رومیأن 6:18 - Gilaki New Testament

¹⁸ و اَسه کی جٚه گونأ غولأم بوستن آزأدَ بوستیدی، صدقٚ صدأقتٚ غولأم بیبید.

کتاب مقدس به زبان گیلکی - گویش شرقی

¹⁸ و شمه آزادَ بون همرا گناه جی، صالحی نوکرون بوبوین.

کتاب مقدس به زبان گیلکی - گویش رشت و غرب گیلان

¹⁸ و شُمان آزادَ بوستنِ اَمرا گناه جا، صالحی نوکران بُبوستید.

رومیأن 6:18 Iomraidhean Croise

لوقا 4:18

«خودا روح می رو نٚهأ، چونکی مٚرَه مَسح بوکوده کی بینوأیأنَ خوروم خٚوٚرَ بدم، اون مٚرَه اوسه کوده کی آزأدی خٚوٚرَ اسیرأنَ فأدٚم و دِئنَ کورأنٚ رِه وأگویا بوکونم و ستم بیدِکأنَ آزأدَ کونم

یوحنا 8:32

او وخت حِئقتَ شنأسیدی و حِئقت شٚمٚره آزأدَ کونه.»

یوحنا 8:36

پس، اگه پٚسر شٚمٚره آزأدَ کونه، رأس‌رأسِی آزأد ایسید.

رومیأن 6:14

پس دِه گونأ شیمی اربأب نییٚه، چونکی اَسه دِه دینی حوکمأنٚ طؤق شیمی گردن دینّه کی گونأ شٚمٚره خو اسیر بوکونه بلکی خودا فیض و لوطف اَمرأ آزأدَ بوستیدی.

رومیأن 6:22

ولی اَسه شومأن گونأ قودرتٚ جَا آزأدَ بوستیدی و خودا خیدمتٚ دورون ایسأییدی؛ هنٚ وأسی، اونم شٚمٚره هر روج پأکیزه‌تر و بألیأقت‌ترَ کونه کی آخرپٚسی، اَبدی زٚندیگی شیمی سأم بٚبه.

رومیأن 6:7

چونکی وختی گونأ اَمی دورون میرِه، اونٚ فأکش دٚکٚش و قودرتٚ جَا آزأدَ بیم.

رومیأن 8:2

و چونکی شومأن مسیح عیسا شینیدی، روح‌القدسٚ قودرت کی اَبدی زٚندیگی فأدِه، شٚمٚره جٚه گونأ و مٚردنٚ حوکم آزأدَ کوده.

غلاطیأن 5:1

پس اَسه کی مسیح شٚمٚره آزأدَ کوده، حقٚ سعی بٚزنید کی آزأد بئیسید و ایوأردِه شریعتٚ قید و بندٚ اسیر نیبید.

۱پطرس 2:16

دوروسته کی شومأن دینی حوکمأنٚ جَا کی شیمی دٚس و پأیَ دٚوٚستی آزأدٚ بوستید، امّا اَن جٚه اَ خأطر نییٚه کی هر نادوروست کأری‌یَ تأنید انجأم بدید، بلکی خودتأنٚ آزأدی‌یَ، وأستی خودا خأسته‌یأنٚ انجأم دئن وأسی ایستفأده بوکونید.