পিতর 1:11 - Garo New Testament

¹¹ বিসংনি খা·থংও খ্রীষ্টনি গিসিক স্খাংআন সাক্ষি র·ন্নে আগানামিং, খ্রীষ্টখো দুক চাকনা নাংনুয়া আরো ইনি জা·মানো বিয়া রাসংখো মা·ন্নুয়া। আগানসোগিবারাং হা·আইনা হা·ম্মামিং খ্র্রীষ্টনি উয়া গিসিক বাগিবা সময় আরো বাদাকা অবস্থানি খাৎথাখো বিসংনা আগানিংআমিং।

পিতর 1:11 Iomraidhean Croise

মথিনি চকগিবা নাম্মা খাৎথা 26:24

মান্দিনি দেফান্থিনি গিম্মিন রংথালগিবা শাস্ত্রও জেদাক্কে চক্কা দংআ উয়ানদাক্কেন বিয়া সিনুয়া, ইন্দিবা দা·নাং উয়া মান্দি, মান্দিনি দেফান্থিখো জে মান্দি বোবিলরাংনি জাক্কো রি·ম্মে হ·ন্না! ইনাবাত্তে উয়া মান্দি আৎচিজাওন বিনা নামনুয়ামিং।”

লূকনি চকগিবা নাম্মা খাৎথা 24:44

জা·মানো বিয়া বিসংনা আগানজক, “আংআ না·সংমুং দংমিত্তিংও আগানামিং, মোশিনি নিয়ামও, আগানসোগিবারাংনি চকগিবা আরো গীতরাংও আংনি গিম্মিনো চকগিবা গিম্মিকান চু·সকনা নাংনুয়া।”

যোহননা 12:41

যিশাইয় যীশুনি রাসংখো নিক্কামিং ইন্নে বিনি গিম্মিন ইয়া খাৎথাখো আগানামিং।

ওয়াত্তেতারাংনা 16:7

জা·মানো মুশিয়াওনা রি·বাএ বিসং বিথুনিয়া হা·দকচা রি·য়াংনা হাম·জক, ইন্দিবা যীশুনি গিসিক বিসংখো রি·য়াংনা হন·জাজক।

রোমানরাংনা 8:9

ইন্দিবা ইসলনি গিসিক না·সংনি খা·থংও দংওদে না·সং পাপ-বেওয়ালনি নিং·আও হং·জা ইন্দিবা গিসিক রংথালগিবানি নিং·আওসা হং·আ। জেনি খা·থংও খ্রীষ্টনি গিসিক দংজা বিয়া খ্রীষ্টনি হং·জা।

গালাতীয়রাংনা 4:6

না·সং দেদ্রাং ইন্নেন ইসল বিনি দেফান্থিনি গিসিকখো না·সংনি খা·থংও দংনা ওয়াত্তেতজক। উয়া গিসিক ইসলখো আব্বা আব্বা, আগানস্খাওদে আপফা ইন্নে রিক্কামা।

২ পিতর 1:21

মুয়ানা আগানসোগিবারাং বিসংনি হা·সিকা গিত্তা মামুং খাৎথাখো আগানজা; গিসিক রংথালগিবানি রি·দিলাচান বিসং ইসলনি রন·গিবা খাৎথাখো আগানজক।

ফারাকগিবা খাৎথা 19:10

উনো আংআ উয়া সা·গ্রেনি জা·চকও থুচিকোপে বিখো ইসল চাচাএ মান্দিরা·এ অলাখিজক। ইন্দিবা বিয়া আংনা আগানজক, “ইয়া মুয়াখো দাক্কিংআ? আংআ নাং·নি গিত্তা নকখল হং·ফা। ইসলখোন অলাখিবো। নাং·নি বিবিরা·গিবা জংআদারাং, জেরাং যীশুনি স্খিয়াখো রিম·মে রা·রিকা/মানিয়া, আংআ বিসংনিন সাকসা হং·আ। যীশুনি স্খিয়ান আগানসোগিবারাংনি স্খিয়ানি চং·মত হং·আ।”