1 যোহন 2:5 - Garo New Testament

^5-6 ইন্দিবা জেআন বিনি খাৎথাখো মানিয়া বিও ইসলনি খা·সা বিবিন চু·সকজক। সাবা আগানোদে বিয়া খ্রীষ্টও দংআ ইন্দিদে খ্রীষ্ট জেগিত্তা রি·য়ামিং উগিত্তা বিয়াবা রি·না নাংআ। ইচান আনচিং হা·আইনা মা·ন্না, আনচিং বিমুং নাংরিমে দংআ।

1 যোহন 2:5 Iomraidhean Croise

লূকনি চকগিবা নাম্মা খাৎথা 11:28

ইন্দিবা যীশু আগানজক, “ইনাবাত্তে ইসলনি খাৎথাখো খিন্নাগিবা আরো উগিত্তা কাম দাকগিবারাংআন ফাত্তিয়াখো মান·গিবা হং·আ।”

যোহননা 14:21

আংনি গি·য়েতারাংখো হা·আইগিবা আরো মানিগিবান আংনা খা·সাআ। জে আংনা খা·সাআ আপফাবান বিনা খা·সানুয়া। আংআবা বিনা খা·সানুয়া আরো বিচা আন·থাংখো ফারাকনুয়া।”

যোহননা 14:23

যীশু বিনা আগানচাকজক, “সাবা আংনা খা·সাওদে বিয়া আংনি খাৎথাখো মানিনুয়া। আপফা বিনা খা·সানুয়া আরো চিংআ বিচা রি·বানুয়া আরো বিমুং দংনুয়া।

যোহননা 15:5

“আংআন আংগুর বিফাং, আরো না·সং উনি ডালারাং হং·আ। সাবা আংও দংখামোদে আরো আংআ বিও দংখামোদে ইন্দিদে বিনি জাংগিও বিথি বাং·বাত্তে নাংআ, মুয়ানা আংনা আগ্রে না·সং মামুংখোবা দাকনা মান·জা।

যোহননা 6:56

আংনি বে·এনখো আরো হান·চিখো চা·গিবা আংওন দংআ আরো আংআবা বিও দংআ।

রোমানরাংনা 8:1

জেরাং খ্রীষ্ট যীশুমুং নাংরিমজক বিসংখো ইসল শাস্তি মা·ন্না খ্রা ইন্নে চানচিজানুয়া।

1ম করিন্থীয়রাংনা 1:30

খ্রীষ্ট যীশুমুং না·সং নাংরিমজক ইয়াদে ইসলওনিন হং·জক। যীশু খ্রীষ্টন আনচিংনা ইসলনি হন·গিবা হা·আইয়া; বিয়ান আনচিংনি খাকখেৎগিবা, রংথালানি আরো জক্কেতানি হং·আ।

2য় করিন্থীয়রাংনা 5:17

সাবা খ্রীষ্টমুং নাংরিমে দংওদে বিয়া গিত্তাল দাক্কে আৎচিজক। বিনি গিৎচাম গিম্মিক মুচ্চিয়ে গিম্মিক গিত্তাল হং·জক।

2য় করিন্থীয়রাংনা 5:21

যীশু খ্রীষ্টও মামুং পাপ দংজামিং; ইন্দিবা ইসল আনচিংনি পাপখো বিনি সাক্কাও হ·ন্নে বিখোন পাপনি হা·দামও চাদেংএতজক, জেদাক্কে খ্রীষ্টমুং নাংরিমে দংআনি হা·সেল ইসলনি রংথালা আনচিংনি রংথালা হং·আ।

যাকোব 2:22

না·আদে নিকনান মা·ন্নিংআ, বিনি বিবিরা·আমুং কামবা আপসান দংফা আরো বিনি কামআন বিনি বিবিরা·আখো চু·সকেতামিং।

1 যোহন 3:24

বিনি গি·য়েতাখো জেআন মানিয়া বিয়া বিও দংআ আরো বিয়াবা বিমুং দংআ। জে গিসিক রংথালগিবাখো বিয়া আনচিংনা হন·জক উয়া গিসিক রংথালগিবাচা আনচিং হা·আইনা মা·ন্না, বিয়া আনচিংনি খা·থংও দংআ।

1 যোহন 4:17

ইন্দাকেন খা·সা আনচিংনি খা·থংও চু·সকা, জেদাক্কে বিচালনি সালো আনচিং খা·সোকা, মুয়ানা ইয়া হা·গিলসাকো আনচিংনি জাংগি বিনিন জাংগি গিত্তা হং·আ।

1 যোহন 4:18

ইয়া খা·সাও খেন্না দংজা, বাত্তেসা চু·সকগিবা খা·সা খেন্নাখো হা·রিকেতা, মুয়ানা খেন্নামুং শাস্তিনি চানচিয়া দংফাআ। জেআন খেন্না বিয়া খা·সাও চু·সকাখো মান·খুজা।

1 যোহন 5:2

আনচিং ইসলনা খা·সা আরো বিনি গি·য়েতাখো মানিয়া ইন্নে ইখো হা·আইয়া, ইসলনি বি·সারাংনাবা আনচিং খা·সা।

1 যোহন 5:20

আনচিং আরোবা হা·আইয়া, ইসলনি দেফান্থি রি·বাএ আনচিংনা হা·আইয়ানি বিলখো হন·জক জেদাক্কে বিবিগিবা ইসলখো আনচিং হা·আইনা মা·ন্না। জেআন বিবিগিবা ইসল আনচিং বিমুং নাংরিমা, আগানস্খাওদে বিনি দেফান্থি যীশু খ্রীষ্টমুং নাংরিমা। বিয়ান চং·মতগিবা ইসল আরো বিয়ান ফাংনাজলনি জাংগি।

2 যোহন 1:6

খা·সা হং·জক ইসলনি গি·য়েতা গিত্তা রি·য়া। না·সং স্খাংওনিন জে গি·য়েতানি খাৎথাখো খিন্নাএ রি·বাংজক উগিত্তান না·সং খা·সানি রামাও রি·বো।

ফারাকগিবা খাৎথা 12:17

উনো উয়া চিপ্পু মিচিকখো নাম্মেন খা·আওনাংজক; আরো উয়া মিচিকনি দংখুগিবা মান্দিরাং, আগানস্খাওদে জেরাং ইসলনি গি·য়েতাখো মানিয়া আরো যীশুনি স্খিয়াখো রি·ম্মে রা·রিকা বিসংনি সাক্কাও বিয়া দাকগ্রিকনা রি·য়াংজক আরো সাগালনি রিক্কামো চাদেংএ দংজক।

ফারাকগিবা খাৎথা 14:12

জেরাং ইসলনি গি·য়েতাখো মানিয়া আরো যীশুও বিবিরা·গিবা হং·এ দংআ ইসলনি উয়া মান্দিরাংনি ইন্দাকা অবস্থাও চাকচিকা দংনা নাংআ।