1 যোহন 5:6 - Garo New Testament

⁶ ইয়ান যীশু খ্রীষ্ট, জেআন চি আরো হান·চি গিত্তা রি·বামিং। চিচাসান হং·জা, ইন্দিবা চি আরো হান·চিচা রি·বামিং। গিসিক রংথালগিবা ইনি বিদিংও সাক্ষি হ·ন্না, মুয়ানা বিয়া আন·থাংআন বিবি হং·আ।

1 যোহন 5:6 Iomraidhean Croise

মথিনি চকগিবা নাম্মা খাৎথা 26:28

মুয়ানা ইয়ান আংনি হান·চি জেখো পাপনিখো ক্ষেমা মান·খানা ইন্নে বাং·আনা হ·ন্নুয়া। মান্দিনি গিম্মিন ইসলনি গিত্তাল খু·রাচাক্কানি আংনি ইয়া হান·চিওন দংনুয়া।

মথিনি চকগিবা নাম্মা খাৎথা 3:16

রিপ্পলানি জা·মানো যীশু চিওনি গাখাতমিত্তিংওন বিনি মিকখাংও সিলগা ফ্রাকাংজক। বিয়া কইতর গিত্তা বিনি সাক্কাও ইসলনি গিসিকনি হং·ওনবাখো নিকনা মান·জক।

মার্ক 14:24

উনো যীশু বিসংনা আগানজক, ‘‘ইয়া আংনি হান·চি জেখো বাং·আরাংনা হ·ন্নুয়া। আংনি ইয়া হান·চিচান মান্দিনা হন·গিবা ইসলনি গিত্তাল খু·রাচাক্কাখো রা·রিকনুয়া।

লূকনি চকগিবা নাম্মা খাৎথা 22:20

চা·আনি জা·মানো উয়ানদাক্কে বিয়া রিংচাক্রাখো বিসংনা হ·ন্নে আগানজক, “আংনি হান·চিচা ইসলনি হন·গিবা জে গিত্তাল খু·রাচাক্কাখো রা·রিকনুয়া ইয়া রিংচাক্রা উয়া খু·রাচাক্কানি চিন হং·আ। আংনি ইয়া হান·চিখো না·সংনা হ·ন্নুয়া।

যোহননা 14:17

উয়া দাকচাকগিবান বিবিনি গিসিক হং·আ। হা·গিলসাকনি মান্দিরাং বিখো রা·চাকনা মান·জা, মুয়ানা বিসং বিখো নিকজা আরো বিখো হা·আইয়াবা হা·আইজা। ইন্দিবা না·সং বিখো হা·আইয়া, মুয়ানা বিয়া না·সংমুং দংআ আরো না·সংনি খা·থংও দংনুয়া।

যোহননা 14:6

যীশু থোমানা আগানজক, “আংআন রামা, বিবি আরো জাংগি। আংগিত্তা রি·য়াংজাওদে দারাংবা আপফাওনা রি·য়াংনা মান·জা।

যোহননা 15:26

“জে দাকচাকগিবাখো আংআ আপফাওনি না·সংনা ওয়াত্তেতনুয়া, বিয়া জেনসালো রি·বানুয়া উনসালো বিয়ান আংনি গিম্মিন সাক্ষি হ·ন্নুয়া। বিয়ান আপফাওনি রি·বাগিবা বিবিনি গিসিক হং·আ।

যোহননা 16:13

ইন্দিবা উয়া বিবিনি গিসিক জেনসালো রি·বানুয়া উনসালো বিয়া না·সংখো রামা ফিন্নিকে চু·সকগিবা বিবিওনা রা·আংনুয়া। বিয়া আন·থাংওনি খাৎথা আগানজানুয়া, ইন্দিবা খিন্নাগিবাখোন আগান্নুয়া, আরো জেরাং হং·নুয়া উরাংখোবা বিয়া না·সংনা আগান্নুয়া।

যোহননা 3:5

যীশু আগানচাকজক, “আংআ নাং·না বিবিন আগানিংআ, চি আরো রংথালগিবা গিসিকোনি আৎচিজাওদে দারাংবা ইসলনি সংনক্কো নাপনা মান·জা।

যোহননা 4:10

যীশু উয়া মিচিকনা আগানচাকজক, “না·আ ইসলনি হ·ন্নাখো আরো সা নাং·চানিখো চি রিংনা হা·ম্মিংআ ইখো হা·আইওদে ইন্দিদে না·আন বিচানিখো চি রিংনা হাম·নুয়ামিং আরো বিয়া নাং·না চিজাংগিখো হ·ন্নুয়ামিং।”

যোহননা 4:14

ইন্দিবা আংআ জে চিখো হ·ন্নুয়া উখো রিংগিবানিদে মামুং সালোবা রিংনা হা·সিকফিলজানুয়া। উয়া চি বিনি খা·থংও চিমিক হং·এ ফাংনাজলনি জাংগিখো হ·ন্নুয়া।”

যোহননা 6:55

আংনি বে·এনআন চং·মতগিবা চা·আনি আরো আংনি হান·চিআন চং·মতগিবা রিংআনি হং·আ।

ওয়াত্তেতারাংনা 8:36

রামাও রি·য়াংমিত্তিংও বিসং ইন্দাকগিবা হা·দাম দামসাওনা রি·বাজক জেও চি দংআমিং। উনোন উয়া কাম রিম·গিবা আগানজক, “ইয়া নিবো, ইনো চি দংআ; আংনি রিপ্পলনা চাংফেংআনি দংআমা?”

রোমানরাংনা 3:25

ইসল ইন্দাকে ফারাকামিং, জেরাং বিবিরা·আ বিসংনা যীশু খ্রীষ্ট বিনি হান·চিচা, ফি·এ ইন্নোদে বিনি জাংগিথাংখো হন·চাকে বিখো খা·নাম্মেতজক। ইন্দাকেন ইসল ফিন্নিকজক, বিয়া বিনি চাকচিকানি গিম্মিন মান্দিরাংনি স্খাংনি পাপনি শাস্তিখো হন·জাওবা বিয়া দোসগ্রি হং·আ।

ইফিষীয়রাংনা 1:7

ইসলনি বন·চাংগিজা খা·সাচাক্কা গিত্তাদে খ্রীষ্টমুং নাংরিমে বিনি হান·চিচা আনচিং জক্কাখো মান·জক, আগানস্খাওদে পাপওনি ক্ষেমা মান·জক।

1 তীমথিয় 3:16

খ্রীষ্টান থরমখো বিবিরা·আনি নিং·থুয়া বিবি দাল·বাতা হং·আ উখো জেগালনা মান·জা। উয়া বিবি ইয়ান- বিয়া মান্দি হং·এ ফারাকজক; বিয়া দোসগ্রি গিসিক রংথালগিবা ইখো ফিন্নিকজক; সা·গ্রেরাং বিখো নিক্কামিং; গিম্মিক জাতরাংচা বিনি গিম্মিনো আগানফ্রাকামিং; হা·গিলসাকো বিখো মান্দিরাং বিবিরা·আমিং; সালগিও বিখো রাসংমুং দি·দোএ রা·আংআমিং।

তীতনা 3:5

মামুং নাম্মা কামনা বিয়া আনচিংখো জক্কেৎজা, বিনি খা·সাচাক্কানি গিম্মিনান উখো দাকজক। গিসিক রংথালগিবাচা গিত্তাল দাক্কে আৎচিয়েতে আরো গিত্তাল দাক্কে থারিয়ে বিয়া আনচিংনি খা·থংখো সু·গালে চি·রংএতজক, আরো ইন্দাকেন বিয়া আনচিংখো জক্কেৎজক।

ইব্রীয়রাংনা 10:29

ইন্দাকোদে ইসলনি দেফান্থিখো জেআন মিৎচিজক, জে হান·চিচা বিয়া রংথালজক ইসলনি উয়া খু·রাচাক্কানি হান·চিখো জেআন মারাং নাংআ চানচিজক আরো জেআন খা·সাচাক্কা উয়া গিসিক রংথালগিবাখো জেআন চন্নিকজক, চানচিয়ে নিবো, বিয়া আরোবা বাসিক শাস্তিখো মা·ন্না খ্রাগিবা হং·আ!

ইব্রীয়রাংনা 12:24

জেআন গি·সা গিত্তাল খু·রাচাক্কানি নাংরিমেতগিবা হং·আ উয়া যীশুচা রি·বাজক; আরো হেবলনি হান·চিনা বাত্তে জে হান·চি আরোবা দাল·বাতা খাৎথাখো আগানা, না·সং উয়া গোসাতগিবা হান·চিচা রি·বাজক।

ইব্রীয়রাংনা 13:20

জে হান·চিও থম·থমেতগিবা ইসলনি জ্রিংজ্রৎনি খু·রাচাক্কা দংআ উচা ইসল আনচিংনি গিত্তেল যীশু খ্রীষ্টখো, আগানস্খাওদে মেষরাংনি উয়া দাল·বাৎগিবা নিরকখিগিবাখো সিয়াওনি থাংচাএতজক।

ইব্রীয়রাংনা 9:14

ইন্দিবা জেআন ফাংনাজলনি গিসিক রংথালগিবা গিত্তা ইসলচা আন·থাংখো খাকখেৎ বলি গিত্তা হন·চাকজক উয়া যীশুনি হান·চি আনচিংনি গিসিকখো বিথিগ্রি কামওনি আরোবা বাসিক বাং·এ রংথালেতনুয়া, জেদাক্কে আনচিং থাংগিবা ইসলনা দাকচাকে হ·ন্না মা·ন্না!

ইব্রীয়রাংনা 9:7

ইন্দিবা গ্মিগিবা বাকও, আগানস্খাওদে রংথালবাৎগিবা হা·দামও খামাল দাল·বাৎগিবাসান নাপনুয়ামিং। বিলসিও রাং·সাসান বিয়া বলি হন·গিবা মাৎবুরুংনি হান·চিখো রা·এ উয়ো নাপনুয়ামিং। বিনি আন·থাংনি পাপনি হা·সেলো আরো মান্দিরাং হা·আইগিজা জে পাপরাংখো দাক্কা উনি গিম্মিনো বিয়া ইয়া হান·চিখো হন·চাকনুয়ামিং।

পিতর 1:2

আপফা ইসল বিনি চানচিসোআ গিত্তা না·সংখো বাচ্ছিয়ে রা·জক, আরো বিনান মিকসংএ গিসিক রংথালগিবা না·সংখো দিংথাং দাক্কে দনজক। ইনি মিকসংআ হং·জক, জেদাক্কে না·সং যীশু খ্রীষ্টখো মানিয়া আরো বিনি হান·চিখো গোসাত্তাচা না·সংখো রংথালেতানি হং·আ। ইসল না·সংনা বাং·এ খা·সাচাক্কাখো আরো থম·থমাখো রন·খানা।

পিতর 3:21

ইয়া হং·জক রিপ্পলানি গি·সা ছবি দা·আও না·সংখো জেআন জক্কেতা। রিপ্পলা না·সংনি বে·এননিখো ময়লাখো থাল্লেতা ইন্দাকে হং·জা; ইসলচা ইয়া গি·সা রংথালা চানচিয়ানি হং·আ। যীশু খ্রীষ্টনি সিয়াওনি থাংচাএ চাখাতাচা না·সংখো জক্কেতানি হং·আ।

1 যোহন 1:7

ইন্দিবা ইসল জেদাক্কে সেং·আও দংআ আনচিংবা উয়ানদাক্কে সেং·আও রি·ওদে আনচিংনি গিসেপো নাংরিমা দংআ আরো বিনি দেফান্থি যীশুনি হান·চি গিম্মিক পাপওনি আনচিংখো রংথালেতা।

1 যোহন 4:10

আনচিং ইসলনা খা·সামিং ইন্দাকে হং·জা, ইন্দিবা বিয়া আনচিংনা খা·সাএ বিনি দেফান্থিখো ওয়াত্তেতামিং, জেদাক্কে দেফান্থি বিনি আন·থাংনি জাংগিখো হন·চাকাচা আনচিংনি পাপখো হা·রিকেতি ইসলখো খুসি দাক্কা। ইয়ান হং·জক খা·সা।

ফারাকগিবা খাৎথা 5:9

বিসং ইয়া গিত্তাল গীতখো রিং·আমিং: “না·আন উয়া খি·তাপখো রা·এ উনি সীলমোহররাংখো এংনা খ্রাগিবা, মুয়ানা নাং·খো স·ওতে গাল্লা হং·জকমিং। না·আন নাং·নি হান·চিচা গিম্মিক মা·চং, খু·সুক, হা·সং আরো জাতরাংওনি মান্দিরাংখো ইসলনা ব্রিজক।

ফারাকগিবা খাৎথা 7:14

আংআ বিনা আগানজক, “নিবো, উখো না·আন হা·আইয়া।” বিয়া আংনা আগানজক, “উয়া বিল্লংআ দুকওনি জেরাং রি·বাজক ইরাং বিসংআন। ইরাং আন·থাংনি চলাখো মেষ বি·সানি হান·চিও সু·গালে গিব্বকেতজক।