تیتوس 1:4 - Gilaki New Testament

⁴ اَ نأمه‌یَ تیتوسٚ رِه می رأس‌رأسِی زأی اَمی هم ایمأنی دورون نیویسٚم: اَمی پئر خودا و اونی کی اَمٚرَه نیجأت بٚدأ، مسیح عیسا جَا تِرِه فیض و آرأمٚش خأیم.

کتاب مقدس به زبان گیلکی - گویش شرقی

⁴ تیتوس ئبه که عَین او ایمؤن که أمه همه ته نصیب بوبؤ، می حقیقی زأکه: فیض و صلح و سلامتی، پئر خدا یأجی و أمئه نجات دهنده أجی، مسیح عیسی، تئبه بأ.

کتاب مقدس به زبان گیلکی - گویش رشت و غرب گیلان

⁴ تیتوس ره، کی عین اُ ایمان کی امان همتانِ نصیب بُبوسته، می حئیقتی زاکِ: فیض و صلح و سلامتی خُدای پئرِ جا و اَمی نجات‌ دهنده مسیح عیسی تَره بایه.

تیتوس 1:4 Iomraidhean Croise

لوقا 2:11

و اون اَن ایسه کی هه ایمرو داوودٚ شهرٚ دورون، ایتأ نیجأت بٚدأ کس شِمِره بودونیأ بأمؤ، هونی کی مسیح و خوداونده.

یوحنا 4:42

او وخت او زنأکَ بوگفتٚده: «اَمأن دِه فقد تی گبأنَ وأسی اونَ ایمأن نأوریم، بلکی خودمأن اونی گبأنَ بشتأوستیم و ایمأن دأریم کی اون دونیأ، نیجأت بٚدأ کس ایسه.»

رومیأن 1:12

جغرز اَن، منم شیمی کومکَ ایحتیأج دأرم کی شیمی ایمأنٚ جَا قوّت فأگیرٚم. اَطویی، هرتأ جٚه اَمأن کس‌کسٚ ایمأنٚ قوّت دٚئنَ بأعیث بیمی.

رومیأن 1:7

اَ دسخطَ همه‌یٚ اوشأنی‌ رِه نیویسٚم کی رومٚ دورون خودا اوشأنَ دوس دأره و دؤخأده بوبوستده کی اونی موقدس قوم بٚبٚد. جٚه پئر خودا و اَمی خوداوند عیسا مسیح، شِمِره فیض و آرأمٚش خأیم.

دوم قرنتیان 12:18

او وخت کی جٚه تیتوس خأهیش بوکودم کی شیمی ورجأ بأیٚه و اَمی اویتأ برأرَ اونی اَمرأ اوسه کودم، مگه اَشأن شیمی جَا بهره ببردٚد؟ مگه اَمی رأ روش ایجور نوبو؟

دوم قرنتیان 2:13

ولی اویَه اَمی برأر تیتوسَ نیأفتٚم و اونی وأسی خٚیلی دیلوأپس بوبوستم. پس، اویَه آدمأنٚ اَمرأ خوداحافظی بوکودم و بوشؤم مقدونیه کی بلکی تیتوسَ اویَه بیأفٚم.

دوم قرنتیان 4:13

موقدسٚ کیتأبأنٚ دورون بینیویشته بوبوسته: «خودایَ ایمأن بأوٚردٚم، پس گب بٚزِم.» اَمأنٚم چونکی جٚه هوجور ایمأن بهره بردأندریم، اینجیلٚ پیغأمٚ وأگویا کودنَ ایدأمه دیهیم.

دوم قرنتیان 7:6

ولی خودا کی غورصه خورأنَ دیل‌تسلأیی ایسه، اَمٚرَه تیتوسَ اَمؤنٚ اَمرأ آرأمٚش بٚدأ و اَمی دیلَ قوّت بٚبخشه.

دوم قرنتیان 8:16

خودایَ شوکر کی اون تیتوسٚ دیلٚ دورون هو دوس دأشتٚنَ بوجود بأوٚرده کی اَمأن شٚمٚره دأریم.

دوم قرنتیان 8:23

ولی اگه اینفر وأوٚرسِه کی تیتوس کیسه، بیگید کی اون می همکأر ایسه و شیمی کومکٚ رِه بأمؤ. دروأره‌یٚ او دوتأ برأرم تأنید بیگید کی اَ سأمأنٚ کیلیسایأن نمأینده‌یأن ایسٚد و همیشٚک مسیح نأمٚ رِه گولأز کودنٚ بأعیث بود.

دوم قرنتیان 8:6

هنٚ وأسی جٚه تیتوس خأهیش بوکودیم کی ایوأردِه شیمی دِئنٚ رِه بأیٚه کی شٚمٚره تِشویق بوکونه کی شومأنم ایتأ سأم اَ خورومٚ خیدمتٚ دورون قوبیل بوکونید، چونکی اون پیشتر اَ کأرَ شیمی میأن بٚسٚرَ گیفته بو.

غلاطیأن 2:3

خوشبختأنه هطویم بوبوسته و اوشأن هیذره موخألفت نوکودٚد، جوری کی حتّا جٚه می همسفر تیتوسٚم کی یوهودی نوبو نخأستٚد کی ختنه بٚبه.

غلاطیأن 3:26

چونکی اَمأن همٚتأن عیسایٚ مسیحَ ایمأن دأشتنٚ وأسی خودا زأکأنیم

غلاطیأن 3:28

دِه فرقی نوکونه یوهودی بیبیم یا نه، غولأم بیبیم یا آزأد، مرد بیبیم یا زن؛ چونکی اَمأن همٚتأ مسیحیأن عیسا مسیح میأن ایتأ ایسیم

افسسیان 1:2

جٚه اَمی پئر خودا و اَمی خوداوند عیسا مسیح، شٚمٚره فیض و آرأمٚش خأیم.

کولسیان 1:2

اَ نأمه‌یَ خودا موقدسٚ قوم، کولسی شهرٚ دورونٚ رِه نیویسٚم کی مسیحٚ وأسی بأوفأ برأرأن و خأخورأن ایسٚد. اَمی پئر، خودا جَا شِمِره فیض و آرأمٚش خأیم.

اوّل تیموتائوس 1:12

هنٚ وأسی، اَمی خوداوند عیسا مسیحَ شوکر کونم کی اَ خیدمتٚ رِه مٚرَه قودرت فأدأ و مٚرَه ایعتمأد بوکوده و اَ خیدمتٚ رِه اینتخأب بوکود.

دوم تیموتائوس 1:1

اَ نأمه جٚه پولسٚ ور ایسه کی خودا ایرأده اَمرأ، عیسایٚ مسیحٚ روسول و پیغأم‌رسأن ایسه. من مأمور بوبوستم کی خودا اَ وعده‌یَ همه جیگأ پٚخشَ کونم کی هرکی مسیحَ ایمأن بأوٚرده، اَبدی زٚندیگی بٚدأره.

دوم تیموتائوس 1:2

اَ نأمه‌یَ می جأنٚ دیلٚ زأی تیموتائوسٚ رِه نیویسٚم. جٚه خودای پئر و اَمی خودا عیسایٚ مسیح، تِرِه فیض و بخشش و آرأمٚش خأیم.

دوم تیموتائوس 4:10

چونکی دیماس مٚرَه ترکَ کوده؛ اون اَ دونیأ کأرأنٚ علأقه دأشتٚن و دیل دٚوٚستٚنٚ وأسی بوشؤ تسالونیکی. هطویم کریسکیس بوشؤ غلاطیه و تیتوس بوشؤ دلماتیه.

تیتوس 1:3

و اَسه، دوروست هو زمأت کی قرأر بو، اونَ جٚه او موعیظه کی اَمی نیجأت بٚدأ کس، خودا دستورٚ اَمرأ، مِرِه بیسپأرده بوبوسته، وأشکأفأنِه.

تیتوس 2:13

اگه اَطو زٚندیگی بوکونیم، تأنیم اومید و ایشتیأقٚ اَمرأ او مووأرٚکٚ روجٚ رأفأ بئیسیم کی اونٚ دورون پیله خودا و اَمی نیجأت بٚدأ کس، عیسا مسیح، شوکو و جلالٚ اَمرأ نمأیأنَ به.

دوم پطرس 1:1

اَ نأمه جٚه شمعونٚ پطرس، خیدمتکأر و عیسا مسیحٚ روسولٚ ور ایسه. اَ نأمه‌یَ شومأ همٚتأنٚ رِه کی اَمی مأنستَن ایمأن دأرید نیویسٚم. اَ ایمأن او برکت کی عیسا مسیحٚ عیدألتٚ اَمرأ، خوداوند و اَمی نیجأت بٚدأ کس ایسه، شیمی نصیب بوبوسته.

دوم پطرس 1:11

و خودایٚم آسمأنٚ دروأزه‌یأنٚ شِمِره وأزَ کونِه تأ اَمی خوداوند و نیجأت بٚدأ کس، عیسایٚ مسیح پأدیشأیی دورون بیشید.

دوم پطرس 2:20

هر وخت اینفر، خوداوند و اَمی نیجأت بٚدأ کس عیسای مسیح شنأخت اَمرأ اَ دونیأ نأپأکیأنٚ جَا آزأدَ بوسته، امّا بأزون ایوأردِه هو نأپأکیأنٚ میأن اسیر بٚبه، اونی وضع بدتر جٚه سأبٚق بِه.

دوم پطرس 3:18

بلکی خوداوند و اَمی نیجأت دهنده عیسای مسیحٚ شنأخت و فیضٚ میأن پیشرفت بوکونید کی هرچی جلال و بوزورگی و سٚربولندیه تأ اَبد اونی شین ایسه. آمین.

دوم پطرس 3:2

خأیم بٚخأطر بأوٚرید او چیزأنی کی جٚه موقدسٚ پیغمبرأن و اَمأن کی مسیحٚ روسولأنیم بأمؤختیدی، چونکی اَمأن خوداوند و اَمی نیجأت دهنده گبأنَ شیمی گوشَ فأرٚسأنِییم.

اوّل یوحنا 5:14

جٚه اَ خأطر ایطمینأن دأریم کی هر وخت خودا جَا چیزی هوطو اونی خأسته موطأبٚق بخأییم اَمی دوعأیَ ایشتأوه

یهودا 1:3

اَی جأنٚ دیلأن، ذوق دأشتیم کی دروأره‌یٚ او نیجأت کی خوداوند اَمٚرَه بٚبخشه، چن خطی شِمِره بینیویسٚم. ولی اَسه لأزیم دأنٚم، ایتأ دِه مطلب اونی عوض بینیویسٚم کی شٚمٚره تِشویق بوکونم جٚه او ایمأنی کی خودا ایوأر همیشٚکٚ رِه خو موقدسٚ آدمأنَ بیسپأرده، حقٚ سعی اَمرأ دفأع بوکونید.