رومیأن 7:3 - Gilaki New Testament

³ اَطویی، تأ وختی اونی مردأی زٚنده ایسه، اگه ایتأ مردأکٚ دیگه اَمرأ جینسی ایرتیبأط بٚدأره، اونَ زٚنأکأر دؤخأنده. ولی اگه اونی مردأی بیمیره، او دینی حوکمٚ جَا آزأدَ بِه و اگه کی ایتأ مردأکٚ دِه اَمرأ عروسی بوکونه، زٚنأکأر نیبه.

کتاب مقدس به زبان گیلکی - گویش شرقی

³ پس اگه او موقع کی اونِ مرد زندهَ، یکته ده مرداکِ همرا ببی، زیناکاره. امّا اگه اونِ مردای بمیره، ای شریعت اجی آزاده، وا گه یکته ده مرداک همرا وصلت بوکونه، زیناکار نئه.

کتاب مقدس به زبان گیلکی - گویش رشت و غرب گیلان

³ پس اَگه اُ موقع کی اونِ مَرد زنده یِ، ایتا دیگر مَرداکِ اَمرا ببه، زینا کارِ. ولی اَگه اونِ مَردای بیمیره، اَ شریعتِ جا آزاده، و اَگه ایتا دیگر مَرداکِ اَمرا عروسی بُکونه، زیناکار نیه.

رومیأن 7:3 Iomraidhean Croise

متّی 5:32

ولی من شٚمٚره گم، هر کی خو زنَ جغرز خیأنٚت هر چی دِه وأسی طلأقَ ده، او زنأکٚ زٚنأ کودنَ بأعیث بِه. و هرکی ایتأ طلأقٚ دأ زنأکٚ اَمرأ ایزدوأج بوکونه، اونم زٚنأ بوکوده.

رومیأن 7:2

شٚمٚره مثأل بٚزٚنم، دینی حوکمأنٚ موطأبٚق، ایتأ زنأی کی عروسی بوکوده، تأ او وخت کی اونی مردأی زٚنده ایسه، اونی جَا پأبنده و اونی اَمرأ عهد دأره، ولی اگه اونی مردأی بیمیره، جٚه او دینی حوکمی کی اونَ، او مردأکٚ رِه پأبند کودی، آزأدَ بِه.

رومیأن 7:4

می برأر و خأخورأن، مسیح جیسم وأسی، شومأنم دینی حوکمأن رِه بٚمٚردیدی، کی بتأنید اینفر دِه شین بیبید، اونی کی جٚه مورده‌یأن ویریزأنه بوبوسته. هنٚ وأسی، تأنیم خودا رِه خورومٚ مأصول بأوریم.