تیتوس 1:11 - Gilaki New Testament

¹¹ پس وأستی اَشأنٚ دٚهٚنَ دٚوٚستٚن، چون خٚیلی خأنوأرأن اَشأنٚ گبأنٚ وأسی رأستٚ رأ جَا کج بوشؤد. اَ معلمأن کی اَطویی آموج دٚهٚده، فقد خوشأنی مألی سودَ فیکرَ کونٚده.

کتاب مقدس به زبان گیلکی - گویش شرقی

¹¹ اوشؤن توک مچهَ خأ دبستن، چونکه اوشؤن همه ته خؤنواده ئانه دکألنئنن و ناحق سود وأسی او چیزؤنیِ تعلیم دئنن کی نخأ تعلیم بدئن.

کتاب مقدس به زبان گیلکی - گویش رشت و غرب گیلان

¹¹ اوشانِ دهنَ بایستی دَوَستن چونکی اوشان، تمانِ خانواده ئانَ پاشانیدی، و ناحقِ سودِ واسی اُ چیانیَ تعلیم دیئیدی کی نبایستی تعلیم بَدید.

تیتوس 1:11 Iomraidhean Croise

متّی 23:13

«وای بحألٚ شومأن، ای دینٚ عألیمأن و فریسیأن! چندر ریأکأریدی! نه وئألیدی البأقیأن آسمأنٚ ملکوتٚ بودورون بٚشٚد و نه خودتأن بودورون شیدی.

لوقا 20:40

اونی پٚسی هیکس دِه نٚیأرستی اونی جَا ایچی وأوٚرسِه.

یوحنا 10:12

ولی اونی کی اَجیره و شبأن نییٚه، وختی دینه گرگ اَمؤندره، گوسوٚندأنَ هویه سرأ دِهه، جیویزه چونکی گوسوٚندأن اونی شین نییٚد و اون اوشأنی شبأن نییٚه. او وخت گرگ گله‌یَ فوتورکه و گوسوٚندأنَ فٚرأنه.

رومیأن 3:19

هسأ، دأنیم هر چی‌ کی شریعت گه، اوشأنی‌یَ گه کی خوشأنَ اَ حوکمأنٚ جیر دأنده کی اونی موطأبٚق کأر انجأم بٚدٚد، چونکی شریعتٚ قصد اَنه کی هرتأ بهأنه فورصتَ اینسأنأنٚ جَا فأگیره و نیشأن بٚده کی تومأمٚ دونیأ خودا حوضورٚ جَا تقصیرکأرٚده.

دوم قرنتیان 11:10

مسیح او حِئقتَ کی می وجودٚ میأن نٚهأیَ قسم خورم کی هیکس اَخائیه شهرأنٚ جٚه اَ سٚر تأ او سٚرٚ دورون نتأنِه مأنع بٚبه کی اَ کأرَ گولأز بوکونم.

اوّل تیموتائوس 5:13

جٚه اَن بوگذریم، جوأنٚ ویوه ایمکأن دأره بیکاری و تنبلی‌یَ عأدت بوکونه و اَ خأنه او خأنه بٚگرده و اَیتأ اویتأ رِه بدگویی بوکونه و البأقیأنٚ کأرٚ دورون فوضولی بوکونه، هچینٚ گب بٚزٚنه.

اوّل تیموتائوس 5:4

ولی اگه زأکأن یا نٚوٚه‌یأنی دأرٚده، اوشأن وأستی او ویوه زنأکأنَ بٚدأرٚد و بأموجد کی خوروم کردکأرأنَ خأنه جَا شورو بوکوند و جٚه اوّل، خوشأنٚ دِینَ وأستی خوشأنٚ پِئر و مأر و آباء اجدادَ بٚجأ بأوٚرٚد. اَن چیزی ایسه کی خودایَ خوش اَیِه و رأضی کونه.

اوّل تیموتائوس 6:5

و همیشٚکی درگیری افرأدٚ میأن کی اَشأنٚ عقل فأسیدَ بوسته و حِئقتَ پوشتَ کودٚد بوجود بأیِه و گومأن کونٚده کی دین‌ دأشتٚنٚ اَمرأ تأنٚد مأل و مینألَ بٚدٚس بأوٚرٚد!

دوم تیموتائوس 2:18

اَ دو نفر جٚه دوروستٚ رأ دورَ بوستد و دیگرأنٚ آمؤختأندٚرده کی قیأمتٚ روج فأرٚسِه، هطویم ایتأ عیده ایمأنَ ضعیفٚ کودٚد.

دوم تیموتائوس 3:6

هه آدمأن ایسٚد کی هیزأرتأ جوفت و کلکٚ اَمرأ مردومٚ خأنه‌یأنٚ بودورون شٚده و زنأکأنی اَمرأ کی عقلٚ دوروست و حیسأبی نأرٚده و پیشترأن گونأ کودیدی، ریفِقَ بٚده و خوشأنٚ غلطٚ آموجه‌یأنَ اوشأنَ آموجٚده.

تیتوس 1:7

چٚره کی پیله کس، خودا کأرٚ ایدأره کودنٚ مسئول ایسه و جٚه اَ خأطر وأستی بی‌عأیبٚ زٚندیگی بٚدأره؛ هطویم نوأستی نفأم‌گیری بوکونه و توندٚ آدم بٚبه، مشروب بوخوره و جنگ و بوگو موگو دونبأل بٚبه. مأل و مینألٚ کأرأنٚ میأنم وأستی جٚه نأدوروستی و متقلب گیری دوری بوکونه

تیتوس 1:9

وأستی او رأس‌رأسِی چیزأنی‌یَ کی بأمؤخته، ایمأن و قأیمٚ ایعتقاد بٚدأره کی بتأنٚه اوشأنَ، البأقیأنم بأموجه و اوشأنی‌یَ کی اَشأنی اَمرأ موخألفت کونٚده‌یَ، نیشأن بٚدٚد کی ایشتیوأ کودأندرد.

تیتوس 3:10

اگه اینفر تفرقه و سیوأیی تأوٚدأنَ بأعیث بِه، ایوأر تأ دو وأر اونَ وأخٚوٚرَ کون. بأزون دِه اونَ کأر نوأدأشتن،