পিতর 1:15 - Garo New Testament

¹⁵ উনা বাত্তে জেআন না·সংখো রিক্কামজক বিয়া জেগিত্তা রংথালা, না·সংবা না·সংনি গিম্মিক রিয়া·দোআও উগিত্তান রংথালবো।

পিতর 1:15 Iomraidhean Croise

মথিনি চকগিবা নাম্মা খাৎথা 5:48

উনা গান্দা আগানিংআ, না·সংনি সালগিও দংগিবা ফাগিবা জেদাক্কে চু·সকগিবা হং·আ না·সংবা উয়ানদাক্কেন চু·সকগিবা হং·বো।

রোমানরাংনা 9:24

আনচিংআন উয়া খা·সাচাক্কানি মান্দি হং·আ। বিয়া আনচিংখো যিহূদীরাংওনিখোসান রিক্কামজা, গিপ্পিন জাতরাংওনিখোবা রিক্কামা।

2য় করিন্থীয়রাংনা 7:1

খা·সাগিবা রিপ্পেংরাং, আনচিংনা ইয়া খু·রাচাক্কারাং দংআ ইন্নে হাই, আনচিং বে·এন আরো খা·থংনি গিম্মিক মারাং নাংআওনি আন·থাংথাংখো রংথালেতনা আরো ইসলখো খেনচাকে অলাখিয়ে চু·গিম্মিক রংথালানি রামাও রি·না।

ফিলিপীয়রাংনা 1:27

দাল·বাতা খাৎথা ইয়ান, ইন্দাকফিল্লে না·সং না·সংনি জাংগিখো থাংএতা জেআন খ্রীষ্টনি গিম্মিনো নাম্মা খাৎথানা খ্রাআ। ইন্দাকোদে আংআ আন·থাং রি·বাএ না·সংখো নিআ বা চে·ল্লাওনি না·সংনি খাৎথাখো খিন্নাআ, আংআ হা·আইনুয়া, না·সং গিসিকো আপসান হং·এ চাদেংএ খেম·খেমে দংআ আরো জে বিবিরা·আ নাম্মা খাৎথাচা রি·বাআ উনি গিম্মিন আপসান হং·এ কাম দাক্কিংজক।

ফিলিপীয়রাংনা 3:20

ইন্দিবা আনচিংনি চং·মত দংরামদে সালগিসা; উয়োনি আনচিংনি জক্কেৎগিবা গিত্তেল যীশু খ্রীষ্টনি রি·বানি সালনা আনচিং খা·দংএ সেংসোংআ।

1 তীমথিয় 4:12

না·আ ফান্থি ইন্নে দারাংবা নাং·খো চন্নিকজাখানা। খু·সুক আগানাও, রি·য়া-দোআও, খা·সাও, বিবিরা·আও আরো রংথালাও বিবিরা·গিবারাংচা না·আ দাকফিন্নিকগিবা হং·বো।

2 তীমথিয় 1:9

ইসলান আনচিংখো পাপওনি জক্কেৎজক আরো রংথালে জাংগি থাংএতনা রিক্কামজক। আনচিংনি মামুং কামনি হা·সেল বিয়া ইখো দাকজা, বাত্তেসা বিনি মিকসংআ আরো খা·সাচাক্কানি গিম্মিনোন দাকজক। হা·গিলসাক হং·চেংনা স্খাং খ্রীষ্ট যীশুও বিয়া বিনি খা·সাচাক্কাখো আনচিংনা হ·ন্নামিং,

তীতনা 3:14

গিপ্পিনরাংনা দাকচাকানি কামও আন·থাংথাংখো বিমচিপাও দন্না আনচিংনি মান্দিরাংনি স্খিনা নাংনুয়া, জেদাক্কে বিসং গিপ্পিনরাংনি নাংআনিখো র·ন্না মা·ন্না। ইন্দাকে দাক্কোদে বিসংনি জাংগি বিথিগ্মাং হং·নুয়া।

তীতনা 3:8

ইয়া খাৎথা বিবিরা·না খ্রাগিবা হং·আ। আংআ হা·ম্মা, না·আ ইয়া বিদিংরাংও দিংচিকবো, জেদাক্কে ইসলখো জেরাং বিবিরা·জক বিসং গিপ্পিনরাংনা দাকচাকানি কামও আন·থাংথাংখো বিমচিপাও দন্না গিসিক র·ন্না। মান্দিরাংনা ইয়ারাং নাম্মা আরো দাকচাকানি হং·আ।

ইব্রীয়রাংনা 12:14

দিমদাক মান্দিমুং থম·থমাও দংফানা আরো রংথালনা গিসিক নাংবো। রংথালজাওদে দারাংবা গিত্তেলখো নিকজানুয়া।

ইব্রীয়রাংনা 13:5

থাংখা পয়সানি মাদ্দুয়াওনি আনথাংথাংখো চেল·লাও দনবো। না·সংনি মুয়া দংআ উয়োন খুসি দংবো। ইসল আগানজক, “আংআ মামিং সালোবা নাং·খো ওয়াত্তে রি·য়াংজানুয়া বা গালজানুয়া।”

যাকোব 3:13

না·সংনি গিসেপো সা হা·আইগিবা আরো বুদ্ধি দংগিবা হং·আ? বিয়া বিনি রংথালগিবা জাংগিচা হা·আইয়ানি হং·খাতে রি·বাগিবা রিন্নকগিবা কামখো দাক্কে ফিন্নিকখানা।

পিতর 2:12

মুয়ানা উরাং না·সংনি গিসিকনি সাক্কাও দাকগ্রিকা। ইসলখো জেরাং হা·আইজা বিসংনি গিসেপো না·সং নাম্মেদাক্কে রি·বো জেদাক্কে খ্রাগিজাখো দাকগিবা ইন্নে বিসং না·সংখো জিয়োবা না·সংনি নাম্মা কামরাংখো নিআ আরো বিচালনি সালো না·সংনি উয়া কামরাংনা ইসলখো রাসং দাক্কা।

পিতর 2:9

ইন্দিবা না·সংদে “বাচ্ছিগিবা মা·চং হং·জক; না·সংখো রা·এ খামালরাংনি সংনকখো রিকজক; না·সং ইসলনা মিংএ দিংথাং দাকগিবা জাত হং·আ আরো বিনি আন·থাংনি মান্দি হং·জক;” জেদাক্কে আন্দালাওনি না·সংখো জেআন বিনি আইয়াও ইনমানগিবা সেং·আও রিংগামে রা·বাজক না·সং বিখোন রাসং দাকবো।

পিতর 3:16

না·সংনি গিসিকখো থাল্লে দনবো, জেদাক্কে খ্রীষ্টনি মান্দি গিত্তা না·সংনি নাম্মা দাকবেওয়ালরাংখো জেরাং জিআ বিসং না·সংখো জিজক ইন্নে খ্রাচা·আ।

পিতর 5:10

জেআন গিম্মিক গিত্তা খা·সাচাক্কানি ইসল বিয়া বিনি ফাংনাজলনি রাসংখো মান·ফানা না·সংখো রিক্কামজক, মুয়ানা খ্রীষ্টমুং না·সং নাংরিমজক। না·সং বাং·গিজা সালনা দুকখো চাক্কানি জা·মানো ইসল আন·থাংআন না·সংখো চু·সকেতনুয়া আরো খেম·খেম দন্নুয়া, বিলখো র·ন্নুয়া আরো রাকগিবা ফাংচাকানি সাক্কাও না·সংখো চাদেংএতনুয়া।

1 যোহন 3:3

জেআন খ্রীষ্টনি সাক্কাও ইন্দাকে খা·দংআখো দন্না বিয়া আন·থাংখো খাকখেৎ দাক্কা জেদাক্কে খ্রীষ্ট খাকখেৎ হং·আ।

ফারাকগিবা খাৎথা 3:7

“ফিলাদিল্‌ফিয়া সংজিলমানি মন্ডলীনি সা·গ্রেচা ইয়া খাৎথাখো চকবো- জেআন রংথালগিবা আরো বিবিগিবা, জেচা দায়ূদনি চাবি দংআ, জেনি এংজোকনো দারাংবা চিপনা মান·জা আরো চিপজোকনো দারাংবা এংনা মান·জা,

ফারাকগিবা খাৎথা 4:8

ইয়া সাকব্রি জাংগিগ্মাংগিবানি দিমদাকনি গি·দক দাক্কে গ্রাং দংআমিং আরো উনি বে·এন দিমদাকও মিক্রোন গাপ্পামিং। উরাং সালওয়াল ইন্দাকে খাৎথা আগানিংআমিং, “বিল্লাকস্রাংগিবা গিত্তেল ইসল, জেআন দংআমিং, জেআন দংআ আরো জেআন রি·বাংজক, বিয়া রংথালা, রংথালা, রংথালা।”

ফারাকগিবা খাৎথা 6:10

বিসং রাক্কে চ্রিকে আগানজক, “ও রংথালগিবা আরো বিবিগিবা গিত্তেল, জেরাং ইয়া হা·গিলসাকনি হং·আ, বিসংখো বিচাল দাকনা আরো বিসংনি সাক্কাও চিংনি হান·চিনি গান্দাস্খাখো দাকনা না·আ আরবা বাসিক হারিমখুনুয়া?”