পিতর 1:7 - Garo New Testament

⁷ ইন্দাকা রুরাআ সকবা জেদাক্কে না·সংনি বিবিরা·আ খাকখেৎ ইখো নিকনা মা·ন্না, আরো উনি গিম্মিনো যীশু খ্রীষ্টনি ফারাকানি সালো না·সং মিৎথেলাখো, রাসংখো আরো মান্দিরা·আখো মা·ন্না। জে সোনা নাসিনুয়া উখোবা ওয়া·আলো সো·এ খাকখেৎ দাক্কে রা·আ; ইন্দিবা না·সংনি বিবিরা·আনি দামদে উয়া সোনানা বাত্তে আরোবা বাং·আ।

পিতর 1:7 Iomraidhean Croise

মথিনি চকগিবা নাম্মা খাৎথা 19:28

যীশু বিসংনা আগানজক, “আংআ না·সংনা বিবিন আগানিংআ, না·সং জেরাং আংখো জা·রিকজক, গিত্তাল দাক্কে থারিয়ানি সময়ও মান্দিনি দেফান্থি রাসংথাংখো রা·এ জেনসালো সিংহাসনও আসংনুয়া উনসালো না·সংবা সিংহাসন চি·গ্মিও আসংনুয়া আরো ইস্রায়েলনি মা·চং চি·গ্মিখো বিচাল দাকনুয়া।

মথিনি চকগিবা নাম্মা খাৎথা 25:21

নিবো, আংআ আরোবা হাজাল বংআ থাংখাখো মান·দাপজক।’ উনো বিনি নকগিবা বিনা আগানজক, ‘নাম্মাখো দাকজক। না·আ নামগিবা আরো বিবিগিবা নকখল। অকখিসানি গিম্মিন না·আ বিবি দাকজক ইন্নে আংআ নাং·না বাং·আরাংখো নিরকখিনা হ·ন্নুয়া। রি·বাবো, আংমুং হান·সেংফাবো।’

মথিনি চকগিবা নাম্মা খাৎথা 25:23

উনো বিনি নকগিবা বিনা আগানজক, ‘নাম্মাখো দাকজক। না·আ নামগিবা আরো বিবিগিবা নকখল। অকখিসানি গিম্মিন না·আ বিবি দাকজক ইন্নে আংআ নাং·না বাং·আরাংখো নিরকখিনা হ·ন্নুয়া। রি·বাবো, আংমুং হান·সেংফাবো।’

লূকনি চকগিবা নাম্মা খাৎথা 12:33

না·সংনি গামজিনরাংখো ফাল্লে খা·সাএ হ·ন্নানিরাং গিত্তা হন·বো। গিৎচাম হং·গিজাগিবা থাংখানি জেপখোন আন·থাংথাংনা থারিবো, আগানস্খাওদে, জে গাম ফাংনাজলনা দংআ উখোন সালগিও চিম্মংবো। উয়ো চা·খকবা রি·বাজা আরো জ·ওংরাংবা নাসিয়েতজা।

লূকনি চকগিবা নাম্মা খাৎথা 17:30

জেনসালো মান্দিনি দেফান্থি ফারাকনুয়া উনসালো ইন্দাকেন হং·নুয়া।

যোহননা 12:26

সাবা আংনা দাকচাকে হ·ন্না হা·ম্মোদে বিয়া আংনি রামাও রি·খানা। আংআ জেও দংআ আংনা দাকচাকে হন·গিবাবা উয়োন দংনুয়া। সাবা আংনা দাকচাকে হ·ন্নোদে আপফা বিখো মান্দিরা·নুয়া।

যোহননা 5:44

না·সং সাকসা সাকগিপ্পিনচাখো রাসংখো মা·ন্না হা·ম্মা, ইন্দিবা সাকসানগিবা ইসলোনিখো মান·গিবা রাসংখো হাম·জা। ইনি জা·মানো না·সং বাদিকে দাক্কে বিবিরা·না মা·ন্না?

ওয়াত্তেতারাংনা 8:20

উনোন পিতর বিনা আগানজক, “নাং·নি থাংখা নাং·মুংআন বন·খানা, মুয়ানা ইসলনি হ·ন্নাখো থাংখাচা ব্রিনা মা·ন্না ইন্নে না·আ চানচিয়া।

রোমানরাংনা 2:10

ইন্দিবা জেরাং নাম্মা কামখো দাক্কা বিসং রাসংখো, মান্দিরা·আখো আরো থম·থমাখো মান্নুয়া-স্খাং যিহূদীরাং, জা·মানো গিপ্পিন জাতরাং।

রোমানরাংনা 2:29

ইন্দিবা খা·থংও যিহূদী হং·গিবান খাকখেৎ যিহূদী হং·আ। খাকখেৎ বিগিল রাত্তানি কাম খা·থংওন হং·আ। উয়াদে গিসিকনি গিম্মিন হং·আ, চকগিবা নিয়াম মানিয়ানি হং·জা। ইন্দাকগিবা মান্দি মান্দিরাংচাখো মিৎথেলাখো মান·জা, ইন্দিবা ইসলচাখো মিৎথেলাখো মা·ন্না।

রোমানরাংনা 2:7

জেরাং চাকচিকে নাম্মা কামখো দাক্কে ইসলচাখো রাসং, মান্দিরা·আ আরো বন·গিজাগিবা জাংগিখো মা·ন্না হা·ম্মা, ইসল বিসংনান ফাংনাজলনি জাংগিখো হ·ন্নুয়া।

রোমানরাংনা 8:19

ইসলনি দেদ্রাং বাসোকো উয়া রাসংও ফারাকনুয়া উনি গিম্মিন থারিগিবা গিম্মিক খা·দংআখো রা·এ নিচাকসোএ দংআ,

1ম করিন্থীয়রাংনা 3:13

ইন্দিদে সা বাদিকে কাম দাকজক উখো নাম্মে থাল্লে নিনা মা·ন্নুয়া। বিচালনি সালোন উয়া ফারাকনুয়া, মুয়ানা উয়া সালনি ফারাকা ওয়া·আলচান হং·নুয়া। সানি কাম বাদাকা উখো ওয়া·আলান পরীক্ষা দাক্কে নিনুয়া।

1ম করিন্থীয়রাংনা 4:5

উনি গিম্মিন গিত্তেলনি রি·বানা স্খাং, আগানস্খাওদে উয়া থিক দাকগিবা সময়না স্খাং না·সং দা·আ মামুংনি দোসখো রিম·না রি·য়াংআবো। আন্দালাও থুম্মুয়ে দনগিবাখো বিয়ান সেং·আওনা রা·বানুয়া আরো মান্দিনি খা·থংনি থুম্মুয়ে দনগিবা মিকসংআরাংখোবা ফারাকনুয়া। উনিসালো ইসলচাখোন জে জেনি মা·ন্নাগিবা মিৎথেলাখো মা·ন্নুয়া।

যাকোব 1:12

রুরানি সালো জে চাকচিকা বিয়ান ফাত্তিয়া মান·গিবা হং·আ, মুয়ানা আন·থাংখো দিমদাক রুরাও হামগিবা দাক্কে ফিন্নিকনা মা·ন্নোদে হাম্মানি মালা গিত্তা বিয়া জাংগিখো মা·ন্নুয়া। জেরাং ইসলনা খা·সাআ বিসংনা বিয়া ইয়া জাংগিখো র·ন্নুয়া ইন্নে খু·রাচাক্কা।

পিতর 1:13

ইনি গিম্মিন না·সংনি গিসিকখো মিকরাকেতবো আরো আন·থাংথাংখো বাম্মেতে দনবো। যীশু খ্রীষ্ট জেনসালো ফারাকনুয়া উনো না·সং জে ফাত্তিয়াখো মা·ন্নুয়া উয়া ফাত্তিয়াখো মা·ন্না চুু·গিম্মিক খা·দংআখো রা·এ সেংসোবো।

পিতর 1:5

না·সং চু·গিম্মিক দাক্কে জক্কাখো মান·গিজানা দিপ্পাৎ ইসলনি বিলও বিবিরা·আও না·সংখো রাক্ষিয়ে দন্না হং·ইংজক। সাল বন·খামও ফারাকনা ইন্নে উয়া জক্কানিখো থারিয়ে দন্না হং·জক।

পিতর 2:4

ইন্দাকগিবা গি·সা থাংগিবা রং·থি দংআ জেখো ইসল বাচ্ছিয়ে রা·জক আরো জেআন বিনি মিক্রোনও নাম্মেন গামচাতানি হং·আ, ইন্দিবা মান্দিরাং বিখো জেগালজক। খ্রীষ্টন হং·জক উয়া রং·থি; না·সং বিচা রি·বাজক ইন্নে থাংগিবা রং·থি গিত্তা দাক্কে না·সংখো রা·এবা ইসলনি দংআনি নকখো থারিয়া হং·ইংজক। উনি গিম্মিন খামাল গিত্তা ইসলনা না·সংখো দিংথাং দাক্কেতজক, জেদাক্কে না·সং ইন্দাকা গিসিকখো বলি র·ন্না জেআন যীশু খ্রীষ্ট গিত্তা ইসলনি রা·চাকনা খ্রাগিবা হং·আ।

পিতর 2:7

ইনি গিম্মিন না·সং বিবিরা·জক ইন্নে না·সংচা উয়া রং·থি নাম্মেন গামচাৎগিবা হং·আ; ইন্দিবা জেরাং বিবিরা·জাজক বিসংনা শাস্ত্রনি ইয়া খাৎথা থিক হং·আ, নক রিকগিবারাং জে রং·থিখো দনগালজকমিং, উয়ান গিম্মিকনা বাত্তে নাংগিবা রং·থি হং·জক।

পিতর 4:12

খা·সাগিবা রিপ্পেংরাং, না·সংখো দা·আও ওয়া·আলনি রুরাআ গিত্তা রি·য়াংনা নাংইংজক ইন্নে উনি গিম্মিনো আইয়াও ইনমানে দা·আ চানচিয়াবো, না·সংনি সাক্কাও মামুং আইয়াও ইনমানানি হং·ইংআ।

পিতর 4:13

উনা বাত্তে না·সং খ্রীষ্টনি দুক চাক্কানি বাকখো রা·ফাংজক উয়ো হান·সেংবো, জেদাক্কে বিনি রাসং জেনসালো ফারাকনুয়া উনো না·সং হান·সেংআও চু·সকা।

পিতর 5:1

আংআ খ্রীষ্টনি দুক চাক্কানি সাক্ষি আরো খ্রীষ্টনি জে রাসং ফারাকনুয়া উখো মান·ফাগিবা হং·আ। উনি গিম্মিন না·সংনি গিসেপো জেরাং মন্ডলীনি দা·ল্লা-রাক্কা হং·আ বিসংনা আংআ দা·আও সাকসা দাল·গিবা গিত্তা ইখো স্খিয়েতিংজক-

২ পিতর 1:1

আংআ শিমোন-পিতর যীশু খ্রীষ্টনি সাকসা নকখল আরো ওয়াত্তেতা হং·আ। আনচিংনি ইসল আরো জক্কেতগিবা যীশু খ্রীষ্ট খাকখেৎগিবা হং·আ, আরো উনি গিম্মিন না·সংবা চিংনি গিত্তান আপসান বিবিরা·আখো মান·জক। ইনি গিম্মিন আংআ না·সংনা ইয়া চিঠিখো চক্কিংজক।

২ পিতর 1:4

বিয়া আন·থাংনি রাসংও আরো গুণচা আনচিংচা গামচাৎবিয়া আরো দাল·বাতাখো খু·রাচাকজক। ইনি মিকসংআ হং·জক, মান্দিনি নামগিজা হা·সিকানি হা·সেল হা·গিলসাকো জে নামজাস্রাং চিম্মংজক উয়োনি না·সং জক্কেতাখো মা·ন্নে জেদাক্কে ইসলনি গিসিক-বেওয়ালখো মান·ফাগিবা হং·আ।

২ পিতর 3:14

খা·সাগিবা জংআদারাং, না·সং দা·আও ইরাংনা সেংএ দংআ ইন্নে জাংগিগাল্লে খ্রেংবো জেদাক্কে বিয়া রি·বাএ না·সংখো খাকখেৎ হং·এ দোসগ্রি অবস্থাও থম·থমে দংআখো নিকনা মা·ন্না।

যিহূদা 1:24

সাকসামাংমাং ইসল জেআন আনচিংনি জক্কেৎগিবা বিয়া না·সংখো জা·গিদত্তা চা·আওনিখো রাক্ষিয়ে খাকখেৎ অবস্থাও আন·থাংনি রাসংনি মিকখাংও হান·সেংআমুং রা·বানা মা·ন্না। চেংওনি জেগিত্তা দংআমিং উগিত্তা দা·আওবা আরো ফাংনাজলনা আনচিংনি গিত্তেল যীশু খ্রীষ্টও ইসলনি রাসং, বিল আরো বিল্লাকা দংখানা। আমেন।

ফারাকগিবা খাৎথা 1:7

নিবো, বিয়া গাদিলাও দাক্কে রি·বাংজক। গিম্মিক মিক্রোন বিখো নিকনুয়া; জেরাং বিখো সু·আমিং বিসংবা নিকনুয়া আরো হা·গিলসাকনি গিম্মিক জাত বিনা রাক্কে রাক্কে গ্রাপনুয়া। ইন্দাকেন হং·খানা, আমেন।

ফারাকগিবা খাৎথা 2:10

না·আ জে দুকরাংখো চাকনা রি·য়াংইংজক উনা মামুং দাক্কেবা দা·আ খেন্নাবো। খিন্নাবো, শয়তান না·সংওনিখো মিত্তামখো রুরাএ নিনা জেলো দন্নুয়া, আরো সালচিখুংনা দিপ্পাৎ না·সং দুক চাকনুয়া। না·আ সিয়াওনা দিপ্পাৎ বিবিগিবা হং·এ দংবো, ইন্দাকোদে হাম্মানি মালা গিত্তা আংআ নাং·না জাংগিখো হ·ন্নুয়া।

ফারাকগিবা খাৎথা 3:10

চাকচিকানি জে গি·য়েতাখো আংআ হ·ন্নামিং উখো না·আ মানিজক; উনি গিম্মিন ইয়া হা·গিলসাকনি সাক্কাও জে দুকনি সাল রি·বাংজক উয়া সালওনি আংআ নাং·খো রাক্ষিনুয়া। জেরাং ইয়া হা·গিলসাকনি বিসংখো রুরাএ নিনা ইয়া দুকনি সাল রি·বানুয়া।

ফারাকগিবা খাৎথা 3:18

উনি গিম্মিন আংআ নাং·না ইন্দাকে গি·য়েতিংজক- না·আ আংচানিখো ওয়া·আলো সো·এ খাকখেৎ দাকগিবা সোনাখো ব্রিএ রা·বো জেদাক্কে নকমা হং·না মা·ন্না। আংচানিখো গিব্বক বা·রাখো ব্রিএ গানবো জেদাক্কে নাং·নি খমলং হং·আনি খ্রাচা·আখো নিকনা নাংজা। আংচানিখো মিক্রোনও হন·গিবা মলমখো ব্রিএ রা·বো জেদাক্কে না·আ নিকনা মা·ন্না।