1 যোহন 4:7 - Garo New Testament

⁷ খা·সাগিবা বি·সারাং, আনচিং জেদাক্কে সাকসা সাকগিপ্পিননা খা·সাআ, মুয়ানা খা·সাআ ইসলওনিন রি·বাআ। জেরাংনি খা·থংও খা·সা দংআ, ইসলওনিন বিসং আৎচিয়া আরো বিসং ইসলখো হা·আইয়া।

1 যোহন 4:7 Iomraidhean Croise

যোহননা 13:34

মিংসা গিত্তাল গি·য়েতাখো আংআ না·সংনা হ·ন্নিংজক- না·সং সাকসা সাকগিপ্পিননা খা·সাগ্রিকবো। আংআ জেদাক্কে না·সংনা খা·সামিং উয়ানদাক্কেন না·সংবা সাকসা সাকগিপ্পিননা খা·সাগ্রিকবো।

যোহননা 17:3

নাং·খো, আগানস্খাওদে সাকসা মাংমাং বিবিগিবা ইসলখো আরো নাং·নি ওয়াত্তেতগিবা উয়া যীশু খ্রীষ্টখো হা·আইনা মা·ন্নান ফাংনাজলনি জাংগি হং·আ।

1ম করিন্থীয়রাংনা 8:3

ইন্দিবা ইসলনা জেআন খা·সাআ বিখো ইসল হা·আইয়া।

2য় করিন্থীয়রাংনা 4:6

চিংআ ইয়া খাৎথাখো আগানফ্রাকিংজক, মুয়ানা জেআন আগানামিং, “আন্দালাওনি সেং·খানা,” উয়া ইসলান চিংনি খা·থংও চিং·আমিং, জেদাক্কে বিনি রাসংখো হা·আইয়ানি সেং·আ ফারাকা। ইয়া রাসংআন খীষ্টনি মিকখাংও দংআ।

গালাতীয়রাংনা 4:9

ইন্দিবা দা·আওদে না·সং ইসলখো হা·আইজক; বাত্তেসা ইসলান না·সংখো হা·আইয়া ইন্নে আগানোন থিক হং·নুয়া। ইন্দাকোদে বাদিকে দাক্কে না·সং দা·আবা হা·গিলসাকনি উয়া বিলগ্রি আরো বিথিগ্রি দাকবেওয়ালরাংচা ফিল্লিংজক? দা·আবা না·সং উরাংনি নকখল হং·না হা·ম্মিংআমা?

গালাতীয়রাংনা 5:22

ইন্দিবা গিসিক রংথালগিবানি বিথি হং·জক- খা·সা, খুসি হং·আ, থম·থমা, চাকচিকানি গুণ, খা·সাচাক্কানি গিসিক, নামগিবা গিসিক, বিবিগিবা,

2 তীমথিয় 1:7

ইসল আনচিংনা খেন্নানি গিসিকখো হন·জা; বিয়া আনচিংনা ইন্দাকা গিসিকখো হন·জক জেও বিল, খা·সাআ আরো আন·থাংখো বাম্মে রা·রিকানি বিল দংআ।

পিতর 1:22

দা·আও বিবিখো মানিয়ে রা·এ না·সং না·সংনি খা·থংখো রংথালেতজক, আরো উনি গিম্মিন বিবিরা·গিবা জংআদারাং না·সংচা ইন্দাকফিল্লে খা·সাগিবা হং·আ। উনি গিম্মিন আগান্না, না·সং সাকসা সাকগিপ্পিনখো খা·থংচা নাম্মেন খা·সাবো।

1 যোহন 2:10

জেআন বিনি জংআদানা খা·সা বিয়া সেং·আও দংআ আরো বিনি ইয়ো জা·গিদত্তানি মামুং হা·সেল দংজা।

1 যোহন 2:29

বিয়া মামুং সালোবা খ্রাগিজাখো দাকজা ইখো না·সং হা·আইওদে, ইখোবা হা·আইএ রা·রিকবো- জেরাং খ্রাগিবা কামও আন·থাংথাংখো বিমচিপে দন্না, ইসলওনিন বিসং আৎচিয়া।

1 যোহন 2:3

বিনি গিম্মিক গি·য়েতাখো আনচিং মানিয়ে রি·ওদে আনচিং ইখো খাকখেৎ দাক্কে হা·আইয়া, আনচিং বিখো হা·আইনা মান·জক।

1 যোহন 2:4

জেআন আগানা, “আংআ বিখো হা·আইয়া,” ইন্দিবা বিনি গি·য়েতাখো মানিজা বিয়া বু·গিবা হং·আ; বিও বিবি দংজা।

1 যোহন 2:7

খা·সাগিবা বি·সারাং, আংআ না·সংচা গিত্তাল গি·য়েতানি খাৎথাখো চকজাংআ, বাত্তেসা স্খাংওনিন জে গি·য়েতা দংআমিং উখোন চক্কিংআ। না·সং জে খাৎথাখো স্খাংও খিন্নাজক উয়ান উয়া গিৎচাম গি·য়েতা।

1 যোহন 3:9

ইসলওনি জেআন আৎচিজক বিয়া পাপও গা·আকজা, মুয়ানা ইসলনি গিসিক-বেওয়াল বিচা দংআ। ইসলওনি আৎচিজক ইন্নে বিয়া পাপও গা·আকে দংনা মান·জা।

1 যোহন 4:11

খা·সাগিবা বি·সারাং, ইসল ইন্দাকে আনচিংনা খা·সাজক ইন্নে আনচিংনিবা সাকসা সাকগিপ্পিনখো খা·সানা নাংআ।

1 যোহন 4:12

দারাংবা মামুং সালোবা ইসলখো নিকখুজা। আনচিং সাকসা সাকগিপ্পিননা খা·সাওদে হা·আইনা মা·ন্নুয়া, ইসল আনচিংনি খা·থংও দংআ আরো বিনি খা·সা আনচিংনি খা·থংও চু·গিম্মিক দাক্কে কাম দাক্কিংজক।

1 যোহন 4:16

ইসল আনচিংনা খা·সা ইখো আনচিং হা·আইয়া, আরো বিনি খা·সানি সাক্কাও আনচিংনি বিবিরা·আ দংআ। ইসল আন·থাংআন খা·সা হং·আ। খা·সাও জেআন দংআ বিয়া ইসলওন দংআ আরো ইসল বিও দংআ।

1 যোহন 4:20

জেআন আগানা বিয়া ইসলনা খা·সা ইন্দাকোবা বিনি জংআদাখো মিৎচিয়া বিয়া বু·এ চা·গিবা, মুয়ানা মিক্রোনও নিক্কা জংআদানা জেআন খা·সাজা বিয়া নিকগিজা ইসলনা বাদিকে দাক্কে খা·সানা মা·ন্না?

1 যোহন 4:8

জেরাংনি খা·থংও খা·সা দংজা বিসং ইসলখো হা·আইজা, মুয়ানা ইসল আন·থাংআন খা·সা হং·আ।

1 যোহন 5:1

জেরাং বিবিরা·আ যীশুআন উয়া খ্রীষ্ট হং·আ, ইসলওনিন বিসং আৎচিয়া। জেরাং আপফানা খা·সা বিসং বিনি বি·সানাবা খা·সা।

2 যোহন 1:5

আনচিং জেদাক্কে সাকসা সাকগিপ্পিননা খা·সা, ইয়ান হং·জক নাং·চা আংনি মল·মলা। খা·সাগিবা ননো, আংনি চকগিবা গিত্তাল গি·য়েতা হং·জা, বাত্তেসা ইয়া গি·য়েতাখো চিংআ স্খাংওনিন মা·ন্নামিং।