تیتوس 1:6 - Gilaki New Testament

⁶ پیله کسٚ زٚندیگی وأستی بی‌عأیب بٚبه، اون وأستی خو ایتأدأنه زنأکٚ رِه ایتأ بأوفأ مردأی بٚبه و اونی زأکأنم ایمأن بٚدأرٚد و هیکس نتأنَه اَشأنَ ایتأ محلّه گرد و یاغی مأنستَن فأندٚره.

کتاب مقدس به زبان گیلکی - گویش شرقی

⁶ کلیسا ریش سیفید نخأ هیچی اون زیندگی مئن دبون که اون ئبه سرأکؤ بوخؤره، یکته زنأک مردأی ببون و باایمؤن زاکؤن بدأره که اوشؤنه هرزگی و نافرمؤنی به متهم گوده نشأسه بون.

کتاب مقدس به زبان گیلکی - گویش رشت و غرب گیلان

⁶ کلیسا ریش سفید، نبایستی هیچی اونِ زیندگی درون بِبه کی اونِ واسی سرکوفت بخوره، ایتا زنِ مَرد بِبه، و با ایمانِ زاکان بداره کی نَشاستبی اوشانَ هرزگی و نافرمانی ره متهم کودَن.

تیتوس 1:6 Iomraidhean Croise

لوقا 1:5

مأجیرأیَ جٚه ایتأ یوهودی کأهین شورو کونم کی اون زکریأ نأم دأشتی و او زمأت کی هیرودیس یوهودیه پأدیشأ بو، زٚندیگی کودی. اون ایتأ جٚه معبدٚ کأهینأن گورو بو کی اَبیّا نأم دأشتی. اونی زنأکٚم ایلیزأبت خودشٚ مأنستَن جٚه یوهودٚ کأهینأن تیر و طأیفه و جٚه هارون ینی موسا برأرٚ نسل بو.

افسسیان 5:18

مستی جَا دوری بوکونید چونکی مستی، آدمَ نأجور رأیأنٚ ور فأکشأنِه. اونی عوض جٚه خودا روح پورَ بید.

اوّل تسالونیکیان 5:14

جأنٚ دیلٚ برأرأن، تنبل و شرورٚ آدمأنَ اَدب بوکونید؛ او آدمأن کی سٚربیجیر و ترسو ایسٚد، دیلدأری بدید؛ اوشأنی کی ضعیفده، یاور بیبید؛ همٚتأنٚ وأسی حوصله و تحمول بٚدأرید.

اوّل تیموتائوس 1:9

هوطو کی دأنیم قأنون و شریعت دورستکأر آدمأنٚ رِه چأکوده نوبوسته، بلکی اوشأنی رِه کی قأنونَ لقد دٚمٚج کونٚده، شورشی و شر‌ و شورٚ آدمأن، اوشأنی کی خودایَ نشنأسٚده، گونأکأرأن، آدمأنی کی موقدس نییٚده، اوشأنی کی دین نأرٚده و هطویم اوشأنی وأسی کی خوشأنٚ پئر و مأرَ کوشٚده و قتل کونٚده.

اوّل تیموتائوس 3:12

شمأس وأستی ایتأ زن بٚدأره و اونٚ جَا بأوفأ بٚبه، خو اهل و عیالٚ رِه خوروم مردأی بٚبه.

تیتوس 1:10

چون خٚیلیأن یاغی و نأفرمأن ایسٚد، بوخصوص او دسته جٚه یوهودی نتأجٚ مسیحیأن کی بأوٚر دأرٚد، مسیحیأنٚم وأستی یوهود دینٚ احکأمَ انجأم بٚدٚد. ولی اَشأنٚ گبأن پوچ و اَویرَ کونٚه.