1 যোহন 4:1 - Garo New Testament

¹ খা·সাগিবা বি·সারাং, না·সং গিম্মিক গিসিকখো দা·আ বিবিরা·আ; বাত্তেসা বিসং ইসলওনি রি·বামা রি·বাজা উখো থিকখেলে নিবো, মুয়ানা হা·গিলসাকো বু·এ চা·গিবা আগানসোগিবারাং বাং·এ হং·খাতজক।

1 যোহন 4:1 Iomraidhean Croise

মার্ক 13:21

উনো সাবা না·সংখো, ‘নিবো, খ্রীষ্ট ইনো,’ বা ‘নিবো, খ্রীষ্ট হাইওয়ানো,’ ইন্নে আগানোদে না·সং দা·আ বিবিরা·বো;

লূকনি চকগিবা নাম্মা খাৎথা 12:57

“জেআন থিক হং·আ উখো না·সং আন·থাংথাং চানচিয়ে মুয়ানা থিক দাকজাংআ?

লূকনি চকগিবা নাম্মা খাৎথা 21:8

যীশু আগানচাকজক, “নিবো, জেদাক্কে দারাংবা না·সংখো ব্রাংএতনা মান·জা, মুয়ানা বাং·এন আংনি বিমুংও রি·বাএ আগান্নুয়া, ‘আংআন খ্রীষ্ট’ আরো ‘সাল সেফাংজক।’ বিসংখো দা·আ জা·রিকাবো।

ওয়াত্তেতারাংনা 17:11

থিষলনীকীনি যিহূদীরাংনা বাত্তে বিরয়া সংজিলমানি যিহূদীরাংনি গিসিক দাল·বিয়ামিং। বিসং ইসলনি খাৎথাখো গিসিক নাংবিএ খিন্নাএ উখো রা·চাকজক। পৌলনি আগানগিবা বিবি হং·আমা উখো নিনা ফাংনাজ্রিং বিসং শাস্ত্রও সান্দিনুয়ামিং।

ওয়াত্তেতারাংনা 20:29

আংআ হা·আইয়া, আংনি রি·য়াংআনি জা·মানো মান্দিরাং মাৎচা হা·রেক গিত্তা না·সংচা রি·বানুয়া আরো মেষরাংনা নামগিজাখো দাকনুয়া।

1ম করিন্থীয়রাংনা 14:29

জেরাং আগানসোগিবা গিত্তা খু·সুক আগানা বিসং সাকগ্মি বা সাকগিত্থাম দাক্কে খু·সুক আগানখানা আরো সাকগিপ্পিনরাং উনি বিচালখো দাক্কে নিখানা।

1 থিষলনীকী 5:20

জেরাং আগানসোগিবা হং·এ ইসলনি খাৎথাখো আগানা বিসংনি খাৎথাখো দা·আ চন্নিকাবো, বাত্তেসা গিম্মিকখোন থিকখেলে নিবো।

1 থিষলনীকী 5:21

জেআন নাম্মা উখো রি·ম্মে রা·রিকবো,

2 থিষলনীকীয়রাংনা 2:2

“গিত্তেলনি সাল সকবাজক,” ইখো ইন্নে আগানসোগিবা দাক্কে সানিবা খাৎথা আগানা বা সাকগিপ্পিননি খাৎথা বা চিংনি চক্কা চিঠি ইন্নে চানচিয়ে না·সং দা·আ জাব্রাংআবো বা দা·আ খেন্নাবো।

1 তীমথিয় 4:1

গিসিক রংথালগিবা নাম্মেথাল্লে আগানজক, রি·বাগিবা চাসংও মিত্তাম মান্দিরাং খ্রীষ্টান থরমখো বিবিরা·আওনি চে·ল্লাংনুয়া আরো দাক্কামব্রুআ গিসিক আরো গিসিক নামগিজাগিবারাংনি স্খিয়াওনা গিসিক হ·ন্নুয়া।

2 তীমথিয় 3:13

ইন্দিবা নামগিজাগিবা মান্দিরাং আরো দাক্কামব্রুগিবারাং আরোসা নামজাস্রাংনুয়া। বিসং গিপ্পিনরাংখো ব্রাংআ রামাচানা রা·আংনুয়া আরো আন·থাংথাংবা ব্রাংআ রামাচা রি·নুয়া।

২ পিতর 2:1

ইন্দিবা ইস্রায়েলরাংনি গিসেপো জেদাক্কে বু·এ চা·গিবা আগানসোগিবা দংআমিং উয়ানদাক্কে না·সংনি গিসেপোবা বু·এ চা·গিবা স্খিগিবা দংনুয়া। বিসং স্রক দাক্কে ইন্দাকা ব্রাংআ স্খিয়াখো রা·বানুয়া জেআন মান্দিখো ব·ন্নেতনুয়া; আরোবা, জেআন বিসংখো ব্রিজক উয়া গিত্তেলখোবা জেগালনুয়া। ইন্দাকে দাক্কে বিসং থেংরিন আন·থাংথাংখো ব·ন্নেতনুয়া।

1 যোহন 2:18

বি·সারাং, ইয়ান বন·চতা সময় হং·আ। না·সংদে খিন্নাজক, খ্রীষ্টনি বোবিল রি·বাংজক, ইন্দিবা বিনি আরোবা বাং·আ বোবিলরাং রি·বাএ গালজক। উনি গিম্মিন আনচিং হা·আইনা মা·ন্নিংআ, ইয়ান বন·চতা সময় হং·আ।

1 যোহন 2:7

খা·সাগিবা বি·সারাং, আংআ না·সংচা গিত্তাল গি·য়েতানি খাৎথাখো চকজাংআ, বাত্তেসা স্খাংওনিন জে গি·য়েতা দংআমিং উখোন চক্কিংআ। না·সং জে খাৎথাখো স্খাংও খিন্নাজক উয়ান উয়া গিৎচাম গি·য়েতা।

2 যোহন 1:7

হা·গিলসাকো ইন্দাকা বাং·আ মান্দি হং·খাতজক জেরাং দাক্কামব্রুএ রওমিংআ। যীশু খ্রীষ্ট মান্দি হং·এ রি·বামিং বিসং উখো খু·রাচাকজা। ইন্দাকা মান্দিরাংআন দাক্কামব্রুগিবা আরো খ্রীষ্টনি বোবিল হং·আ।

3 যোহন 1:11

খা·সাগিবা রিপ্পেং, নামগিজাখো জা·রিকগিজা বাত্তেসা নাম্মাখো জা·রিকবো। জেআন নাম্মা কামখো দাক্কা বিয়া ইসলনি মান্দি হং·আ, আরো জেআন নামগিজা কামখো দাক্কা বিয়া ইসলখো নিকখুজা।

ফারাকগিবা খাৎথা 2:2

আংআ নাং·নি কাম, গাম্মা আরো চাকচিকানি খাৎথাখো হা·আইয়া। আংআ হা·আইয়া না·আ নামগিজা মান্দিরাংখো চাকনা মান·জা, আরো জেরাং ওয়াত্তেতা হং·জাওবা আন·থাংখো ওয়াত্তেতা ইন্নে দাবি দাক্কা বিসংখো রুরাএ নিজক আরো বিসং বু·এ চা·গিবা হং·আ ইখোবা নিকনা মান·জক।