পিতর 1:8 - Garo New Testament

⁸ না·সং খ্রীষ্টখো নিকখুজা ইন্দাকোবা না·সং বিনা খা·সা; না·সং দা·আও বিখো নিকজাওবা না·সং বিখো বিবিরা·আংজক, আরো জে হান·সেংআখো খু·সুকচা আগান্না মান·জা আরো জে সালগিনি রাসংও গাপ্পা, উয়া হান·সেংআও না·সং হান·সেংইংজক;

পিতর 1:8 Iomraidhean Croise

মথিনি চকগিবা নাম্মা খাৎথা 10:37

“আংনা বাত্তে মা·আ-ফানা খা·সাবাৎগিবা আংনা খ্রাজা। আরো আংনা বাত্তে দেফান্থি দেমিচিকনা খা·সাবাৎগিবা আংনা খ্রাজা।

যোহননা 14:15

“না·সং আংনা খা·সাওদে আংনি গি·য়েতা গিম্মিকখো মানিবো।

যোহননা 14:21

আংনি গি·য়েতারাংখো হা·আইগিবা আরো মানিগিবান আংনা খা·সাআ। জে আংনা খা·সাআ আপফাবান বিনা খা·সানুয়া। আংআবা বিনা খা·সানুয়া আরো বিচা আন·থাংখো ফারাকনুয়া।”

যোহননা 14:24

আংনা খা·সাগিজাগিবাদে আংনি খাৎথাখো মানিজা। জে খাৎথাখো না·সং খিন্নাংআ উয়াদে আংনি খাৎথা হং·জা ইন্দিবা আংখো ওয়াত্তেতগিবা উয়া আপফানিসা।

যোহননা 16:22

উয়ানদাক্কে না·সংবা দা·আও দুক মা·ন্নিংজক; ইন্দিবা দা·আবা না·সংমুং আংআ গ্রংনুয়া, আরো উনোন না·সংনি খা·থং খুসি হং·আও গাপনুয়া আরো উয়া খুসি হং·আখো না·সংচাখো দারাংবা রা·সেকজানুয়া।

যোহননা 20:29

যীশু বিনা আগানজক, “থোমা, না·আ আংখো নিক্কানি গিম্মিন বিবিরা·আংআমা? জেরাং নিকগিজান আংখো বিবিরা·আ বিসংখো মিৎথেলা।”

যোহননা 8:42

যীশু বিসংনা আগানজক, “না·সংনি ফাগিবা ইসল হং·বিবিওদে না·সং আংনা খা·সানুয়ামিং, মুয়ানা আংআ ইসলোনি রি·বাআ আরো দা·আও না·সংমুং দংআ। আংআ আন·থাংওনি রি·বাজা, ইন্দিবা বিয়ান আংখো ওয়াত্তেতজক।

ওয়াত্তেতারাংনা 16:34

উনি জা·মানো বিয়া পৌল আরো সীলখো আন·থাংনি নকচা রিম্মাংএ চা·না হন·জক। ইসলখো বিবিরা·এ বিনি নকনি গিম্মিকান খুসি হং·বিজক।

রোমানরাংনা 14:17

ইসলনি সংনকো চা·আ-রিংআদে দাল·জা; গিসিক রংথালগিবাচা খাকখেৎ রামাও রি·য়া আরো থম·থমা আরো হান·সেংআ ইয়ান দা·ল্লা হং·আ।

রোমানরাংনা 15:13

খা·দংএতগিবা উয়া ইসল না·সংনি বিবিরা·আও চানসকগিজা হান·সেংআচা আরো থম·থমাচা না·সংখো চু·সকেৎখানা। ইন্দাকোদে গিসিক রংথালগিবানি বিলচা না·সংনি খা·থংও খা·দংআ বাৎরোরোনুয়া।

1ম করিন্থীয়রাংনা 16:22

সাবা গিত্তেলনা খা·সাজাওদে বিনি সাক্কাও শাপ গা·আকখানা। আনচিংনি গিত্তেল রি·বাখানা।

2য় করিন্থীয়রাংনা 1:22

আগানস্খাওদে বিনি আন·থাংনি গাম গিত্তা বিয়া চিংখো সীলমোহর সু·এ দনজক; আরো জেরাংখো চিংনা হ·ন্নুয়া উনি স্খাংগিবা বাক গিত্তা বিয়া চিংনি খা·থংও গিসিক রংথালগিবাখো হন·জক।

2য় করিন্থীয়রাংনা 4:18

জেখো নিকনা মা·ন্না আনচিং উখো নিজাংআ, বাত্তেসা জেখো নিকজা উখোন নিইংজক। জেখো নিক্কা উয়া বাং·গিজা সালনাসান, ইন্দিবা জেখো নিকজাংআ উয়াদে ফাংনাজলনি।

2য় করিন্থীয়রাংনা 5:7

জেখো নিক্কিংআ চিংআ উচা রি·জা, বাত্তেসা বিবিরা·আচা রি·য়া।

2য় করিন্থীয়রাংনা 9:15

জে হ·ন্নানি খাৎথাখো খু·সুকচা ফারাকনা মান·জা ইসলনি উয়া হ·ন্নানি গিম্মিন বিখো মিৎথেলা।

গালাতীয়রাংনা 5:22

ইন্দিবা গিসিক রংথালগিবানি বিথি হং·জক- খা·সা, খুসি হং·আ, থম·থমা, চাকচিকানি গুণ, খা·সাচাক্কানি গিসিক, নামগিবা গিসিক, বিবিগিবা,

গালাতীয়রাংনা 5:6

মুয়ানা জেরাং খ্রীষ্ট যীশুনি হং·আ, বিসংচা বিগিল রাত্তা বা রাতগিজানি মামুং দামআন দংজা, বাত্তেসা জে বিবিরা·আ খা·সাচা কাম দাক্কা উয়া বিবিরা·আন চং·মত হং·আ।

ইফিষীয়রাংনা 3:19

খ্রীষ্টনি উয়া খা·সাখো বুদ্ধিচা হা·আইনা মান·জা; ইন্দাকোবা আংআ বি·না জেদাক্কে না·সং উয়া খা·সাখো হা·আইনা মা·ন্না, জেদাক্কে ইসলনি গিম্মিক চু·সকাও না·সং চু·সকগিবা হং·আ।

ইফিষীয়রাংনা 6:24

আনচিংনি গিত্তেল যীশু খ্রীষ্টনা জেরাংনি খা·সাআ খেম·খেম দংআ বিসং গিম্মিকনি সাক্কাও ইসলনি খা·সাচাক্কা দংখানা।

ফিলিপীয়রাংনা 1:25

আংআ থাংএ দংনুয়া ইখো আংআ হা·আইবিবিয়া আরো না·সং দিমদাকমুংআন দংনুয়া, জেদাক্কে না·সংনি বিবিরা·আ বাং·আংআ আরো উনোদে না·সং খুসি হং·আ।

ফিলিপীয়রাংনা 3:3

আনচিংআন চং·মত বিগিল রাতগিবা মান্দি, মুয়ানা আনচিং ইসলনি গিসিকচা বিখো অলাখিয়া আরো খ্র্রীষ্ট যীশুখো রা·এ রাসং দাক্কা আরো দাকবেওয়ালরাংনি সাক্কাও ফাংচাকজা।

ফিলিপীয়রাংনা 4:4

গিত্তেলমুং নাংরিমজক ইন্নে না·সং ফাংনান হান·সেংএ দংবো। আংআ দা·আবা আগান্না, না·সং হান·সেংএ দংবো।

ইব্রীয়রাংনা 11:1

আনচিং জেখো মা·ন্নুয়া ইন্নে খা·দংএ দংআ উখো আনচিং মা·ন্নুয়ান ইয়ান বিবিরা·আ হং·আ। আরো উয়া বিবিরা·আচান আনচিং বিবিন হা·আইনা মা·ন্না, আনচিং জেখো নিকজাংআ উয়া চং·মতান দংআ।

ইব্রীয়রাংনা 11:27

ইসলনি সাক্কাও বিনি বিবিরা·আনি গিম্মিনান বিয়া রাজানি খা·আওনাংআনা খেনগিজা মিসর হা·সংখো ওয়াত্তামিং, মুয়ানা জেখো নিকজাংআ বিখো জেদাক্কে নিকনা মা·ন্নিংআ উয়ানদাক্কে বিয়া চাকচিকামিং।

পিতর 1:6

বাং·গিজা সালনা বাং·আ রুরাও দা·আও না·সংখো দুক মা·ন্না নাংইংজক, ইন্দাকোবা জক্কাখো মা·ন্না খা·দংএ না·সংনি গিসিক হান·সেংআও গাপ্পিংজক।

পিতর 2:7

ইনি গিম্মিন না·সং বিবিরা·জক ইন্নে না·সংচা উয়া রং·থি নাম্মেন গামচাৎগিবা হং·আ; ইন্দিবা জেরাং বিবিরা·জাজক বিসংনা শাস্ত্রনি ইয়া খাৎথা থিক হং·আ, নক রিকগিবারাং জে রং·থিখো দনগালজকমিং, উয়ান গিম্মিকনা বাত্তে নাংগিবা রং·থি হং·জক।

পিতর 5:4

ইন্দাকোদে জেনসালো দাল·গিবা রাক্ষুয়াল মিকখাং ফা·নুয়া উনো হাম্মানি মালা গিত্তা বিনি রাসংখো মান·ফাগিবা হং·নুয়া, আরো উয়া মামুং সালোবা নাসিজানুয়া।