1 যোহন 1:4 - Garo New Testament

⁴ চিংনি হান·সেংআ জেদাক্কে চু·গিম্মিক হং·আ উনি গিম্মিনান চিংআ ইরাংখো চক্কিংআ।

1 যোহন 1:4 Iomraidhean Croise

যোহননা 15:11

“ইয়া খাৎথারাংখো আংআ না·সংনা আগানজক জেদাক্কে আংনি হান·সেংআ না·সংনি খা·থংও দংখামা আরো না·সংনি হান·সেংআ চু·সকা।

যোহননা 16:24

দা·আওনা দিপ্পাৎ না·সং আংচা মামুংখোবা বি·খুজা। বি·বো, না·সং মা·ন্নুয়া জেদাক্কোদে না·সংনি হান·সেংআ চু·সকা।

যোহননা 3:29

জেনি জাক্কো নামচিকখো হন·জক, উয়ান চাওয়ারি হং·আ। চাওয়ারিনি রিপ্পেং চাদেংএ চাওয়ারিনি খাৎথাখো খিন্নাআ আরো বিনি খু·রাংখো খিন্নাএ খুসি হং·বিয়া। উয়ানদাক্কেন আংনি হান·সেংআবা দা·আল চু·সকজক।

2য় করিন্থীয়রাংনা 1:24

নকগিবা গিত্তা হং·এ চিংআ না·সংনি বিবিরা·আও জাক হ·ন্নিংআ ইন্দাকেদে হং·জা, বাত্তেসা না·সং জেদাক্কে হান·সেংআখো মা·ন্না উনি গিম্মিনান না·সংমুং কাম দাক্কিংআ, মুয়ানা বিবিরা·আও না·সং রাক্কে চাদেংএ দংআ।

ইফিষীয়রাংনা 3:19

খ্রীষ্টনি উয়া খা·সাখো বুদ্ধিচা হা·আইনা মান·জা; ইন্দাকোবা আংআ বি·না জেদাক্কে না·সং উয়া খা·সাখো হা·আইনা মা·ন্না, জেদাক্কে ইসলনি গিম্মিক চু·সকাও না·সং চু·সকগিবা হং·আ।

1 যোহন 2:1

আংনি খা·সাগিবা বি·সারাং, না·সং জেদাক্কে পাপ দাকজা উনি গিম্মিনান আংআ না·সংচা ইয়া খাৎথারাংখো চক্কিংআ। সাবা পাপ দাক্কেন দংওদে ফাগিবাচা আনচিংনা চাক্কে খাৎথা আগানানি সাকসা দংআ; বিয়া যীশু খ্রীষ্ট, জেআন দোসগ্রি হং·আ।

2 যোহন 1:12

না·সংচা আংনি বাং·আ খাৎথা চকনা দংআমিং ইন্দাকোবা লেকখা আরো কালিচা উখো চকনা হাম·জা। উনা বাত্তে আংআ না·সংচা রি·য়াংএ মিকখাংগ্রিক খু·সুক আগান্না খা·দংআ, জেদাক্কে আনচিংনি হান·সেংআ চু·সকা।