পিতর 1:25 - Garo New Testament

²⁵ ইন্দিবা গিত্তেলনি খাৎথা ফাংনাজলনা দংআ। আরো ইয়া খাৎথান উয়া নাম্মা খাৎথা, জেখো না·সংচা আগানফ্রাকা হং·জক।

পিতর 1:25 Iomraidhean Croise

মথিনি চকগিবা নাম্মা খাৎথা 5:18

আংআ না·সংনা বিবিন আগানিংআ, সিলগা আরো হা·গিলসাক গিম্মাজা দিপ্পাৎ, গিম্মিকান চু·সকজা দিপ্পাৎ নিয়ামওনি অক্ষিমিন্থিবা গিম্মাজানুয়া।

লূকনি চকগিবা নাম্মা খাৎথা 16:17

ইন্দিবা নিয়ামরাংওনি অকখিসামাং থাংগাক্কানা বাত্তেদে সালগি আরো হা·গিলসাকনি ব·ন্নাংআ আলথুবাত্তা।

যোহননা 1:1

চেংওন খাৎথা দংআমিং, খাৎথা ইসলমুং দংআমিং আরো খাৎথা আন·থাংআন ইসলমিং।

যোহননা 1:14

উয়া খাৎথান মান্দি ফি·ল্লে আৎচিজক আরো আনচিংনি গিসেপো দংফাজক। ফাগিবা ইসলনি সাকসা খাম·খাম দেফান্থি গিত্তা বিনি রাসংখো আনচিং নিকজক। বিয়া খা·সাচাক্কাও আরো বিবিও গাপগিবা হং·আ।

1ম করিন্থীয়রাংনা 2:2

না·সংমুং দংমিত্তিংও আংআ যীশু খ্রীষ্টখো, আগানস্খাওদে চিসলো দাৎখাপগিবা যীশু খ্রীষ্টখো হা·আইয়ানি আগ্রে মামুংখোবা হা·আইজানুয়া ইন্নে আংআ থিক দাক্কামিং।

ইফিষীয়রাংনা 2:17

না·সং জেরাং চে·ল্লাচা দংআমিং আরো বিসং জেরাং সেফাংও দংআমিং, দিমদাকচান বিয়া রি·বাএ থম·থমানি নাম্মা খাৎথাখো আগানফ্রাকামিং।

ইফিষীয়রাংনা 3:8

ইসলনি গিম্মিক মান্দিনি গিসেপো আংনা বাত্তে চনবাতা সাকসাবা দংজা, ইন্দাকোবা খ্রীষ্টনি জে গামনি খাৎথাখো চু·গিম্মিক দাক্কে হা·আইনা মান·জা, গিপ্পিন জাতরাংচা উয়া গামনি নাম্মা খাৎথাখো হা·আইএতানি কামখো ইসল খা·সাচাক্কে আংনান রন·জক।

তীতনা 1:3

আনচিংনি জক্কেৎগিবা ইসলনি গি·য়েতা গিত্তা আংআ জেখো আগানফ্রাকা উচা ইসল বিনি খাৎথাখো থিক সময়ওন ফারাকজক।

ইব্রীয়রাংনা 6:5

ইসলনি খিন্নাথোগিবা খাৎথানি থোআখো মান·জক আরো জে চাসং রি·বাংজক উনি বিলনি বিদিংও হা·আইজক,

পিতর 1:12

ইন্দিবা ইসল বিসংনা ফিন্নিকে র·ন্নামিং, বিসং জে খাৎথারাংখো আগানিংআমিং উচা বিসং আন·থাংথাংনা দাকচাকগিজা না·সংনান দাকচাকে র·ন্নিংআমিং। সালগিওনি ওয়াত্তেতা গিসিক রংথালগিবানি রি·দিলাচা জেরাং না·সংচা খ্রীষ্টনি বিদিংও নাম্মা খাৎথাখো আগানফ্রাকজক বিসং আগানসোগিবারাংনি উয়া খাৎথারাংখোন না·সংনা হা·আইএতজক। আরোবা, সা·গ্রেরাংবা ইরাংনি বিদিংও হা·আইনা হা·সিকা।

পিতর 1:23

জে বিৎচ্রি নাসিয়া ইন্দাকগিবা বিৎচ্রিওনি না·সং গিত্তাল দাক্কে আৎচিজা, বাত্তেসা জে বিৎচ্রি মামুং সালোবা নাসিজা উয়োনিন না·সং আৎচিয়া। উয়া বিৎচ্রি হং·জক ইসলনি থাংগিবা আরো ফাংনাজলনি খাৎথা।

পিতর 2:2

দা·আও মা·মাং আৎচিজক ইন্দাকগিবা বি·সা গিত্তা না·সংনি গিসিকনি বাতরোরোআনি গিম্মিন খাকখেৎ সকচিখো মা·ন্না ইন্নে না·সং নাম্মেন হা·সিকমানচাবো, জেদাক্কে উচা বাতরোরোএ না·সং জক্কানি চু·সকাওনা সকনা মা·ন্না।

২ পিতর 1:19

শাস্ত্রও আগানসোগিবারাং জেখো আগানজক উখো চিংচা বিবি ইন্নে ফিন্নিকা হং·জক। আন্দালাও না·সংনি মিক্রোন জেদাক্কে চাক্কিচানা দংআ উয়ানদাক্কেন জেওনা দিপ্পাৎ ওয়ালসেং·জা আরো না·সংনি খা·থংও ফ্রিংনি আস্কি নাবাজা উয়োনা দিপ্পাৎ আগানসোগিবারাংনি খাৎথাও গিসিক র·ন্নোদে না·সংনা নাম্মা।

1 যোহন 1:1

স্খাংওনিন জেআন দংআমিং, জেনি খু·সুকনি খাৎথাখো চিংআ খিন্নাজক, জেখো মিক্রোনথাংচা নিকজক, জেখো নাম্মেদাক্কে নিজক, জেখো জাকথাংচা দাংথাপজক, ইনো উয়া থাংগিবা খাৎথাখোন চক্কিংজক।

1 যোহন 1:3

জেখো চিংআ নিকজক আরো জেনি খু·সুকনি খাৎথাখো চিংআ খিন্নাজক বিনি গিম্মিনোন না·সংনা আগানিংআ। চিংআ উখো আগানিংজক জেদাক্কে না·সংমুং আরো চিংমুং নাংরিমানি হং·আ। ইয়া নাংরিমা ফাগিবা আরো বিনি দেফান্থি যীশু খ্রীষ্ট আরো আনচিংনি গিসেপো হং·আ।

ফারাকগিবা খাৎথা 14:6

জা·মানো আংআ দা·আও সাকসা সা·গ্রেখো সিলগানি নাম্মেন সাক্কাচা বিল্লাখো নিকজক। হা·গিলসাকো সংদংগিবা মান্দিরাংচা, আগানস্খাওদে গিম্মিক জাত, মা·চং, খু·সুক আরো হা·সংনি মান্দিরাংচা আগানফ্রাকনা বিচা জ্রিংজ্রৎনি নাম্মা খবল দংআমিং।