1 যোহন 2:11 - Garo New Testament

¹¹ ইন্দিবা জেআন বিনি জংআদানা মিৎচিয়া বিয়া আন্দালাও দংআ আরো আন্দালাওন রি·ইংজক। বিয়া হা·আইজা বিয়া বাচ্চা রি·য়াংইংআ, মুয়ানা আন্দালা বিনি মিক্রোনখো মিকগ্রি দাক্কেতজক।

1 যোহন 2:11 Iomraidhean Croise

যোহননা 12:35

যীশু বিসংনা আগানজক, “অকখিসা মাংমাংনা সেং·আ না·সংমুং দংআ। সেং·আ না·সংমুং দংমিত্তিংওন রি·সোবো জেদাক্কে আন্দালা না·সংমুং হামজা। আন্দালাও রি·গিবা বাওনা রি·য়াংআ উখো হা·আইজা।

যোহননা 12:40

“ইসল বিসংনি মিক্রোনরাংখো মিকগ্রি দাক্কেতজক আরো খা·থংরাংখো গক্কা দাক্কেতজক, জেদাক্কে বিসং মিক্রোনচা নিকজা আরো খা·থংচা হা·আইজা, আরো নামনা ইন্নে বিচানা রি·বাফিলজা।”

2য় করিন্থীয়রাংনা 3:14

ইন্দিবা উয়া মান্দিরাংনি গিসিক রাকজকমিং। উনি গিম্মিন দা·আওবা উয়া গিৎচাম খু·রাচাক্কাখো পড়িজোকনো বিসংনি খা·থংনি সাক্কাও উয়ানদাকগিবা পর্দা দংআরিয়ান, মুয়ানা খ্রীষ্টমুং নাংরিমে দংওসান উয়া পর্দা জিত্তাংআ।

2য় করিন্থীয়রাংনা 4:4

বিবিরা·গিজাগিবা মান্দিরাংনি গিসিকখো ইয়া চাসংনি মিত্তে মিকগ্রি দাক্কে দনজক জেদাক্কে বিসং নাম্মা খাৎথানি সেং·আখো নিকনা মান·জা। ইয়া নাম্মা খাৎথাও খ্রীষ্টনি রাসং ফারাকজক, আরো ইয়া খ্রীষ্টন ইসল চাচা দাক্কা।

তীতনা 3:3

চিংআবা স্খাংদে গিসিক সেং·আগ্রি আরো বামগিজাগিবা হং·আমিং, ব্রাংগিবা রামাও রি·নুয়ামিং, আরো নাম্মাখো চাকনুয়ামিং আরো বাং·আ হা·সিকারাংনি নকখল দংআমিং। চিংআ গিপ্পিনরাংখো মিকনেংনুয়ামিং নাংএগিজা সক্কেগিজা আরো নামগিজাখো দাকনা চানচিয়ে জাংগি মিৎথাংনুয়ামিং। আন·থাংসং মিৎচিনা খ্রাগিবা হং·ওবা চিংআ সাকসা সাকগিপ্পিনখো মিৎচিনুয়ামিং।

২ পিতর 1:9

জে মান্দিনি নিং·আও ইয়া গুণরাং দংজা বিয়া বাং·এ চে·ল্লে নিকনা মান·জা, বিয়া মিকগ্রি। বিখো বিনি স্খাংনি পাপওনি রংথালেতজক উখো বিয়া গুয়ালজক।

1 যোহন 1:6

আনচিং ইন্দাকে আগানোদে, ইসলমুং আরো চিংমুং নাংরিমা দংআ ইন্দাকোবা আন্দালাও রি·ওদে ইন্দিদে আনচিং বু·আখো আগানিংজক, বিবিনি রামাও রি·জাংজক।

1 যোহন 2:10

জেআন বিনি জংআদানা খা·সা বিয়া সেং·আও দংআ আরো বিনি ইয়ো জা·গিদত্তানি মামুং হা·সেল দংজা।

1 যোহন 2:9

জে মান্দি আগানা বিয়া সেং·আও দংআ ইন্দাকোবা বিনি জংআদাখো মিৎচিয়া বিয়া দা·আওবা আন্দালাওন দংখুআ।

1 যোহন 3:15

জংআদানা জেআন মিৎচিয়া বিয়া স·ওতগিবা হং·আ। সাকসা স·ওতগিবানি ফাংনাজলনি জাংগি দংজা, উখো না·সং হা·আইয়ান।

1 যোহন 4:20

জেআন আগানা বিয়া ইসলনা খা·সা ইন্দাকোবা বিনি জংআদাখো মিৎচিয়া বিয়া বু·এ চা·গিবা, মুয়ানা মিক্রোনও নিক্কা জংআদানা জেআন খা·সাজা বিয়া নিকগিজা ইসলনা বাদিকে দাক্কে খা·সানা মা·ন্না?

ফারাকগিবা খাৎথা 3:17

না·আ আগানিংআ, ‘আংআ নকমা; আংআ নকমা হং·জক, উনি গিম্মিন আংআ মামুংনান দিলজা।’ দে নাম্মান, ইন্দিবা না·আদে হা·আইজা, না·আ দুক মান·গিবা, খা·সাচাক্কানি মান্দি, দিল্লা, মিকগ্রি আরো খমলং হং·আ।