1ম করিন্থীয়রাংনা 8:3 - Garo New Testament

³ ইন্দিবা ইসলনা জেআন খা·সাআ বিখো ইসল হা·আইয়া।

1ম করিন্থীয়রাংনা 8:3 Iomraidhean Croise

মথিনি চকগিবা নাম্মা খাৎথা 7:23

উনসালো আংআ বিসংখো আগান্নুয়া, ‘আংআ না·সংখো হা·আইজা। নামগিজাখো দাকগিবারাং! আংনি মিকখাংওনি না·সং রি·য়াংবো।’

যোহননা 10:14

“আংআন নামগিবা রাক্ষুয়াল। ফাগিবা জেদাক্কে আংখো হা·আইয়া আরো আংআ ফাগিবাখো হা·আইয়া উয়ানদাক্কেন আংআবা আংনি মেষরাংখো হা·আইয়া আরো উরাংবা আংখো হা·আইয়া। আংআ আংনি মেষরাংনা জাংগিথাংখো হন·চাকিংজক।

যোহননা 21:17

জা·মানো বিয়া রাং·গিত্থামগিবাও শিমোন পিতরনা আগানজক, “যোহননি দেফান্থি শিমোন, বিবিন আংনা না·আ খা·সামা?” ইনি গিম্মিন পিতর দুক মান·জক, মুয়ানা যীশু বিখো রাং·গিত্থাম সিং·জক, “আংনা বিবিন না·আ খা·সামা?” ইনি গিম্মিন পিতর যীশুনা আগানজক, “গিত্তেল, না·আ দিমদাকখোন হা·আইয়া; না·আদে হা·আইয়ান নাং·না আংআ খা·সাবিয়া।” যীশু বিনা আগানজক, “আংনি মেষরাংখো নিরিকবো।

রোমানরাংনা 11:2

ইসল বিনি জে মান্দিরাংখো স্খাংআন বাচ্ছিয়ে রা·আমিং বিসংখো জেগালজা। আগানসোগিবা এলিয়নি গিম্মিন রংথালগিবা শাস্ত্র মুয়াখো আগানা উখো না·সং হা·আইজামা? বিয়া ইস্রায়েল মান্দিরাংনি সাক্কাও ইসলনা আগানামিং,

1ম করিন্থীয়রাংনা 13:12

আনচিং দা·আও জেদাক্কে জানিরাও দিম্মেলে নিক্কিংআ, ইন্দিবা উনোদে মিকখাংগ্রিক নিকনা মা·ন্নুয়া। আংনি দা·আও হা·আইগিবা চু·গিম্মিক হং·জা, ইন্দিবা ইসল জেদাক্কে আংখো চু·গিম্মিক দাক্কে হা·আইয়া উনো উয়ানদাক্কে আংআ চু·গিম্মিক দাক্কে হা·আইনা মা·ন্নুয়া।

1ম করিন্থীয়রাংনা 2:9

ইন্দিবা রংথালগিবা শাস্ত্রনি খাৎথা গিত্তাদে, “ইসলনা জেরাং খা·সাআ বিসংনা বিয়া জেরাংখো থারিয়ে দনসোজক, উরাংখো দারাংবা মিক্রোনওবা নিকখুজা, নাচিলোবা খিন্নাখুজা আরো গিসিকোবা চানচিখুজা।”

গালাতীয়রাংনা 4:9

ইন্দিবা দা·আওদে না·সং ইসলখো হা·আইজক; বাত্তেসা ইসলান না·সংখো হা·আইয়া ইন্নে আগানোন থিক হং·নুয়া। ইন্দাকোদে বাদিকে দাক্কে না·সং দা·আবা হা·গিলসাকনি উয়া বিলগ্রি আরো বিথিগ্রি দাকবেওয়ালরাংচা ফিল্লিংজক? দা·আবা না·সং উরাংনি নকখল হং·না হা·ম্মিংআমা?

2 তীমথিয় 2:19

ইন্দাকোবা ইসলনি রিকগিবা ফাংচাকানি চাদেংএন দংআ, আরো উনি সাক্কাও সীলমোহর গিত্তা ইয়া খাৎথারাং চক্কা দংআ, “গিত্তেল হা·আইয়া, সারাং বিনি হং·আ,” আরো “জেআন খ্রীষ্টখো গিত্তেল ইন্নে রিক্কামা বিয়া গিম্মিক পাপওনি চে·ল্লাচা রি·য়াংখানা।”

যাকোব 1:12

রুরানি সালো জে চাকচিকা বিয়ান ফাত্তিয়া মান·গিবা হং·আ, মুয়ানা আন·থাংখো দিমদাক রুরাও হামগিবা দাক্কে ফিন্নিকনা মা·ন্নোদে হাম্মানি মালা গিত্তা বিয়া জাংগিখো মা·ন্নুয়া। জেরাং ইসলনা খা·সাআ বিসংনা বিয়া ইয়া জাংগিখো র·ন্নুয়া ইন্নে খু·রাচাক্কা।

যাকোব 2:5

খিন্নাবো, আংনি খা·সাগিবা জংআদারাং। ইয়া হা·গিলসাকনি মিক্রোনও দিল্লা-চন্না মান্দিরাংখো ইসল বিবিরা·আও মা·ন্নে চা·গিবা হং·না বাচ্ছিয়ে রা·জামা? জেরাং ইসলনা খা·বাকা উরাংখো বিয়া জে সংনকখো র·ন্নুয়া ইন্নে খু·রাচাক্কামিং, উয়া সংনকখো মান·রিকনাবা ইসল বিসংখোন বাচ্ছিয়ে রা·জামা?

পিতর 1:8

না·সং খ্রীষ্টখো নিকখুজা ইন্দাকোবা না·সং বিনা খা·সা; না·সং দা·আও বিখো নিকজাওবা না·সং বিখো বিবিরা·আংজক, আরো জে হান·সেংআখো খু·সুকচা আগান্না মান·জা আরো জে সালগিনি রাসংও গাপ্পা, উয়া হান·সেংআও না·সং হান·সেংইংজক;

1 যোহন 4:19

বিয়া আনচিংখো স্খাং খা·সামিং ইন্নেন আনচিং খা·সা।

1 যোহন 4:7

খা·সাগিবা বি·সারাং, আনচিং জেদাক্কে সাকসা সাকগিপ্পিননা খা·সাআ, মুয়ানা খা·সাআ ইসলওনিন রি·বাআ। জেরাংনি খা·থংও খা·সা দংআ, ইসলওনিন বিসং আৎচিয়া আরো বিসং ইসলখো হা·আইয়া।

ফারাকগিবা খাৎথা 2:13

না·আ বাও সংদংইংআ উখো আংআ হা·আইয়া; উয়ো শয়তাননি সিংহাসন দংআ। ইন্দাকোবা না·আ আংনি গিম্মিনো বিবিগিবা হং·এ দংআ আরো আংনি সাক্কাও নাং·নি বিবিরা·আখো জিচাকজা। আরোবা, জেও শয়তান দংআ উয়ো জে সময়ও আংনি বিবিগিবা সাক্ষি আন্তিপাস্‌খো না·সংনি মিকখাংও স·ওতামিং উনোবা না·আ নাং·নি বিবিরা·খো জিচাকজাজক।

ফারাকগিবা খাৎথা 2:19

আংআ নাং·নি কামখো, নাং·নি খা·সাখো, নাং·নি বিবিরা·খো, নাং·নি দাকচাকে হ·ন্নাখো আরো নাং·নি চাকচিকানি খাৎথাখো হা·আইয়া। আরো না·আ স্খাংও জে কামরাংখো দাক্কামিং উনাবাত্তে দা·আও আরোবা বাং·এ কাম দাক্কিংআ উয়া খাৎথাখোবা আংআ হা·আইয়া।

ফারাকগিবা খাৎথা 2:9

নাং·নি দুক আরো দিল্লানি খাৎথাখো আংআ হা·আইয়া, ইন্দাকোবা না·আ নকমা হং·আ। আন·থাংথাংখো যিহূদী ইন্নে আগানোবা জেরাং যিহূদী হং·জা বাত্তেসা শয়তাননি দলনি মান্দি হং·আ, বিসং নাং·নি সাক্কাও জেখো আগানা উখো আংআ হা·আইয়া।