1 যোহন 2:14 - Garo New Testament

¹⁴ বি·সারাং, আংআ না·সংচা চকজক, মুয়ানা না·সং ফাগিবা ইসলখো হা·আইয়া। ফাগিবারাং, আংআ না·সংচা চকজক, মুয়ানা উয়া স্খাংওনিন জেআন দংআ না·সং বিখো হা·আইজক। ফান্থিরাং, আংআ না·সংচা চকজক, মুয়ানা না·সং বিল্লাকগিবা হং·আ আরো ইসলনি খাৎথা না·সংনি খা·থংও দংআ, আরো না·সং শয়তাননি সাক্কাও হামজক।

1 যোহন 2:14 Iomraidhean Croise

1 যোহন 2:13

ফাগিবারাং, উয়া স্খাংওনিন জেআন দংআ না·সং বিখো হা·আইজক ইন্নেন না·সংচা চক্কিংজক। ফান্থিরাং, শয়তাননি সাক্কাও না·সং হামজক ইন্নেন না·সংচা চক্কিংজক।

কলসীয়রাংনা 3:16

খ্রীষ্টনি খাৎথাখো না·সংনি খা·থংও চু·গিম্মিক দাক্কে দংনা হন·বো। ইসলনি হন·গিবা হা·আইয়াচা সাকসা দা·আও সাকসানা স্খিবো আরো নাম্মাখো আগানবো আরো খা·থংও মিৎথেলে ইসলনা মিংএ গীতরাংনি গীতখো আরো গিসিকনি আরো মিৎথেলানি গীতখো রিং·বো।

যোহননা 15:7

না·সং আংও দংখামোদে আরো আংনি খাৎথারাং না·সংনি খা·থংও দংখামোদে না·সংনি হা·সিকা গিত্তান বি·বো; না·সংনি গিম্মিন উখো দাকনুয়া।

ইফিষীয়রাংনা 6:10

বন·চতাও আগান্না, গিত্তেলমুং নাংরিমে বিনিন রন·গিবা বিলও বিল্লাকগিবা হং·বো।

যোহননা 8:31

বিখো বিবিরা·গিবা যিহূদীরাংনা যীশু আগানজক, “না·সং আংনি আগানা গিত্তা রি·ওদে না·সং বিবিন আংখো জা·রিকগিবা হং·আ।

যোহননা 5:38

ইনাআগ্রেবা বিনি খাৎথা না·সংনি খা·থংও দংখামজা, মুয়ানা বিয়া জেখো ওয়াত্তেতজক বিখো না·সং বিবিরা·জা।

ফারাকগিবা খাৎথা 2:7

জেনি খিন্নানা নাচিল দংআ বিয়া খিন্নাখানা, গিসিক রংথালগিবা মন্ডলীরাংনা মুয়াখো আগানিংআ। জেআন হামনুয়া বিনা আংআ ইসলনি সংনকনি বলজাংগিনি বিথিখো চা·না হ·ন্নুয়া।

3 যোহন 1:3

আংআ নাম্মেন খুসি হং·জক জে সময়ও মিত্তাম বিবিরা·গিবা জংআদারাং রি·বাএ নাং·নি বিদিংও ইন্দাকে সাক্ষি হন·জক, ইসলনি বিবিনা না·আ বিবিরা·না খ্রাগিবা হং·আ আরো উগিত্তান রি·ইংজক।

2 যোহন 1:2

জে বিবি আনচিংনি খা·থংও দংআ আরো ফাংনাজলনা আনচিংমুং দংনুয়া উয়া বিবিনি গিম্মিনান চিংআ না·সংনা খা·সা।

ইব্রীয়রাংনা 8:10

গিত্তেল আরোবা আগানা, “জা·মানো আংআ ইস্রায়েলরাংনা জে খু·রাচাক্কাখো হ·ন্নুয়া উয়া হং·জক, আংনি নিয়ামখো আংআ বিসংনি গিসিকো দন্নুয়া আরো বিসংনি খা·থংওবা উখো চক্কে দন্নুয়া। আংআ বিসংনি ইসল হং·নুয়া আরো বিসং আংনিন মান্দি হং·নুয়া।

কলসীয়রাংনা 1:11

ইন্দাকে হং·না মা·ন্না, মুয়ানা ইসল বিনি বিল গিম্মিকচা না·সংখো বিল্লাকেতিংজক জেদাক্কে সালাজ্রিং না·সং হান·সেংএ চাকচিকে গিম্মিকখো চাক্কা আরো ফাগিবা ইসলখো মিৎথেলা। সেং·আনি সংনকো ইসলনি মান্দিরাং জে বিলখো মা·ন্নুয়া উখো মান·রিকনা বিয়া না·সংখো খ্রাগিবা দাকজক,

2 তীমথিয় 2:1

আংনি বি·সা, খ্রীষ্ট যীশুনি খা·সাচাক্কাও না·আ বিল্লাকবো।

ফিলিপীয়রাংনা 4:13

জেআন আংনা বিলখো র·ন্না বিচান আংআ গিম্মিকখো দাকনা মা·ন্না।

ফারাকগিবা খাৎথা 2:3

নাং·নি চাকচিকা দংআ আরো না·আ আংনা নাম্মেন দুক চাকজক, নম·বকে গা·আকজাজক।

1 যোহন 1:10

আনচিং পাপ দাকজা ইখো আগানোদে বিখো বু·এ চা·গিবা ইন্নে আগানানি হং·আ, আরো বিনি খাৎথা আনচিংনি খা·থংও দংজা।

যোহননা 8:37

আংআ হা·আইয়া না·সং অব্রাহামনি মা·চংনি মান্দি, ইন্দিবা না·সং আংখো স·ওতে গালনা হা·ম্মিংজক, মুয়ানা আংনি আগানাদে না·সংনি খা·থংও মামুং দাক্কেবা হা·দাম মান·জা।

1 যোহন 1:1

স্খাংওনিন জেআন দংআমিং, জেনি খু·সুকনি খাৎথাখো চিংআ খিন্নাজক, জেখো মিক্রোনথাংচা নিকজক, জেখো নাম্মেদাক্কে নিজক, জেখো জাকথাংচা দাংথাপজক, ইনো উয়া থাংগিবা খাৎথাখোন চক্কিংজক।