1 যোহন 3:16 - Garo New Testament

¹⁶ খ্রীষ্ট আনচিংনা আন·থাংনি জাংগিখো হন·চাকামিং, উনি গিম্মিন খা·সাআ মুয়া উখো আনচিং হা·আইনা মান·জক। ইন্দাকোদে আনচিংবা জংআদারাংনা আন·থাংনি জাংগিখো হন·চাকনা নাংআ।

1 যোহন 3:16 Iomraidhean Croise

মথিনি চকগিবা নাম্মা খাৎথা 20:28

গিসিক রা·বো, মান্দিনি দেফান্থি দাকচাকে হ·ন্নাখো মা·ন্না রি·বাজা ইন্দিবা দাকচাকে হ·ন্নাসা রি·বাআ আরো বাং·বিয়া মান্দিরাংখো পাপওনিখো জক্কেৎনা ইন্নে বিসংনি জাংগিনি ফাল আন·থাংনি জাংগিখো হন·চাকনা রি·বাজক, ইখো গিসিক রা·বো।”

যোহননা 10:11

“আংআন নামগিবা রাক্ষুয়াল। নামগিবা রাক্ষুয়াল বিনি মেষরাংনা জাংগিথাংখো হন·চাক্কা।

যোহননা 13:34

মিংসা গিত্তাল গি·য়েতাখো আংআ না·সংনা হ·ন্নিংজক- না·সং সাকসা সাকগিপ্পিননা খা·সাগ্রিকবো। আংআ জেদাক্কে না·সংনা খা·সামিং উয়ানদাক্কেন না·সংবা সাকসা সাকগিপ্পিননা খা·সাগ্রিকবো।

যোহননা 3:16

“ইসল মান্দিখো ইন্দাকফিল্লে খা·সানি গিম্মিন বিনি সাকসা খাম·খাম দেফান্থিখো হন·জক, জেদাক্কে উয়া দেফান্থিও বিবিরা·গিবা দিমদাকান নামগিজাও গা·আকজা ইন্দিবা ফাংনাজলনি জাংগিখো মা·ন্না।

ওয়াত্তেতারাংনা 20:28

না·সং আন·থাংথাংনি গিম্মিন সিমসাকে দংবো, আরো গিসিক রংথালগিবা বিবিরা·গিবা দলরাংখো নিরক্ষিনা জে কামখো না·সংনা হন·জক বিসংনি গিম্মিনবা সিমসাকে দংবো। রাক্ষুয়াল জেদাক্কে বিনি মেষরাংখো নিরক্ষিয়া উয়ানদাক্কে না·সংবা ফামং গিত্তা ইসলনি মন্ডলীখো নিরক্ষিবো। ইসল উয়া মন্ডলীখো হান·চিথাংচা ব্রিজক।

রোমানরাংনা 16:4

আংনি জাংগিখো জক্কেৎনা বিসং আন·থাংথাংখো সিনা হন·চাকামিং। আংআসান হং·জা, ইন্দিবা গিম্মিক গিপ্পিন জাতনি মন্ডলীরাংবা বিসংখো মিৎথেলা।

রোমানরাংনা 5:8

ইন্দিবা ইসল আনচিংনা খা·সাআ, উখো খ্রীষ্ট আনচিংনি পাপী দংমিত্তিংওন সিচাকে ফিন্নিকজক।

2য় করিন্থীয়রাংনা 4:12

উনি গান্দা চিংও সিয়া কাম দাক্কিংজক ইন্দিবা না·সংও জাংগি কাম দাক্কিংজক।

ইফিষীয়রাংনা 5:2

খ্রীষ্ট জেদাক্কে আনচিংখো খা·সামিং আরো আনচিংনি গিম্মিন ইসলনা মিকসংএ সিম্মিলগিবা বলি গিত্তা আন·থাংখো হন·চাকামিং, উয়ানদাক্কেন না·সংবা খা·সানি রামাও রি·বো।

ইফিষীয়রাংনা 5:25

না·সং জেরাং সেগিবা হং·আ, খ্রীষ্ট জেদাক্কে মন্ডলীনা খা·সামিং আরো উনি গিম্মিন আন·থাংখো হন·চাকামিং উয়ানদাক্কে না·সংবা গিম্মিকান জিকথাংনা খা·সাবো।

ফিলিপীয়রাংনা 2:17

জে বিবিরা·আনি বলিচা না·সং ইসলখো অলাখিয়া উনি সাক্কাও আংনি হান·চিখো বলি গিত্তা রুদাপোবা খুসি হং·আ আরো না·সংমুং হান·সেংআ।

ফিলিপীয়রাংনা 2:30

খ্রীষ্টনি কামনা বিয়া সিয়ানি মিকখাংগ্রিক হং·আমিং। না·সংনি দংগিজাও আংনা জেখো দাকনা মান·জাজক উখো দাকনা বিয়া বিনি জাংগিখো হন·চাকনাবা হা·ম্মামিং।

1 থিষলনীকী 2:8

না·সংখো নাম্মেন খা·সাবিয়ানা না·সংনা ইসলনি নাম্মা খাৎথাখো হ·ন্নাসান হং·জা, না·সংনা আন·থাংথাংনি জাংগিখো হন·চাকনাবা চিংআ হা·ম্মামিং, মুয়ানা চিংচা না·সং খা·সাগিবা হং·আ।

তীতনা 2:13

আরো আনচিংনি চুবাৎগিবা ইসল আরো জক্কেৎগিবা যীশু খ্রীষ্টনি রাসংগ্মাং ফারাকানি খুসিগ্মাং খা·দংআ চু·সকনা গিম্মিনান গিসিক নাংএ নিচাকে দংআ।

পিতর 1:18

না·সং হা·আইয়া, জাংগিনি রামাও রি·না না·সংনি ফাগিৎচামরাংচাখো মান·গিবা নামগিজা বেওয়ালরাংওনি সোনা বা রূপা গিত্তা দাক্কে চা·ম্মে ব·ন্নাংগিবা মামুং জিনিসচা না·সংখো জক্কেৎজাজক;

পিতর 2:24

বিয়া চিসলনি সাক্কাও আন·থাংনি বে·এনো আনচিংনি পাপনি বোজাখো রিপ্পিএ রা·জক, জেদাক্কে আনচিং পাপনি দাবিরাংচা সিএ ইসলনি হা·সিকা গিত্তা রি·না ইন্নে থাংএ দংআ। বিনি বে·এননি মাত্তা না·সংখো নাম্মেতজক।

পিতর 3:18

খ্রীষ্টবা পাপনি গিম্মিনো রাং·সাসান সিয়ামিং। ইসলচা আনচিংখো রা·আংনা ইন্নে উয়া দোসগ্রি মান্দি পাপ দাকগিবারাংনি গিম্মিন, আগানস্খাওদে আনচিংনি গিম্মিন সিয়ামিং। বে·এনো বিখো দক্কে গাল্লামিং, ইন্দিবা গিসিকচা বিখো থাংচাএতামিং আরো বিয়া বন্দি দংগিবা গিসিকরাংচা রি·য়াংএ আগানফ্রাকামিং।

1 যোহন 2:9

জে মান্দি আগানা বিয়া সেং·আও দংআ ইন্দাকোবা বিনি জংআদাখো মিৎচিয়া বিয়া দা·আওবা আন্দালাওন দংখুআ।

ফারাকগিবা খাৎথা 5:9

বিসং ইয়া গিত্তাল গীতখো রিং·আমিং: “না·আন উয়া খি·তাপখো রা·এ উনি সীলমোহররাংখো এংনা খ্রাগিবা, মুয়ানা নাং·খো স·ওতে গাল্লা হং·জকমিং। না·আন নাং·নি হান·চিচা গিম্মিক মা·চং, খু·সুক, হা·সং আরো জাতরাংওনি মান্দিরাংখো ইসলনা ব্রিজক।