رومیأن 4:14 - Gilaki New Testament

¹⁴ پس اگه تأ هسأ ایدعأ دأریدی کی خودا برکتأن اوشأنی سأم بِه کی یوهودٚ حوکمأن و تشریفأتَ حیفظ کونٚده، ینی شیمی منظور اَنه کی خودا وعده‌یأن اوشأنی کی ایمأنٚ صأب ایسٚده رِه ایعتبأر نأرِه و خودایَ ایمأن دأشتنم ایتأ بیخودی کأر ایسه.

کتاب مقدس به زبان گیلکی - گویش شرقی

¹⁴ چون اگه اوشونی کی شریعتِ دومبال کونن، وارث ببون، ایمون باطیلا بنه و وعده هیچ.

کتاب مقدس به زبان گیلکی - گویش رشت و غرب گیلان

¹⁴ چون اَگه اوشانی کی شریعتَ دمبال کونیدی وارث بیبید، ایمان باطلَ به، و واده هیچ.

رومیأن 4:14 Iomraidhean Croise

رومیأن 3:31

اَسه، اگه ایمأنٚ رو تأکید دأریم، مگه منظور اَنه کی تأنیم دینی حوکمأنَ جٚه خأطرَ دیم؟ معلومه کی نه! بلکی فقد دینی حوکمأنَ او وخت دوروست انجأم دیهیم کی ایمأن بٚدأریم.

رومیأن 4:16

پس اَطو تأنیم بیگیم کی خودا خو برکتأنَ جٚه ایمأنٚ رأ اَمٚرَه عطأ کونه، ایتأ پیشکشی مأنستَن. هسأ چی مذهبی مرأسیمَ بجأ بأوریم و چی بجأ نأوریم، اگه ایتأ ایمأن ایبرأهیمٚ ایمأنٚ مأنستَن بٚدأریم، بودونٚ شک او برکتأن اَمی سأمٚم بِه، چونکی ایمأنٚ وأسی ایبرأهیم اَمی همٚتأنٚ پئره.

اوّل قرنتیان 1:13

مگه مسیح تکس‌تکس بوبوسته؟ مگه اَن پولس بو کی شیمی گونأیأنٚ آمؤرزئن وأسی بوشؤ صلیبٚ جؤر؟ مگه اینفر جٚه شومأن ایسه کی پولسٚ نأم اَمرأ تعمید فأگیفته‌ بی؟

غلاطیأن 2:21

من او آدمأنٚ مأنستَن نییٚم کی مسیح مٚردنَ ایتأ بی‌ارزشٚ ایتفأق دأنٚده. چونکی اگه نیجأت جٚه شریعت رأیأن و دینی دستورأن انجأم بوبوسته‌بی دِه لأزیم نوبو کی مسیح خو جأنَ اَمی وأسی فٚدأ بوکونه.

غلاطیأن 5:4

اگه بٚخأیید دینی حوکمأنٚ انجأم دٚئنٚ اَمرأ خودا ورجأ قأبیل قوبیل بیبید، مسیح شٚمٚره هیذره فأیده نأرِه و جٚه او ایلاهی لوطف و فیض بی‌نصیب مأنیدی.

فیلیپیان 3:9

و اونی اَمرأ ایتأ ببم، و دِه نیجأت رِه، می خورومٚ کأرأنٚ رو و یا ایطأعت جٚه مذهبی کأرأن تکیه نوکونم، بلکی می ایعتمأد مسیحَ بٚبه، چونکی فقد جٚه رأیٚ مسیحَ ایمأن دأشتنه کی خودا اَمٚرَه بی‌گونأ بٚحیسأب اَوٚره.

عبرأنیأن 7:19

چونکی شریعت هیچی‌یَ کأمیلٚ نوکود. ولی اَسه اَمأن ایتأ بِیترٚ اومید دأریم کی اونی اَمرأ خودایَ نیزدیکَ بیم.

عبرأنیأن 7:28

پیله کأهینأن کی موسا شریعتٚ موطأبٚق اَ جأجیگأ فأرٚسِده، ضعیفٚ آدمأنی ایسٚد کی نٚتأنٚده خوشأنَ گونأ جَا دؤر بٚدأرٚد. ولی خٚیلی زمأتٚ پٚسی جٚه شریعت فأدأن، خودا خو پٚسرَ کی همیشٚکٚ رِه کأمیل ایسه، پیله کأهینٚ جأجیگأ رِه اینتخأب بوکوده و اَنٚ وأسی قسم بوخورده.