1 যোহন 2:8 - Garo New Testament

⁸ ইন্দিদে ইয়া জে গি·য়েতানি খাৎথাখো দা·আও আংআ না·সংচা চক্কিংআ উয়া গিৎচাম হং·ওবা গিত্তাল। ইয়া গি·য়েতানি বিবিখো যীশু খ্রীষ্টও আরো না·সংনি জাংগিও নিকনা মান·জক, মুয়ানা আন্দালা গিম্মাংজক আরো উয়া চং·মত সেং·আ দা·আও চিং·ইংআ।

1 যোহন 2:8 Iomraidhean Croise

মথিনি চকগিবা নাম্মা খাৎথা 4:16

জে মান্দিরাং আন্দালাও দংআ, বিসং সেং·বিয়াখো নিকনা মা·ন্নুয়া। জেরাং নাম্মেন আন্দালানি হা·সংও দংআ, বিসংচা সেং·আ ফারাকনুয়া।

লূকনি চকগিবা নাম্মা খাৎথা 1:79

জেদাক্কে আন্দালাও আরো সিয়ানি সালাখিমও জেরাং আসংএ দংআ বিসংনা সেং·আখো হ·ন্না মা·ন্না, আরো থম·থমানি রামাও আনচিংখো রি·দিলনা মা·ন্না।”

যোহননা 1:9

জেআন মান্দি দিমদাকনা সেং·আখো হ·ন্না, উয়ান চং·মতগিবা সেং·আ, বিয়া হা·গিলসাকো রি·বামিং।

যোহননা 12:35

যীশু বিসংনা আগানজক, “অকখিসা মাংমাংনা সেং·আ না·সংমুং দংআ। সেং·আ না·সংমুং দংমিত্তিংওন রি·সোবো জেদাক্কে আন্দালা না·সংমুং হামজা। আন্দালাও রি·গিবা বাওনা রি·য়াংআ উখো হা·আইজা।

যোহননা 12:46

আংআ ইয়া হা·গিলসাকো সেং·আ হং·এ রি·বাজক জেদাক্কে আংখো বিবিরা·গিবা আন্দালাও দংজা।

যোহননা 13:34

মিংসা গিত্তাল গি·য়েতাখো আংআ না·সংনা হ·ন্নিংজক- না·সং সাকসা সাকগিপ্পিননা খা·সাগ্রিকবো। আংআ জেদাক্কে না·সংনা খা·সামিং উয়ানদাক্কেন না·সংবা সাকসা সাকগিপ্পিননা খা·সাগ্রিকবো।

যোহননা 8:12

জা·মানো যীশু দা·আবা মান্দিরাংনা আগানফিলজক, “আংআন হা·গিলসাকনি সেং·আ। আংনি রামাওনা রি·গিবাদে মামুং দাক্কেবা আন্দালাও রি·জানুয়া, ইন্দিবা জাংগিনি সেং·আখো মা·ন্নুয়া।”

ওয়াত্তেতারাংনা 17:30

চেংও মান্দিরাং হা·আইজামিং ইন্নে ইসল ইরাংখো নিক্কেবা নিকজা। ইন্দিবা দা·আওদে বিয়া গিম্মিক হা·দামচা মান্দি গিম্মিকখো পাপওনি গিসিক ফিল·খানা গি·য়েতিংজক,

রোমানরাংনা 13:12

ওয়াল ব·ন্না হা·ম্মিংজক, সেং·না হাম·বাংজক; ইনি গান্দা হাই, আনচিং আন্দালানি কামখো গাল্লে সেং·আনি জাকরিমরারাংখো রা·না।

2য় করিন্থীয়রাংনা 8:9

না·সংদে আনচিংনি গিত্তেল যীশু খ্রীষ্টনি খা·সাচাক্কে হ·ন্নানিখো হা·আইয়া, বিয়া আন·থাং নকমা হং·এবা না·সংনা দিলজক, জেদাক্কে বিনি দিল্লাচা না·সং নকমা চানা মা·ন্না।

ইফিষীয়রাংনা 5:8

মুয়ানা স্খাংও না·সং আন্দালাও দংওবা দা·আওদে গিত্তেলমুং নাংরিমে সেং·আওনা রি·বাজক। সেং·আও চু·সকগিবা মান্দিনি জেগিত্তা রি·না নাংআ না·সং উগিত্তা রি·বো,

2 তীমথিয় 1:10

ইন্দিবা দা·আও আনচিংখো জক্কেৎগিবা খ্রীষ্ট যীশুনি ইয়া হা·গিলসাকো রি·বাচা বিয়া উয়া খা·সাচাক্কাখো ফারাকজক। খ্রীষ্ট সিয়াখো ব·ন্নেতজক আরো নাম্মা খাৎথাচা ব·ন্নাগ্রি জাংগিনি খাৎথাখো ফারাকজক।

পিতর 1:21

ইসল বিখো সিয়াওনি থাংচাএতি রাসংখো রন·জক আরো বিওন না·সং ইসলখো বিবিরা·জক; আরো উনি গিম্মিনান না·সংনি বিবিরা·আ আরো খা·দংআ ইসলনি সাক্কাওন দংআ।

1 যোহন 3:23

বিনি গি·য়েতা ইয়ান-আনচিং জেদাক্কে বিনি দেফান্থি যীশু খ্রীষ্টখো বিবিরা·আ আরো সাকসা সাকগিপ্পিননা খা·সাআ। ইয়া গি·য়েতাখোন বিয়া আনচিংনা হন·জক।

1 যোহন 4:11

খা·সাগিবা বি·সারাং, ইসল ইন্দাকে আনচিংনা খা·সাজক ইন্নে আনচিংনিবা সাকসা সাকগিপ্পিনখো খা·সানা নাংআ।

1 যোহন 4:21

আনচিং বিচানিখো ইন্দাকা গি·য়েতাখো মান·জক, ইসলখো জেরাং খা·সা বিসং জেদাক্কে জংআদানাবা খা·সা।