1 যোহন 1:3 - Garo New Testament

³ জেখো চিংআ নিকজক আরো জেনি খু·সুকনি খাৎথাখো চিংআ খিন্নাজক বিনি গিম্মিনোন না·সংনা আগানিংআ। চিংআ উখো আগানিংজক জেদাক্কে না·সংমুং আরো চিংমুং নাংরিমানি হং·আ। ইয়া নাংরিমা ফাগিবা আরো বিনি দেফান্থি যীশু খ্রীষ্ট আরো আনচিংনি গিসেপো হং·আ।

1 যোহন 1:3 Iomraidhean Croise

যোহননা 17:11

আংআদে ইয়া হা·গিলসাকো দংজাজক, ইন্দিবা বিসংদে ইয়া হা·গিলসাকোন দংআ; আরো আংআ নাং·চানা রি·বাংজক। রংথালগিবা আপফা, জে বিমুংখো না·আ আংনা হন·জক উয়া বিমুংও বিসংখো রাক্ষিবো, জেদাক্কে আনচিংনি আপসান হং·আ গিত্তা বিসংবা আপসান হং·না মা·ন্না।

যোহননা 17:21

আপফা, না·আ জেদাক্কে আংমুং দংফা আরো আংআ নাং·মুং দংফা উয়ানদাক্কেন বিসংবা আনচিংমুং দংফাখানা। উনোদে না·আন আংখো ওয়াত্তেতজক, ইন্নে হা·গিলসাকনি মান্দিরাং বিবিরা·না মা·ন্নুয়া।

যোহননা 17:25

খাকখেৎস্রাংগিবা আপফা, হা·গিলসাকনি মান্দিরাং নাং·খো হা·আইজা ইন্দিবা আংআ নাং·খো হা·আইয়া। আরো না·আন আংখো ওয়াত্তেতজক ইন্নে ইরাং হা·আইনা মান·জক।

যোহননা 17:3

নাং·খো, আগানস্খাওদে সাকসা মাংমাং বিবিগিবা ইসলখো আরো নাং·নি ওয়াত্তেতগিবা উয়া যীশু খ্রীষ্টখো হা·আইনা মা·ন্নান ফাংনাজলনি জাংগি হং·আ।

যোহননা 19:35

আন·থাংনি মিক্রোনও ইন্দাকারাংখো নিকগিবান সাক্ষি হ·ন্নে আগানজক, আরো বিনি সাক্ষি হ·ন্না বিবিন হং·আ। বিয়া হা·আইয়া, বিনি আগানারাং বিবি হং·আ জেদাক্কে না·সংবা বিবিরা·না মা·ন্না।

ওয়াত্তেতারাংনা 13:32

“চিংআ না·সংনা ইয়া নাম্মা খাৎথাখো আগানিংআ, আনচিংনি ফাগিৎচামরাংচা ইসল জেখো খু·রাচাক্কামিং,

ওয়াত্তেতারাংনা 13:41

না·সং ইসলখো চন্নিকগিবারাং, না·সং খিন্নাবো- না·সং আইয়াও ইনমানবো আরো সিবো; মুয়ানা না·সংনি চাসংওন আংআ ইন্দাকগিবাখো দাকনা রি·য়াংইংজক জেনি খাৎথাখো না·সং মামুং দাক্কেবা বিবিরা·জানুয়া, দারাং আগানোবা বিবিরা·জানুয়া।”

ওয়াত্তেতারাংনা 2:42

উয়া মান্দিরাং ওয়াত্তেতারাংনি স্খিয়াখো খিন্নানুয়ামিং, বিসংমুং আপসান হং·এ গিত্তেলনি মিয়াথামখো চা·নুয়ামিং আরো বি·এ সালখো রি·য়াংএতনুয়ামিং।

ওয়াত্তেতারাংনা 20:27

মুয়ানা ইসল মুয়াখো হা·ম্মা উখো না·সংনা হা·আইএতনা আংআ মামুং সালোবা ওয়ালফিল্লাংজাজক।

ওয়াত্তেতারাংনা 4:20

চিংআ জেখো নিকজক আরো খিন্নাজক উখো আগানগিজাদে দংনা মান·জা।”

রোমানরাংনা 15:27

ইয়া থাংখাখো বিসং খুসি হং·এন গিলজক। ইনাআগ্রেবা ইয়া মন্ডলীরাং যিরূশালেমনি ইসলনি মান্দিরাংচা গ্রোনাংগিবা হং·আ, মুয়ানা যিহূদীরাং বিসংনি গিসিকনি ফাত্তিয়ানি বাকখো গিপ্পিন জাতরাংনা হন·জক ইন্নে গিপ্পিন জাতরাংবা হা·গিলসাকনি নাংআরাংনি বিদিংও যিহূদীরাংনা দাকচাকনা নাংআ।

1ম করিন্থীয়রাংনা 1:30

খ্রীষ্ট যীশুমুং না·সং নাংরিমজক ইয়াদে ইসলওনিন হং·জক। যীশু খ্রীষ্টন আনচিংনা ইসলনি হন·গিবা হা·আইয়া; বিয়ান আনচিংনি খাকখেৎগিবা, রংথালানি আরো জক্কেতানি হং·আ।

1ম করিন্থীয়রাংনা 1:9

ইসল বিবিরা·না খ্রাগিবা হং·আ; বিয়ান না·সংখো রিক্কামজক জেদাক্কে বিনি দেফা আনচিংনি গিত্তেল যীশু খ্রীষ্টমুং না·সং নাংরিমে দংআ।

1ম করিন্থীয়রাংনা 15:1

জংআদারাং, জে নাম্মা খাৎথাখো আংআ না·সংচা আগানফ্রাকামিং, উয়া নাম্মা খাৎথাখো আংআ না·সংনা গিসিক রা·এতিংজক। না·সং উখো রা·চাকজক আরো উয়ো খেম·খেম দংজক।

2য় করিন্থীয়রাংনা 13:14

আনচিংনি গিত্তেল যীশু খ্রীষ্টনি খা·সাচাক্কা, ইসলনি খা·সা আরো গিসিক রংথালগিবানি নাংরিমা না·সং গিম্মিকমিং দংখানা।

ইফিষীয়রাংনা 3:6

উয়া নিং·থুয়া মিকসংআ হং·জক ইয়ান - নাম্মা খাৎথাচা গিপ্পিন জাতরাং খ্রীষ্ট যীশুমুং নাংরিমে যিহূদীরাংমুং আপসান চলখো মান·রিকগিবা হং·নুয়া, আপসান বে·এননি বাক হং·নুয়া, আরো আপসান খু·রাচাকগিবা ফাত্তিয়াখো মান·রিকগিবা হং·নুয়া।

ফিলিপীয়রাংনা 1:7

না·সং দিমদাকনা আংনি চানচিয়া ইন্দাকে হং·আন খ্রাআ, মুয়ানা না·সং আংনি খা·সাগিবা হং·আ। আংআ জেলো দংনা বা নাম্মা খাৎথানা চাক্কে চাদেংএ উনি বিবিখো ফিন্নিকনা, উনি হা·সেল না·সং দিমদাকান আংমুং ইসলনি খা·সাচাক্কাখো মান·রিকফাগিবা হং·আ।

ফিলিপীয়রাংনা 2:1

ইন্দাকোদে খ্রীষ্টমুং নাংরিমানি গিম্মিন খা·দংএতাখো মা·ন্নোদে, খ্রীষ্টনি খা·সানি গিম্মিন খা·নাম্মেতাখো মা·ন্নোদে, গিসিক রংথালগিবা আরো না·সংনি গিসেপো নাংরিমা দংওদে, না·সংনি খা·থংও খা·সাচাক্কা দংওদে,

ফিলিপীয়রাংনা 3:10

আংআ খ্রীষ্টখো হা·আইনা হা·ম্মা আরো জে বিলচা সিয়াওনি বিখো থাংচাএতামিং উয়া বিলখো হা·আইনা হা·ম্মা। আংআ বিনি দুকরাংখো মান·ফানা হা·ম্মা। জে গিসিকখো রা·এ বিয়া সিয়ামিং আংআবা উয়া গিসিকখো মা·ন্না হা·ম্মা।

কলসীয়রাংনা 1:13

মুয়ানা বিয়া আন্দালানি সংনকওনি আনচিংখো জক্কেতি বিনি খা·সাগিবা দেফান্থিনি সংনকো রা·বাজক।

1 থিষলনীকী 1:10

আরো সালগিওনি বিনি দেফান্থিনি রি·বানি গিম্মিন সেংসোনা মা·ন্না। উয়া দেফান্থিন হং·জক যীশু, জেখো বিয়া সিয়াওনি থাংচাএতামিং। ইসলনি জে শাস্তি রি·বাংজক উয়া শাস্তিওনি ইয়া যীশুন আনচিংখো জক্কেৎনুয়া।

1 তীমথিয় 6:2

জে নকখল খ্রীষ্টও বিবিরা·গিবা নকগিবানি নিং·আও দংআ বিয়া জেদাক্কে বিবিরা·গিবা জংআদা ইন্নেন উয়া নকগিবাখো চন্নিকজা বাত্তেসা আরোবা নাম্মেদাক্কে বিনা দাকচাকে হ·ন্না, মুয়ানা বিনি দাকচাকে হ·ন্নাও জেআন দাকচাকাখো মা·ন্নিংআ বিয়াদে বিবিরা·গিবা হং·আ আরো বিনি খা·সাগিবা হং·আ। ইরাংনি গিম্মিনো স্খিয়েতবো আরো নাম্মাখো আগানবো।

ইব্রীয়রাংনা 2:12

রংথালগিবা শাস্ত্রও বিয়া ইসলনা আগানা, “জংআদারাংচা আংআ নাং·নি বিদিংও আগানফ্রাকনুয়া আরো মন্ডলীও নাং·খো মিৎথেলে গিত রিং·নুয়া।”

ইব্রীয়রাংনা 3:1

উনি গিম্মিন রংথালগিবা জংআদারাং, না·সং জেরাং সালগিখো মান·রিকগিবা হং·না ইন্নে বিনি রিক্কামাও খু·চাকজক, না·সং যীশুনি গিম্মিনো গিসিক নাংবো। জেখো আনচিং বিবিরা·জক বিয়ান ইসলনি ওয়াত্তেতগিবা উয়া মান্দি আরো উয়া খামাল দাল·বাৎগিবা হং·আ।

ইব্রীয়রাংনা 3:14

মুয়ানা স্খাং জে খাকখেৎ খা·দংআ আনচিংনি দংআমিং, আনচিং উয়ো বন·খামাওনা দিপ্পাৎ খেম·খেমে দংওদে নিকনা মা·ন্নুয়া, আনচিং খ্রীষ্টমুং মান·রিকফাগিবা হং·জক।

পিতর 5:1

আংআ খ্রীষ্টনি দুক চাক্কানি সাক্ষি আরো খ্রীষ্টনি জে রাসং ফারাকনুয়া উখো মান·ফাগিবা হং·আ। উনি গিম্মিন না·সংনি গিসেপো জেরাং মন্ডলীনি দা·ল্লা-রাক্কা হং·আ বিসংনা আংআ দা·আও সাকসা দাল·গিবা গিত্তা ইখো স্খিয়েতিংজক-

২ পিতর 1:16

আনচিংনি গিত্তেল যীশু খ্রীষ্টনি বিল আরো বিনি রি·বাখো না·সংচা আগান্না রি·য়াংএ চিংআ মামুং বানাইগিবা গল্পখো আগানজা; চিংআ বিনি রাসংখো আন·থাংনি মিক্রোনোন নিকজক।

1 যোহন 1:1

স্খাংওনিন জেআন দংআমিং, জেনি খু·সুকনি খাৎথাখো চিংআ খিন্নাজক, জেখো মিক্রোনথাংচা নিকজক, জেখো নাম্মেদাক্কে নিজক, জেখো জাকথাংচা দাংথাপজক, ইনো উয়া থাংগিবা খাৎথাখোন চক্কিংজক।

1 যোহন 1:5

জে খাৎথাখো চিংআ যীশু খ্রীষ্টচাখো খিন্নাএ না·সংনা আগানিংআ উয়া ইয়ান-ইসল সেং·আ; বিও আন্দালানি মামুংআন দংজা।

1 যোহন 1:7

ইন্দিবা ইসল জেদাক্কে সেং·আও দংআ আনচিংবা উয়ানদাক্কে সেং·আও রি·ওদে আনচিংনি গিসেপো নাংরিমা দংআ আরো বিনি দেফান্থি যীশুনি হান·চি গিম্মিক পাপওনি আনচিংখো রংথালেতা।