1 যোহন 3:23 - Garo New Testament

²³ বিনি গি·য়েতা ইয়ান-আনচিং জেদাক্কে বিনি দেফান্থি যীশু খ্রীষ্টখো বিবিরা·আ আরো সাকসা সাকগিপ্পিননা খা·সাআ। ইয়া গি·য়েতাখোন বিয়া আনচিংনা হন·জক।

1 যোহন 3:23 Iomraidhean Croise

মথিনি চকগিবা নাম্মা খাৎথা 22:39

উনি জা·মাননি নাংগিবা গি·য়েতা স্খাংগিবা গিত্তান হং·আ- ‘নাং·নি সংসুল-নকসুলখো আন·থাংনি গিত্তা নামনিকবো।’

মার্ক 9:7

উনো গাদিলা রি·বাএ বিসংখো সালাখিমদাপজক, আরো উয়া গাদিলাওনি ইয়া খু·রাংখো খিন্নানা মান·জক, ‘‘ইয়ান আংনি খা·সাগিবা দেফান্থি, না·সং বিনি খাৎথাখো খিন্নাচাকবো।’’

যোহননা 1:12

ইন্দিবা বিখো বিবিরা·এ রা·চাকগিবা সাকফ্রাকফ্রাকখোন বিয়া ইসলনি দে হং·খানা বিলখো হন·জক।

যোহননা 13:34

মিংসা গিত্তাল গি·য়েতাখো আংআ না·সংনা হ·ন্নিংজক- না·সং সাকসা সাকগিপ্পিননা খা·সাগ্রিকবো। আংআ জেদাক্কে না·সংনা খা·সামিং উয়ানদাক্কেন না·সংবা সাকসা সাকগিপ্পিননা খা·সাগ্রিকবো।

যোহননা 14:1

“না·সংনি গিসিক জেদাক্কে জাজ্রেংজা। ইসলও বিবিরা·বো, আংওবা বিবিরা·বো।

যোহননা 15:12

আংনি গি·য়েতা ইয়ান, আংআ জেদাক্কে না·সংনা খা·সাজক উয়ানদাক্কে না·সংবা সাকসা সাকগিপ্পিননা খা·সাগ্রিকবো।

যোহননা 17:3

নাং·খো, আগানস্খাওদে সাকসা মাংমাং বিবিগিবা ইসলখো আরো নাং·নি ওয়াত্তেতগিবা উয়া যীশু খ্রীষ্টখো হা·আইনা মা·ন্নান ফাংনাজলনি জাংগি হং·আ।

যোহননা 2:23

ওয়াতচাংআনি সালো যিরূশালেমো দংএ যীশুনি দাক্কা আইয়াও ইনমানগিবা কামরাংখো নিক্কে বাং·আরাংএন বিখো বিবিরা·জক।

যোহননা 3:18

উয়া দেফান্থিখো বিবিরা·গিবাখো বিচাল দাকজা, ইন্দিবা বিবিরা·গিজাগিবাখো গ্র্রো নাংগিবা ইন্নে স্খাংআন বাচ্ছিয়ে রা·জক, মুয়ানা ইসলনি সাকসা খাম·খাম দেফান্থিখো বিয়া বিবিরা·জা।

যোহননা 6:29

যীশু বিসংনা আগানজক, “ইসল জেখো ওয়াত্তেতজক বিখো বিবিরা·আন ইসলনি কাম হং·আ।”

ওয়াত্তেতারাংনা 16:31

বিসং আগানজক, “না·আ আরো নাং·নি নকগিম্মিকান গিত্তেল যীশুখো বিবিরা·বো, ইন্দাকোদে পাপওনি জকনা মা·ন্নুয়া।”

ইফিষীয়রাংনা 5:2

খ্রীষ্ট জেদাক্কে আনচিংখো খা·সামিং আরো আনচিংনি গিম্মিন ইসলনা মিকসংএ সিম্মিলগিবা বলি গিত্তা আন·থাংখো হন·চাকামিং, উয়ানদাক্কেন না·সংবা খা·সানি রামাও রি·বো।

1 থিষলনীকী 4:9

জংআদাস্খানা খা·সানি গিম্মিন না·সংনা মামুংখো চকনা নাংজা, মুয়ানা ইসলান না·সংখো সাকসা সাকগিপ্পিননা খা·সাগ্রিকাখো স্খিজক।

1 তীমথিয় 1:15

ইয়া খাৎথা বিবিরা·না খ্রাআ আরো রা·চাকনাবা খ্রাআ, পাপওনি পাপীরাংখো জক্কেৎনা ইন্নেন খ্রীষ্ট যীশু হা·গিলসাকো রি·বামিং। উয়া পাপীরাংনি গিসেপো আংআন দাল·গিবা।

পিতর 1:22

দা·আও বিবিখো মানিয়ে রা·এ না·সং না·সংনি খা·থংখো রংথালেতজক, আরো উনি গিম্মিন বিবিরা·গিবা জংআদারাং না·সংচা ইন্দাকফিল্লে খা·সাগিবা হং·আ। উনি গিম্মিন আগান্না, না·সং সাকসা সাকগিপ্পিনখো খা·থংচা নাম্মেন খা·সাবো।

পিতর 4:8

আরো গিম্মিকনা বাত্তে দা·ল্লা খাৎথা হং·জক, না·সং সাকসা সাকগিপ্পিনখো নাম্মেন খা·সাবো, মুয়ানা খা·সাআ বাং·আ পাপখো ফিনদাপে দন্না।

1 যোহন 2:7

খা·সাগিবা বি·সারাং, আংআ না·সংচা গিত্তাল গি·য়েতানি খাৎথাখো চকজাংআ, বাত্তেসা স্খাংওনিন জে গি·য়েতা দংআমিং উখোন চক্কিংআ। না·সং জে খাৎথাখো স্খাংও খিন্নাজক উয়ান উয়া গিৎচাম গি·য়েতা।

1 যোহন 3:11

জে খাৎথাখো না·সং স্খাংওনি খিন্নাএ রি·বাংজক উয়া ইয়ান- আনচিং সাকসা সাকগিপ্পিননা খা·সানা নাংআ।

1 যোহন 4:15

যীশু ইসলনি দেফান্থি ইন্নে সাকফ্রাকান খু·রাচাক্কা, ইসল বিও দংআ আরো বিয়াবা ইসলও দংআ।

1 যোহন 4:21

আনচিং বিচানিখো ইন্দাকা গি·য়েতাখো মান·জক, ইসলখো জেরাং খা·সা বিসং জেদাক্কে জংআদানাবা খা·সা।

1 যোহন 5:13

না·সং জেরাং ইসলনি দেফান্থিখো বিবিরা·আ, না·সংচা আংআ ইরাংখো চকজক জেদাক্কে না·সং হা·আইনা মা·ন্না, না·সং ফাংনাজলনি জাংগিখো মান·জক।