1ম করিন্থীয়রাংনা 3:3 - Garo New Testament

³ মুয়ানা দা·আওবা না·সং পাপ-বেওয়ালনি নিং·আও দংআ। না·সংও মিকনেংআ আরো নিরিয়া-গিসিয়া হং·আরি দংওদে না·সং পাপ-বেওয়ালনি নিং·আও দংজামা? আরো না·সংনি রি·য়ারাংবা ইন্দাকারি মান্দিরাং গিত্তান দাকজামা?

1ম করিন্থীয়রাংনা 3:3 Iomraidhean Croise

রোমানরাংনা 13:13

চ্রকে-মেসায়ে চু রিংএ আরো চু ফেক্কে হং·জা, থি·ল্লেকে আরো বিংবাং হা·সিকা গিত্তা হং·জা, নিরিয়া-গিসিয়া আরো মিকনেংআও হং·জা, ইন্দিবা জেরাং সেং·আও রি·য়া, হাই, আনচিং বিসং গিত্তা খ্রাএ রি·না।

1ম করিন্থীয়রাংনা 1:10

জংআদারাং, আনচিংনি গিত্তেল যীশু খ্রীষ্টনি হং·এ আংআ না·সংখো নাম্মেন মল·মলিংজক, না·সং গিম্মিকান আপসান হং·রিমবো। না·সংনি গিসেপো মা·আৎগ্রিকানি দংজাখানা, বাত্তেসা না·সং গিসিকসান আরো চানচিয়াসান হং·বো।

1ম করিন্থীয়রাংনা 1:11

আংনি জংআদারাং, না·সংনি গিসেপো নিরিয়া-গিসিয়া দংআ ইন্নে ক্লোয়ীনি নকনি মান্দিরাংচা খিন্নাজক।

1ম করিন্থীয়রাংনা 11:18

আংআ খিন্নাংআ, না·সং মন্ডলী গিত্তা আপসান হং·আনি সময়ও না·সংও মা·আৎগ্রিকা দংআ, আরো আংআ উখো অকখিসা বিবিবা রা·আ।

1ম করিন্থীয়রাংনা 3:4

না·সংনি গিসেপো সাকসা পৌলনি দলনি আরো সাকগিপ্পিন আপল্লোনি দলনি ইন্নে আগানোদে না·সং ইন্দাকারিস্রাং মান্দিরাং গিত্তা দাকজামা?

2য় করিন্থীয়রাংনা 12:20

আংআ খেনচাকিংআ, জেনসালো আংআ না·সংচা রি·বানুয়া উনো আংআ না·সংখো জেগিত্তা নিকনা হা·ম্মা উগিত্তা নিকজানাবা দংআ, আরো না·সংবা আংখো জেগিত্তা নিকনা হা·ম্মা উগিত্তা নিকজানুয়া। আংআ খেনচাকিংআ, না·সংনি গিসেপো নিরিয়া-গিসিয়া, মিকনেংআ, খা·আওনাংআখো ফিন্নিকা, মা·আৎগ্রিকা, ইন্না-জিআ, গিপ্পিননি খু·সুকরাংখো রা·এ আগানা, গাং·বিংআ আরো গোলমালরাং দংনুয়া।

গালাতীয়রাংনা 5:15

ইন্দিবা না·সং সাকসা সাকগিপ্পিনমুং নিরিয়ো-গিসিয়োদে আরো মিকনেংগ্রিকওদে ইন্দাকোদে সিমসাকবো! ইন্দাকে দাক্কোদে না·সং সাকসা সাকগিপ্পিনখো ব·ন্নেতনুয়া।

তীতনা 3:3

চিংআবা স্খাংদে গিসিক সেং·আগ্রি আরো বামগিজাগিবা হং·আমিং, ব্রাংগিবা রামাও রি·নুয়ামিং, আরো নাম্মাখো চাকনুয়ামিং আরো বাং·আ হা·সিকারাংনি নকখল দংআমিং। চিংআ গিপ্পিনরাংখো মিকনেংনুয়ামিং নাংএগিজা সক্কেগিজা আরো নামগিজাখো দাকনা চানচিয়ে জাংগি মিৎথাংনুয়ামিং। আন·থাংসং মিৎচিনা খ্রাগিবা হং·ওবা চিংআ সাকসা সাকগিপ্পিনখো মিৎচিনুয়ামিং।

যাকোব 3:16

মুয়ানা জেও মিকনেংআ আরো আন·থাংথাংখো রা·এ চানচিয়ানিসান দংআ, উয়োন গোলমাল আরো গ্রো নাংআনি দিমদাকান দংআ।

পিতর 4:2

উনি গিম্মিন ইয়া হা·গিলসাকনি থাংএ দংনাগিবা জাংগিখো বিয়া হা·গিলসাকনি নামগিজা হা·সিকারাংও হান·সেংএ মিৎথাংএতজা, বাত্তেসা ইসলনি হা·সিকাখো মানিয়েন রি·য়া।