رومیأن 7:8 - Gilaki New Testament

⁸ ولی گونأ جٚه او فورصت کی دینی حوکمأن بوجود اَوٚره، ایستفأده کودی کی هرجور طمعَ می دورون زٚنده کونٚه! اگه دینٚ حوکمی نمأنسته‌بی، گونأ اَجور قودرتٚ بٚدٚس نأوٚردی.

کتاب مقدس به زبان گیلکی - گویش شرقی

⁸ ولی گنا بواسطه ی شریعت حکم فرصت پیدا بوده کی هر جور طمعَ می مئن به وجود باره. چونکی شریعت اجی سیوا، گنا بمردهَ.

کتاب مقدس به زبان گیلکی - گویش رشت و غرب گیلان

⁸ ولی گُناه بواسطه ی شریعتِ حُکم فرصت بیافت کی هر جور طمعَ می درون به وجود باوره. چونکی جدا جه شریعت، گُناه بمرده یه.

رومیأن 7:8 Iomraidhean Croise

مَرقُس 7:22

حرص، بدخأیی، مکر و ریأ، هرزگی، حسودی، پوشتٚ سرگب زِئن، خودخأیی و هر جور دِه نأدأنی

یوحنا 15:22

«اگه من اَ دونیأ میأن نأمؤ بوم و مردومٚ اَمرأ گب نٚزه بوم، تقصیرکأر نوبود. ولی هسأ کی بأمؤم، دِه خوشأنی گونأیأنٚ رِه بهأنه نأرٚده.»

یوحنا 15:24

اگه من اَ مردومٚ چومأنٚ ورجأ کأری نوکوده بوم کی جغرز من هیکس تأ هسأ نوکوده بو، تقصیرکأر نوبود، امّا اَسه تومأمٚ اَ موجیزه‌یأنٚ دِئنٚ اَمرأ، هنو می جَا و می پئرٚ جَا بیزأرٚده؛

رومیأن 3:20

چونکی هیکس نتأنه دینی حوکمأنٚ انجأم دئن اَمرأ، خودا چومٚ جَا عأدیل بٚحیسأب بأیٚه. دینی حوکمأن فقد نیشأن دٚهٚده کی چندر گونأکأر ایسیم.

رومیأن 4:15

ولی حِئقتٚ اَنه کی هر وخت حقٚ سعی بٚزنیم کی نیجأت و ایلاهی خوشبختی‌یَ جٚه رأیٚ دینی حوکمأنٚ انجأم دئن بٚدٚس بأوریم، همیشٚک آخرپٚسی اَطو به کی خودا غیظ و غضب اَمی سأم بِه؛ چونکی هیوخت نتأنیم او حوکمأنَ تومأمٚ و کمأل انجأم بٚدیم. اَمأن فقد وختی تأنیم قأنونَ دیپیچأنیم کی هیذره قأنون نٚمأنه.

رومیأن 5:20

پس موسا شریعت فأدأ بوبوسته کی همه بتأنٚد بیدینٚد کی چندر گونأ بوکودٚد. ولی اینسأنأن هرچی ویشتر گونأ بوکودٚد، خودا عجیبٚ فیضٚم ویشترَ بوسته.

رومیأن 7:11

گونأ مٚرَه گول بٚزِه و پأکٚ ایلاهی حوکمأنٚ اَمرأ، مٚرَه مٚردنٚ رِه محکوم بوکوده.

رومیأن 7:13

ولی اَشأن چوطو ایمکأن دأره؟ اگه دینی حوکمأن می محکوم و هلأکٚ بوستنَ بأعیث بوبوسته، چوطو تأنه خُب بٚبه؟ حِئقت اَنه کی دینی حوکمأن خُبٚده، ولی گونأ بو کی جٚه ایتأ خورومٚ اَفزأر سوءایستفأده بوکود کی می محکومٚ بوستنَ بأعیث بٚبه. فأندرید کی گونأ چندر پٚلیده کی خو مقصد فأرٚسِئنٚ رِه ینی می جٚه بین شؤئؤنٚ وأسی، جٚه دین و خودا خوروم حوکمأن سوءایستفأده کونه.

رومیأن 7:17

ولی هی کأر جٚه می دٚسٚ جَا برنأیه، چونکی اونی کی اَ کأرأنَ کونه من نییٚم. اَ گونأ کی می دورون ایسأ مٚرَه وأدأرِه کی اَ نأجورٚ کأرأنَ بوکونم، چونکی اون می جَا پورزورتره.

رومیأن 7:9

ای وخت بو کی بودونٚ اَنکی دینی حوکمأنَ بدأنیم زٚندیگی کودیم. ولی وختی اَ حوکمأنٚ جَا وأخبدأرَ بوستم، بفأمٚستٚم کی اوشأنَ می پأ جیر بنأم و هنٚ وأسی گونأکأرٚم و مٚردنٚ رِه محکومٚم.

اوّل قرنتیان 15:56

چونکی گونأ او نیش ایسه کی مٚردنٚ بأعیث بِه، و خو قودرتم جٚه شریعتٚ فأگیره.