1 যোহন 3:3 - Garo New Testament

³ জেআন খ্রীষ্টনি সাক্কাও ইন্দাকে খা·দংআখো দন্না বিয়া আন·থাংখো খাকখেৎ দাক্কা জেদাক্কে খ্রীষ্ট খাকখেৎ হং·আ।

1 যোহন 3:3 Iomraidhean Croise

মথিনি চকগিবা নাম্মা খাৎথা 5:48

উনা গান্দা আগানিংআ, না·সংনি সালগিও দংগিবা ফাগিবা জেদাক্কে চু·সকগিবা হং·আ না·সংবা উয়ানদাক্কেন চু·সকগিবা হং·বো।

লূকনি চকগিবা নাম্মা খাৎথা 6:36

না·সংনি ফাআ জেদাক্কে খা·সাচাক্কা না·সংবা উয়ানদাক্কেন খা·সাচাকবো।

যোহননা 17:19

বিসংনি হা·সেল নাং·না আংআ আন·থাংখো দিংথাং দাকজক জেদাক্কে বিসংখোবা বিবিচা দিংথাং দাক্কা।

ওয়াত্তেতারাংনা 15:9

বিয়া আনচিংনি আরো বিসংনি গিসেপো দিংথাংগ্রিকানি মামুংখো দনজাজক, মুয়ানা বিসংনি বিবিরা·আনি গিম্মিন বিয়া বিসংনি খা·থংখোবা থাল্লেতজক।

রোমানরাংনা 15:12

দা·আবা যিশাইয় ইন্দাকে আগানজক, জেআন যিশয়নি জা·দিল বিয়া রি·বানুয়া, গিম্মিক জাতরাংখো শাসন দাকনা বিয়া চাদেংনুয়া। গিম্মিক জাতনি মান্দিরাং বিনি সাক্কাওন খা·দংনুয়া।

2য় করিন্থীয়রাংনা 7:1

খা·সাগিবা রিপ্পেংরাং, আনচিংনা ইয়া খু·রাচাক্কারাং দংআ ইন্নে হাই, আনচিং বে·এন আরো খা·থংনি গিম্মিক মারাং নাংআওনি আন·থাংথাংখো রংথালেতনা আরো ইসলখো খেনচাকে অলাখিয়ে চু·গিম্মিক রংথালানি রামাও রি·না।

কলসীয়রাংনা 1:5

সালগিচা না·সংনা জেখো চিম্মংজক উখো মা·ন্না খা·দংআওনিন না·সংনি গিসেপো ইয়া বিবিরা·আ আরো খা·সাআ আৎচিজক। জে নাম্মা খাৎথা, আগানস্খাওদে বিবিনি খাৎথা না·সংচা সকজক উয়োন না·সং ইয়া খা·দংআনি খাৎথাখো খিন্নাজক।

2 থিষলনীকীয়রাংনা 2:16

আনচিংনি গিত্তেল যীশু খ্রীষ্ট আন·থাং আরো আনচিংনি ফাগিবা ইসল না·সংনি খা·থংও খা·দংএতখানা আরো গিম্মিক নাম্মা কামও আরো খাৎথাও না·সংখো খেম·খেম দনখানা। বিয়ান চিংনা খা·সাজক আরো খা·সাচাক্কে বন·চাংগিজা দিদিআখো আরো হান·সেংআ গাপ্পা খা·দংএতাখো হন·জক।

তীতনা 3:7

জেদাক্কে আনচিং ফাংনাজলনি জাংগিনি খা·দংআখো মা·ন্নে ইসলনি গিম্মিকখো মান·রিকগিবা হং·আ। ইন্দাকে হং·না মান·জক, মুয়ানা ইসলনি খা·সাচাক্কাচা আনচিংখো দোসগ্রি দাক্কে রা·চাকজক।

ইব্রীয়রাংনা 12:14

দিমদাক মান্দিমুং থম·থমাও দংফানা আরো রংথালনা গিসিক নাংবো। রংথালজাওদে দারাংবা গিত্তেলখো নিকজানুয়া।

ইব্রীয়রাংনা 6:18

ইসলনি খু·রাচাক্কা আরো মিকচেতা মামুং সালোবা দিংথাং হং·জা। ইসল, জেআন বু·এ আগান্না মান·জা, বিয়ান ইখো খু·রাচাকজক আরো মিকচেতজক, জেদাক্কে আনচিংনি মিকখাংও জে খা·দংআ দংআ উখো রিম·না ইন্নে খাতনা রি·য়াংএ আনচিং নাম্মেন খা·দংএতাখো মা·ন্না।

ইব্রীয়রাংনা 7:26

ইন্দাকা সাকসা রংথালগিবা, দোসগ্রি আরো খাকখেৎ দাল·বাৎগিবা খামালান আনচিংনা নাংআমিং। বিয়া পাপী মান্দিনা বাত্তে দিংথাং হং·আ আরো ইসল বিখো সিলগানা বাত্তেবা চু·য়াকাও দি·দোজক।

যাকোব 4:8

ইসলনি সেফাংওনা রি·য়াংবো, ইন্দাকোদে বিয়াবা না·সংনি সেফাংওনা রি·বানুয়া। পাপীরাং না·সংনি জাকথাংখো থাল্লেতবো। জাজাগিবা মান্দিরাং, না·সংনি খা·থংখো রংথালেতবো।

পিতর 1:15

উনা বাত্তে জেআন না·সংখো রিক্কামজক বিয়া জেগিত্তা রংথালা, না·সংবা না·সংনি গিম্মিক রিয়া·দোআও উগিত্তান রংথালবো।

পিতর 1:3

আনচিংনি গিত্তেল যীশু খ্রীষ্টনি ইসল আরো ফাগিবানি রাসং হং·খানা। যীশু খ্রীষ্টখো সিয়াওনি থাংচাএতি ইসল বিনি বাং·বাত্তা খা·সাচাক্কাও আনচিংখো গিত্তাল দাক্কে আৎচিয়েতজক। উনি গিম্মিনো আনচিং গি·সা থাংগিবা খা·দংএতাখো মান·জক,

২ পিতর 1:4

বিয়া আন·থাংনি রাসংও আরো গুণচা আনচিংচা গামচাৎবিয়া আরো দাল·বাতাখো খু·রাচাকজক। ইনি মিকসংআ হং·জক, মান্দিনি নামগিজা হা·সিকানি হা·সেল হা·গিলসাকো জে নামজাস্রাং চিম্মংজক উয়োনি না·সং জক্কেতাখো মা·ন্নে জেদাক্কে ইসলনি গিসিক-বেওয়ালখো মান·ফাগিবা হং·আ।

২ পিতর 3:14

খা·সাগিবা জংআদারাং, না·সং দা·আও ইরাংনা সেংএ দংআ ইন্নে জাংগিগাল্লে খ্রেংবো জেদাক্কে বিয়া রি·বাএ না·সংখো খাকখেৎ হং·এ দোসগ্রি অবস্থাও থম·থমে দংআখো নিকনা মা·ন্না।

1 যোহন 4:17

ইন্দাকেন খা·সা আনচিংনি খা·থংও চু·সকা, জেদাক্কে বিচালনি সালো আনচিং খা·সোকা, মুয়ানা ইয়া হা·গিলসাকো আনচিংনি জাংগি বিনিন জাংগি গিত্তা হং·আ।