1 যোহন 4:12 - Garo New Testament

¹² দারাংবা মামুং সালোবা ইসলখো নিকখুজা। আনচিং সাকসা সাকগিপ্পিননা খা·সাওদে হা·আইনা মা·ন্নুয়া, ইসল আনচিংনি খা·থংও দংআ আরো বিনি খা·সা আনচিংনি খা·থংও চু·গিম্মিক দাক্কে কাম দাক্কিংজক।

1 যোহন 4:12 Iomraidhean Croise

যোহননা 1:18

দারাংবা ইসলখো মামুং সালোবা নিকখুজা। বিমুং দংফাগিবা উয়া সাকসা খাম·খাম দেফান্থি, জে আন·থাংআন ইসল হং·আ, বিয়ান বিখো ফারাকজক।

1ম করিন্থীয়রাংনা 13:13

ইন্দাকোদে নিকনা মা·ন্না বিবিরা·আ, খা·দংআ আরো খা·সা-ইয়া মিংগিত্থামান বন·খামওনা দিপ্পাৎ দংআ; ইন্দিবা ইরাংনি গিসেপো খা·সান দাল·বাৎগিবা হং·আ।

1 তীমথিয় 1:17

জেআন চাসং গিম্মিকনি রাজা, জেনি চা·ম্মানি দংজা আরো জেখো নিকজাংআ, ফাংনাজলনা উয়া সাকসা মা·মাং ইসলনি রাসং হং·খানা। আমেন।

1 তীমথিয় 6:16

সাকসা মা·মাং ইসলসান সিয়ানি নিং·আও হং·জা। বিয়া ইন্দাকগিবা সেং·আও দংখামা জেও সাকসা মান্দিবা রি·য়াংনা মান·জা। সাকসা মান্দিবা বিখো মামুং সালোবা নিকখুজা, নিকনা মা·ন্নাবা মান·জা। মান্দিরা·আ আরো বিল ফাংনাজলনা বিনিন হং·আ। আমেন।

ইব্রীয়রাংনা 11:27

ইসলনি সাক্কাও বিনি বিবিরা·আনি গিম্মিনান বিয়া রাজানি খা·আওনাংআনা খেনগিজা মিসর হা·সংখো ওয়াত্তামিং, মুয়ানা জেখো নিকজাংআ বিখো জেদাক্কে নিকনা মা·ন্নিংআ উয়ানদাক্কে বিয়া চাকচিকামিং।

1 যোহন 2:5

ইন্দিবা জেআন বিনি খাৎথাখো মানিয়া বিও ইসলনি খা·সা বিবিন চু·সকজক। সাবা আগানোদে বিয়া খ্রীষ্টও দংআ ইন্দিদে খ্রীষ্ট জেগিত্তা রি·য়ামিং উগিত্তা বিয়াবা রি·না নাংআ। ইচান আনচিং হা·আইনা মা·ন্না, আনচিং বিমুং নাংরিমে দংআ।

1 যোহন 3:24

বিনি গি·য়েতাখো জেআন মানিয়া বিয়া বিও দংআ আরো বিয়াবা বিমুং দংআ। জে গিসিক রংথালগিবাখো বিয়া আনচিংনা হন·জক উয়া গিসিক রংথালগিবাচা আনচিং হা·আইনা মা·ন্না, বিয়া আনচিংনি খা·থংও দংআ।

1 যোহন 4:16

ইসল আনচিংনা খা·সা ইখো আনচিং হা·আইয়া, আরো বিনি খা·সানি সাক্কাও আনচিংনি বিবিরা·আ দংআ। ইসল আন·থাংআন খা·সা হং·আ। খা·সাও জেআন দংআ বিয়া ইসলওন দংআ আরো ইসল বিও দংআ।

1 যোহন 4:20

জেআন আগানা বিয়া ইসলনা খা·সা ইন্দাকোবা বিনি জংআদাখো মিৎচিয়া বিয়া বু·এ চা·গিবা, মুয়ানা মিক্রোনও নিক্কা জংআদানা জেআন খা·সাজা বিয়া নিকগিজা ইসলনা বাদিকে দাক্কে খা·সানা মা·ন্না?

1 যোহন 4:6

আনচিং ইসলনি; জেআন ইসলখো হা·আইয়া বিয়া আনচিংনি খাৎথাখো খিন্নাআ, ইন্দিবা জেআন ইসলনি হং·জা বিয়া আনচিংনি খাৎথাখো খিন্নাজা। ইরাংচান আনচিং বিবিনি গিসিক আরো দাক্কামব্রুআনি গিসিকখো হা·আইনা মা·ন্না।