1 যোহন 1:2 - Garo New Testament

² উয়া জাংগি ফারাকামিং। চিংআ বিখো নিকজক আরো বিনি গিম্মিনো সাক্ষি হ·ন্নিংজক। জেআন ফাগিবাচা দংআমিং আরো চিংচা ফারাকামিং উয়া ফাংনাজলনি জাংগিনি খাৎথাখোন না·সংনা আগানিংজক।

1 যোহন 1:2 Iomraidhean Croise

যোহননা 1:18

দারাংবা ইসলখো মামুং সালোবা নিকখুজা। বিমুং দংফাগিবা উয়া সাকসা খাম·খাম দেফান্থি, জে আন·থাংআন ইসল হং·আ, বিয়ান বিখো ফারাকজক।

যোহননা 1:4

বিচা জাংগি দংআমিং আরো উয়া জাংগিন মান্দিরাংনা সেং·আ হং·আমিং।

যোহননা 10:28

আংআ উরাংনা ফাংনাজলনি জাংগিখো হ·ন্না। উরাং মামুং দাক্কেবা নাসিজানুয়া আরো দারাংবা আংনি জাকনিখো উরাংখো রা·সেকে রা·জানুয়া।

যোহননা 14:6

যীশু থোমানা আগানজক, “আংআন রামা, বিবি আরো জাংগি। আংগিত্তা রি·য়াংজাওদে দারাংবা আপফাওনা রি·য়াংনা মান·জা।

যোহননা 15:27

আরো না·সংবা আংনি গিম্মিন সাক্ষি হ·ন্নুয়া, মুয়ানা হা·বাচেংওনিন না·সং আংমুং দংআ।

যোহননা 16:28

বিবিন আংআ ফাগিবাওনি ইয়া হা·গিলসাকো রি·বাজক, দা·আবা আংআ ইয়া হা·গিলসাকখো ওয়াত্তে ফাগিবাচান রি·য়াংইংজক।”

যোহননা 17:3

নাং·খো, আগানস্খাওদে সাকসা মাংমাং বিবিগিবা ইসলখো আরো নাং·নি ওয়াত্তেতগিবা উয়া যীশু খ্রীষ্টখো হা·আইনা মা·ন্নান ফাংনাজলনি জাংগি হং·আ।

যোহননা 17:5

আপফা, হা·গিলসাক হং·বানা স্খাং নাং·মুং আংআ জে রাসংও দংআমিং উয়া রাসংখো না·আ দা·আবা আংনা হন·বো।

যোহননা 19:35

আন·থাংনি মিক্রোনও ইন্দাকারাংখো নিকগিবান সাক্ষি হ·ন্নে আগানজক, আরো বিনি সাক্ষি হ·ন্না বিবিন হং·আ। বিয়া হা·আইয়া, বিনি আগানারাং বিবি হং·আ জেদাক্কে না·সংবা বিবিরা·না মা·ন্না।

যোহননা 21:14

সিয়াওনি চাখাতানি জা·মানো যীশু রাং·গিত্থাম জা·রিকগিবারাংনা মিকখাং ফা·জক।

যোহননা 3:13

“সালগিও দংগিবা আরো সালগিওনি হং·ওনবাগিবা উয়া মান্দিনি দেফান্থিনা আগ্রে দারাংবা সালগিও গাদোখুজা।

যোহননা 7:29

বিখো না·সং হা·আইজা ইন্দিবা আংআ হা·আইয়া, মুয়ানা আংআ বিওনিন রি·বাআ আরো বিয়ান আংখো ওয়াত্তেতা।”

যোহননা 8:38

আংআ আংনি ফাগিবাওনা জেখো নিকজক উখোন আগানা, আরো না·সং না·সংনি ফাচা জেখো খিন্নাজক উখোন দাক্কা।”

ওয়াত্তেতারাংনা 10:41

বিখো গিম্মিকদে নিকনা মান·জা, ইন্দিবা ইসল জে সাক্ষিরাংখো স্খাংও বাচ্ছিয়ে দন্নামিং বিসংসান বিখো নিকনা মা·ন্নামিং, আগানস্খাওদে বিয়া সিয়াওনি চাখাতফিল্লানি জা·মানো চিংআ জেরাং বিমুং চা·রিমা-রিংরিমা চিংআসান বিখো নিকনা মান·জক।

ওয়াত্তেতারাংনা 2:32

ইসল উয়া যীশুখোন থাংচাএতজক, আরো আনচিং দিমদাকান বিনি সাক্ষি হং·আ।

ওয়াত্তেতারাংনা 3:15

জাংগি জক্কেৎগিবাখোন না·সং স·ওতে গাল্লামিং, ইন্দিবা ইসল সিয়াওনি বিখো থাংচাএতজক; আরো চিংআ বিনি সাক্ষি হং·আ।

ওয়াত্তেতারাংনা 5:32

চিংআ ইরাংনি সাক্ষি হং·আ আরো জেরাং ইসলখো মানিয়া, ইসল বিসংনা জে গিসিক রংথালগিবাখো হ·ন্না উয়া গিসিক রংথালগিবাবা উনি সাক্ষি হং·আ।”

রোমানরাংনা 8:3

মান্দিনি পাপ-বেওয়ালনি হা·সেল নিয়াম বিলগ্রি হং·জকমিং, আরো উনি গিম্মিন নিয়াম জেখো দাকনা মান·জাজক ইসল আন·থাং উখো দাকজক। পাপখো হা·রিকেতনা বিয়া আন·থাংনি দোসগ্রি দেফান্থিখো মান্দিনি গিসিকখো হ·ন্নে ওয়াত্তেতজক আরো বিনি দেফান্থিনি সিয়াও পাপখো বিচাল দাক্কে উনি বিলখো হা·রিকজক।

গালাতীয়রাংনা 4:4

ইন্দিবা সাল চু·সকানি জা·মানো ইসল বিনি দেফান্থিখো ওয়াত্তেতজক। উয়া দেফান্থি মিচিকনি অকো আৎচিজক আরো নিয়ামনি নিং·আও জাংগি মিৎথাংজক,

1 তীমথিয় 3:16

খ্রীষ্টান থরমখো বিবিরা·আনি নিং·থুয়া বিবি দাল·বাতা হং·আ উখো জেগালনা মান·জা। উয়া বিবি ইয়ান- বিয়া মান্দি হং·এ ফারাকজক; বিয়া দোসগ্রি গিসিক রংথালগিবা ইখো ফিন্নিকজক; সা·গ্রেরাং বিখো নিক্কামিং; গিম্মিক জাতরাংচা বিনি গিম্মিনো আগানফ্রাকামিং; হা·গিলসাকো বিখো মান্দিরাং বিবিরা·আমিং; সালগিও বিখো রাসংমুং দি·দোএ রা·আংআমিং।

2 তীমথিয় 1:10

ইন্দিবা দা·আও আনচিংখো জক্কেৎগিবা খ্রীষ্ট যীশুনি ইয়া হা·গিলসাকো রি·বাচা বিয়া উয়া খা·সাচাক্কাখো ফারাকজক। খ্রীষ্ট সিয়াখো ব·ন্নেতজক আরো নাম্মা খাৎথাচা ব·ন্নাগ্রি জাংগিনি খাৎথাখো ফারাকজক।

তীতনা 1:2

ফাংনাজলনি জাংগিখো মা·ন্না খা·দংএ আংআ খ্রীষ্টনা দাকচাকে রি·য়াংইংজক। হা·গিলসাক হং·না স্খাংআন ইসল, জেআন বু·আখো আগানজা, বিয়া ইয়া জাংগিখো র·ন্না খু·রাচাক্কামিং।

পিতর 5:1

আংআ খ্রীষ্টনি দুক চাক্কানি সাক্ষি আরো খ্রীষ্টনি জে রাসং ফারাকনুয়া উখো মান·ফাগিবা হং·আ। উনি গিম্মিন না·সংনি গিসেপো জেরাং মন্ডলীনি দা·ল্লা-রাক্কা হং·আ বিসংনা আংআ দা·আও সাকসা দাল·গিবা গিত্তা ইখো স্খিয়েতিংজক-

1 যোহন 1:1

স্খাংওনিন জেআন দংআমিং, জেনি খু·সুকনি খাৎথাখো চিংআ খিন্নাজক, জেখো মিক্রোনথাংচা নিকজক, জেখো নাম্মেদাক্কে নিজক, জেখো জাকথাংচা দাংথাপজক, ইনো উয়া থাংগিবা খাৎথাখোন চক্কিংজক।

1 যোহন 2:25

ইয়ান হং·জক ফাংনাজলনি জাংগি, জেখো খ্রীষ্ট আনচিংনা হ·ন্না খু·রাচাকজক।

1 যোহন 3:5

না·সংদে হা·আইয়া, আনচিংনি পাপখো হা·রিকনা ইন্নেন খ্রীষ্ট ফারাকামিং। খ্রীষ্টও মামুং পাপ দংজা। জেরাং খ্রীষ্টও দংআ বিসং পাপও গা·আকে দংজা।

1 যোহন 3:8

জেআন পাপ দাক্কেন দংআরিয়া বিয়া শয়তাননি হং·আ, মুয়ানা শয়তান স্খাংওনিন পাপ দাক্কে রি·বাংজক। শয়তাননি কামখো ব·ন্নেতনা ইন্নেন ইসলনি দেফান্থি ফারাকামিং।

1 যোহন 4:14

চিংআ নিকজক আরো সাক্ষি হ·ন্নিংজক, ফাগিবা দেফান্থিখো মান্দিনি জক্কেৎগিবা দাক্কে ওয়াত্তেতামিং।

1 যোহন 4:2

ইসলনি গিসিকখো না·সং ইন্দাকে হা·আইনা মা·ন্নুয়া- জে গিসিক খু·রাচাক্কা যীশু খ্রীষ্ট মান্দি হং·এ রি·বামিং উয়া গিসিকান ইসলওনি রি·বাআ;

1 যোহন 5:11

উয়া সাক্ষি ইয়ান, ইসল আনচিংনা ফাংনাজলনি জাংগিখো হন·জক আরো উয়া জাংগি বিনি দেফান্থিও দংআ।

1 যোহন 5:13

না·সং জেরাং ইসলনি দেফান্থিখো বিবিরা·আ, না·সংচা আংআ ইরাংখো চকজক জেদাক্কে না·সং হা·আইনা মা·ন্না, না·সং ফাংনাজলনি জাংগিখো মান·জক।

1 যোহন 5:20

আনচিং আরোবা হা·আইয়া, ইসলনি দেফান্থি রি·বাএ আনচিংনা হা·আইয়ানি বিলখো হন·জক জেদাক্কে বিবিগিবা ইসলখো আনচিং হা·আইনা মা·ন্না। জেআন বিবিগিবা ইসল আনচিং বিমুং নাংরিমা, আগানস্খাওদে বিনি দেফান্থি যীশু খ্রীষ্টমুং নাংরিমা। বিয়ান চং·মতগিবা ইসল আরো বিয়ান ফাংনাজলনি জাংগি।