পিতর 1:5 - Garo New Testament

⁵ না·সং চু·গিম্মিক দাক্কে জক্কাখো মান·গিজানা দিপ্পাৎ ইসলনি বিলও বিবিরা·আও না·সংখো রাক্ষিয়ে দন্না হং·ইংজক। সাল বন·খামও ফারাকনা ইন্নে উয়া জক্কানিখো থারিয়ে দন্না হং·জক।

পিতর 1:5 Iomraidhean Croise

যোহননা 12:48

আংখো জেগালগিবা আরো আংনি খাৎথাখো খিন্নাচাকগিজাগিবানা বিচাল দাকগিবা দংআ। জে খাৎথাখো আংআ আগানজক উয়া খাৎথান বন·চতানি সালো বিখো দোসগ্মাং ইন্নে ফিন্নিকনুয়া;

যোহননা 17:15

না·আ ইয়া হা·গিলসাকনিখো বিসংখো রা·আংবো, ইন্নে আংআ নাং·খো মল·মলজা, ইন্দাকোবা শয়তাননি জাকনিখো বিসংখো রাক্ষিবো।

যোহননা 4:14

ইন্দিবা আংআ জে চিখো হ·ন্নুয়া উখো রিংগিবানিদে মামুং সালোবা রিংনা হা·সিকফিলজানুয়া। উয়া চি বিনি খা·থংও চিমিক হং·এ ফাংনাজলনি জাংগিখো হ·ন্নুয়া।”

যোহননা 5:24

“আংআ না·সংনা বিবিন আগানিংআ, আংনি আগানাখো জে খিন্নাচাকা আরো জে আংখো ওয়াত্তেতগিবাখো বিবিরা·আ বিয়া ফাংনাজলনি জাংগিখো মান·জক। বিখো গ্রো নাংগিবা ইন্নে ফতজানুয়া; বিয়াদে সিয়াওনি জাংগিওনা গা·বাতজক।

রোমানরাংনা 11:20

দে নাম্মান। ইন্দিবা উরাংনি বিবিরা·জানি গিম্মিন উরাংখো দে·ন্নে গাল্লামিং আরো নাং·নি বিবিরা·আনি গিম্মিন না·আ উয়ো দংআ। ইনি হা·সেল দা·আ গাং·বিংআবো বাত্তেসা অলাখিয়ে খেনবো,

রোমানরাংনা 8:18

আংআ হা·আইয়া, আনচিং জা·মানো জে রাসংখো মা·ন্নুয়া উখো থসুসাওদে আনচিংনি দা·আওনি দুক চাক্কা মামুংবা হং·জা।

1ম করিন্থীয়রাংনা 1:21

ইসল বিনি আন·থাংনি হা·আইয়াও থিক দাকজক ইন্নেন হা·গিলসাক বিনি আন·থাংনি হা·আইয়াচা ইসলখো হা·আইনা মান·জা। ইনি গিম্মিন নাম্মা খাৎথানি গক্কাচা পাপওনি বিবিরা·গিবারাংখো জক্কেতাখো ইসল নাম্মা ইন্নে চানচিজক।

2য় করিন্থীয়রাংনা 1:24

নকগিবা গিত্তা হং·এ চিংআ না·সংনি বিবিরা·আও জাক হ·ন্নিংআ ইন্দাকেদে হং·জা, বাত্তেসা না·সং জেদাক্কে হান·সেংআখো মা·ন্না উনি গিম্মিনান না·সংমুং কাম দাক্কিংআ, মুয়ানা বিবিরা·আও না·সং রাক্কে চাদেংএ দংআ।

গালাতীয়রাংনা 2:20

আংখো খ্রীষ্টমুং চিসলো দাৎখাপজক। উনি গিম্মিন দা·আওদে আংআ থাংএ দংজা, খ্রীষ্টআন আংও থাংএ দংআ। দা·আও ইয়া বে·এনো আংআ জে জাংগিখো মিৎথাংএতিংআ উখো ইসলনি দেফান্থিখো বিবিরা·আচান মিৎথাংএতিংজক। বিয়া আংনা খা·সাএ আংনি গিম্মিন আন·থাংখো হন·চাকামিং।

ইফিষীয়রাংনা 2:8

ইসলনি খা·সাচাক্কাও বিবিরা·আচা না·সং পাপওনি জক্কাখো মান·জক। না·সং আন·থাংচাদে ইয়া হং·জা, উয়া ইসলনিন র·ন্নানি হং·আ।

ইফিষীয়রাংনা 3:17

আরো বিবিরা·আচা খ্রীষ্ট না·সংনি খা·থংখো চু·গিম্মিক মান·রিকা। আংআ আরোবা বি·না জেদাক্কে খ্রীষ্টনি খা·সাও না·সং জা·দিল সু·এ নাপ্পে খেম·খেমে দংআ,

ফিলিপীয়রাংনা 1:6

আংনি ইন্দাকা বিবিরা·আ দংআ, না·সংনি খা·থংও জেআন নাম্মা কামখো দাকনা হা·বাচেংজক বিয়া খ্রীষ্ট যীশুনি রি·বানি সালোনা দিপ্পাৎ উখো দাক্কে ব·ন্নেতনুয়া।

ফিলিপীয়রাংনা 4:7

উনি গিম্মিন, ইসলনি রন·গিবা জে থম·থমাখো মান্দি চানচিয়েবা হা·আইনা মান·জা, খ্রীষ্ট যীশুও উয়া থম·থমা না·সংনি খা·থং আরো গিসিকখো জক্কেৎনুয়া।

2 তীমথিয় 3:15

বি·সাওনি না·আ রংথালগিবা শাস্ত্রনিখো স্নিংআ। আরো ইয়া রংথালগিবা শাস্ত্রন নাং·খো খ্রীষ্ট যীশুখো বিবিরা·আচা পাপওনি জক্কেতাখো মা·ন্নানি হা·আইয়াখো হ·ন্না মা·ন্না।

তীতনা 2:13

আরো আনচিংনি চুবাৎগিবা ইসল আরো জক্কেৎগিবা যীশু খ্রীষ্টনি রাসংগ্মাং ফারাকানি খুসিগ্মাং খা·দংআ চু·সকনা গিম্মিনান গিসিক নাংএ নিচাকে দংআ।

ইব্রীয়রাংনা 6:12

না·সংনি আলসিয়া হং·আখো চিংআ হাম·জা; চিংআ হা·ম্মা, জেরাং বিবিরা·আচা আরো নাম্মেন চাকচিকাচা ইসলনি খু·রাচাকগিবা ফাত্তিয়াখো মান·রিকা না·সং বিসং গিত্তা হং·বো।

ইব্রীয়রাংনা 9:28

উয়ানদাক্কেন বাং·আ মান্দিনি পাপনি বোজাখো রিপ্পিনা খ্রীষ্টখোবা রাং·সাসান বলি হন·জক। বিয়া দা·আও রাং·সা রি·বানুয়া, ইন্দিবা উনো পাপনা সিনা রি·বাজানুয়া, বাত্তেসা জেরাং বিনা নিচাকসোএ দংআ বিসংখো চু·গিম্মিক দাক্কে জক্কেৎনা রি·বানুয়া।

পিতর 1:13

ইনি গিম্মিন না·সংনি গিসিকখো মিকরাকেতবো আরো আন·থাংথাংখো বাম্মেতে দনবো। যীশু খ্রীষ্ট জেনসালো ফারাকনুয়া উনো না·সং জে ফাত্তিয়াখো মা·ন্নুয়া উয়া ফাত্তিয়াখো মা·ন্না চুু·গিম্মিক খা·দংআখো রা·এ সেংসোবো।

পিতর 4:13

উনা বাত্তে না·সং খ্রীষ্টনি দুক চাক্কানি বাকখো রা·ফাংজক উয়ো হান·সেংবো, জেদাক্কে বিনি রাসং জেনসালো ফারাকনুয়া উনো না·সং হান·সেংআও চু·সকা।

পিতর 5:1

আংআ খ্রীষ্টনি দুক চাক্কানি সাক্ষি আরো খ্রীষ্টনি জে রাসং ফারাকনুয়া উখো মান·ফাগিবা হং·আ। উনি গিম্মিন না·সংনি গিসেপো জেরাং মন্ডলীনি দা·ল্লা-রাক্কা হং·আ বিসংনা আংআ দা·আও সাকসা দাল·গিবা গিত্তা ইখো স্খিয়েতিংজক-

২ পিতর 1:3

জেআন বিনি রাসং আরো বিনি গুণচা আনচিংখো রিক্কামজক, বিখো নাম্মেদাক্কে হা·আইয়াচান বিনি ইসলনি বিল ইন্দাকাখো রন·জক জেচা আনচিং ইসলনা খা·ফাকে জাংগি মিৎথাংনা মা·ন্না।

1 যোহন 3:2

খা·সাগিবা বি·সারাং, দা·আও আনচিং ইসলনি দেদ্রাং হং·আ, ইন্দিবা জা·মানো মুয়া হং·নুয়া উখো দা·আওবা ফারাকখুজা। ইন্দিদে আনচিং হা·আইয়া, খ্রীষ্ট জেনসালো ফারাকনুয়া উনো আনচিং বিগিত্তান হং·নুয়া, মুয়ানা বিয়া আদতে জেগিত্তা হং·আ, উয়া বিমাংওন আনচিং বিখো নিকনা মা·ন্নুয়া।

যিহূদা 1:1

আংআ যীশু খ্রীষ্টনি নকখল আরো যাকোবনি জংআদা যিহূদা। আপফা ইসল জেরাংখো রিক্কামজক আরো খা·সাজক আরো যীশু খ্রীষ্ট জেরাংখো রাক্ষিজক বিসংচা আংআ ইয়া চিঠিখো চক্কিংজক।

যিহূদা 1:24

সাকসামাংমাং ইসল জেআন আনচিংনি জক্কেৎগিবা বিয়া না·সংখো জা·গিদত্তা চা·আওনিখো রাক্ষিয়ে খাকখেৎ অবস্থাও আন·থাংনি রাসংনি মিকখাংও হান·সেংআমুং রা·বানা মা·ন্না। চেংওনি জেগিত্তা দংআমিং উগিত্তা দা·আওবা আরো ফাংনাজলনা আনচিংনি গিত্তেল যীশু খ্রীষ্টও ইসলনি রাসং, বিল আরো বিল্লাকা দংখানা। আমেন।