকমিত্তিংও হাজাল হাজাল মান্দি ইন্দাকফিল্লে থম·দাকানি গিম্মিন বিসং সিকচেপচেপি সাকসা সাকগিপ্পিননি সাক্কাও গা·আকনা নাংজক। উনো যীশু বিনি জা·রিকগিবারাংনা আগানচেংজক, “ফরীশীরাংনি ওয়ানথিনা সিমসাকবো। উয়া ওয়ানথিদে বিসংনি বু·এ চা·আনি হং·আ।

লূকনি চকগিবা নাম্মা খাৎথা 6:42

নাং·নি মিক্রোনথাংও দংগিবা বি·সেমসেমখো নিকজাওদে বাদিকে দাক্কে নাং·নি জংআদাখো আগান্না মা·ন্না, ‘ও জং, রি·বা নাং·নি মিক্রোনও দংগিবা বি·সেমসেমখো আংআ ওত্তে গালনা’? বু·এ চা·গিবা, স্খাং নাং·নি মিক্রোনও দংগিবা বি·সেমসেমখো ওত্তে গালচেংবো, ইন্দাকোদে নাং·নি জংআদানি মিক্রোনও দংগিবা বি·সেমসেমখো ওত্তে গালনা নিকসেংনুয়া।

যোহননা 1:47

যীশু নথনেলখো আন·থাংচানা রি·বাখো নিক্কে বিনি গিম্মিনো আগানজক, “হাইওয়া নিবো, ইস্রায়েলনি সাকসা খাকখেৎগিবা মান্দি। বিনি গিসিকো বু·আ দংজা।”

রোমানরাংনা 1:29

বিসং গিম্মিক নামগিজা, মাদ্দুয়া, মিকনেংআ, স·ওতা, দাকগ্রিকা, বু·আ আরো গিপ্পিননা নামগিজাখো দাকনা হা·সিকাও গাপ্পা। বিসং গিপ্পিনরাংখো জাচাংআ,

1ম করিন্থীয়রাংনা 14:20

জংআদারাং, বি·সারাং গিত্তা দা·আ চানচিয়াবো। নামগিজারাংনি গিম্মিনো না·সংনি গিসিক বি·সারাং গিত্তা স্রংখানা, ইন্দিবা চানচিয়াও না·সং জা·দালগিবা হং·বো।

1ম করিন্থীয়রাংনা 5:8

উনি গিম্মিন গিৎচাম ওয়ানথিখো আগানস্খাওদে মিকনেংআচা আরো নামগিজাচা হং·জা, বাত্তেসা হাই, আনচিং ওয়ানথিগ্রি রুটি, আগানস্খাওদে সনথল আরো বিবিচা উয়া সালখো মানিনা।

2য় করিন্থীয়রাংনা 12:20

আংআ খেনচাকিংআ, জেনসালো আংআ না·সংচা রি·বানুয়া উনো আংআ না·সংখো জেগিত্তা নিকনা হা·ম্মা উগিত্তা নিকজানাবা দংআ, আরো না·সংবা আংখো জেগিত্তা নিকনা হা·ম্মা উগিত্তা নিকজানুয়া। আংআ খেনচাকিংআ, না·সংনি গিসেপো নিরিয়া-গিসিয়া, মিকনেংআ, খা·আওনাংআখো ফিন্নিকা, মা·আৎগ্রিকা, ইন্না-জিআ, গিপ্পিননি খু·সুকরাংখো রা·এ আগানা, গাং·বিংআ আরো গোলমালরাং দংনুয়া।

ইফিষীয়রাংনা 4:31

মাংমেংআরাংখো ফিন্নিকা, খা·আওনাংআখো ফিন্নিকা, খা·আওনাংআ, চ্রিকে নিরিয়া-গিসিয়াখো, সাউইয়া-খা·চাআখো, আরো গিম্মিক মিকনেংআরাংখো না·সংচাখো চে·ল্লেতবো।

1 থিষলনীকী 2:3

চিংনি স্খিয়া ব্রাংগিবা স্খিয়াওনি হং·জা, নামগিজা মিকসংআওনিবা হং·জা, বা চিংআ দাক্কামব্রুএবা মামুং খাৎথাখো আগানজাংআ;

1 তীমথিয় 3:11

উয়ানদাক্কেন বিসংনি জিকরাংবা জেদাক্কে মান্দিরা·আখো মা·ন্না খ্রাগিবা হং·আ। বিসং জেদাক্কে গিপ্পিনরাংনি নামগিজাখো আগানে রওমজা আরো আন·থাংথাংখো বাম্মেতি দন্না। গিম্মিক গিত্তান জেদাক্কে বিসংখো বিবিরা·না মা·ন্না।

তীতনা 2:3

উয়ানদাক্কে বিলসি বাৎগিবা মিচিকরাংনা আগানবো, বিসংনি রি·য়ারাংও জেদাক্কে ইসলনা খা·ফাকা দংআ আরো বিসং জেদাক্কে নাম্মাখো স্খিয়া। গিপ্পিনখো জিনা বা চুফেকগিবা হং·না বিসং খ্রাজা।

ইব্রীয়রাংনা 12:1

ইন্দাকোদে নিকনা মা·ন্না, ইসলনা বিবিরা·না খ্রাগিবানি সাক্ষি গিত্তা বাং·আ মান্দিরাং আনচিংখো উইলউইলে দংআ। ইনি গিম্মিন হাই, আনচিং গিম্মিক চাংফেংআখো আরো জে পাপ আনচিংখো রিম·চিখাপা উখো চে·ল্লাচা জিত্তেতি মিকখাংনি খাতসুসাও চাকচিকে খাতনা।

যাকোব 1:21

ইনি গিম্মিন না·সংও দংগিবা রংথালগিজা আরো নামগিজাগিবা দিমদাকখোন ওয়াতবো। ইসলনি খাৎথানি জে বিৎচ্রিখো না·সংনি খা·থংও গি·মানজক, উখো গিসিক রিন্নকে রা·চাকবো। পাপনিখো না·সংখো জক্কেতানি বিল ইয়া খাৎথাওন দংআ।

যাকোব 3:14

ইন্দিবা মিকনেংআনি গিম্মিন না·সংনি খা·থং খা·ফিলোদে আরো না·সং আন·থাংনাসান চানচিগিবা হং·ওদে আন·থাংনি হা·আইয়ানি গিম্মিন দা·আ রাসং চা·আবো আরো বিবিখো দা·আ বু·এ আগানাবো।

যাকোব 4:11

জংআদারাং, না·সং সাকসা সাকগিপ্পিননি নামগিজাখো জাচাএ দা·আ আগানা। সাবা জংআদাথাংনা চাকগিজা বিসংখো জাচাএ আগানোদে বা বিসংনি নামগিজাখো সান্দিওদে বিয়া নিয়ামরাংনা চাকগিজা খাৎথা আগানা আরো নিয়ামরাংনি নামগিজাখো সান্দিয়ে রি·য়া। নিয়ামরাংনি নামগিজাখো সান্দিওদে না·আ উখো মানিজা ইন্দিবা উনি বিচালখোসা দাক্কিংআ।

যাকোব 4:5

আনচিংনি খা·থংও ইসল জে গিসিক রংথালগিবাখো রন·জক, উনা বিয়া থিং·থিংএ সেংএ দংআ, রংথালগিবা শাস্ত্রনি ইয়া খাৎথাখো না·সং বু·আ ইন্নে চানচিয়ামা?

যাকোব 5:9

জংআদারাং, ইসল না·সংনি গ্রোখো রিম·জানা গিত্তা না·সং সাকসা সাকগিপ্পিননি গ্রোখো দা·আ রি·ম্মাবো। নিবো, বিচাল দাকগিবা দ·গাচিলনি সেফাংস্রাংও সকবাজক।

পিতর 2:16

জাকগিত্তেল মান্দি গিত্তা জাংগি মিৎথাংবো, ইন্দিবা নামগিজাখো ফিনদাপনা দা·আ উয়া জাকগিত্তেলখো জাকখালাবো। উনা বাত্তে ইসলনি নকখল হং·এ জাংগি মিৎথাংবো।

পিতর 2:22

জেআন মামুং পাপখো দাকখুজা বা জেনি খু·সুকো মামুং বু·আনি খাৎথা দংজামিং।

পিতর 3:10

রংথালগিবা শাস্ত্রও চক্কা দংআ, জেআন সুখনি জাংগিখো মিৎথাংনা হা·ম্মা আরো নামগিবা সালখো নিকনা খা·দংআ, নামগিজা খু·সুকওনি বিনি স্রিবাকখো, বু·আ খু·সুকওনি বিনি খু·চিলখো বিয়া থিক দনখানা।

পিতর 4:2

উনি গিম্মিন ইয়া হা·গিলসাকনি থাংএ দংনাগিবা জাংগিখো বিয়া হা·গিলসাকনি নামগিজা হা·সিকারাংও হান·সেংএ মিৎথাংএতজা, বাত্তেসা ইসলনি হা·সিকাখো মানিয়েন রি·য়া।

পিতর 4:4

ইন্দিবা দা·আও উয়া মান্দিরাংআন নিক্কে আইয়াও ইনমানা, না·সং বিসংনি উয়া বিংবাং দাক্কাও দংফাজাংজক, আরো উনি গিম্মিন বিসং না·সংখো জাচাএ খাৎথা আগানা।

ফারাকগিবা খাৎথা 14:5

মামিংসালোবা বিসং বু·এ খাৎথা আগানজা, আরো বিসংনি মামিং দোসখো মান·জা।