رومیأن 4:10 - Gilaki New Testament

¹⁰ ولی اَ کأر چوطو ایتفأق دکفته؟ جٚه ختنه پٚسی بو کی اون عأدیل بٚحیسأب بأمؤ یا پیشتر جٚه اَنکی ختنه بٚبه؟ پور معلومه کی پیشتر جٚه ختنه رسمٚ و روسومأن بو.

کتاب مقدس به زبان گیلکی - گویش شرقی

¹⁰ پس چوطو اونئبه بحیساب بما؟ او زمت کی ختنه بوده بو یا اون پیشتر؟ البته کی ختنه بون اجی پیشتر بو، نه اون پسی.

کتاب مقدس به زبان گیلکی - گویش رشت و غرب گیلان

¹⁰ پس چُطو اونِ ره بحساب بامو؟ اُ زمات کی ختنه بُکوده بو یا پیش جه اون؟ البت کی پیش جه اونِ ختنه بوستن بو، نه بعدِ اون.

رومیأن 4:10 Iomraidhean Croise

رومیأن 4:11

رأس‌رأسِی اون هو وخت ختنه بوبوسته کی پور زمأت بوستی خودایَ ایمأن بأوٚرده بو و او ایلاهی برکتٚ وعده‌یَ فأگیفته بو. ختنه مرأسیم، هه حِئقتٚ جَا ایتأ نیشأن و نٚمود بو. هنٚ وأسی ایبرأهیم روحأنی رأ روشٚ اَمرأ، اوشأنی رِه کی بودونٚ ختنه بوستن خودایَ ایمأن اَوٚرٚده پئر ایسه کی اوشأنم عأدیل بٚحیسأب بأیٚد.

رومیأن 4:9

هسأ ایمکأن دأره اَ سوأل پیش بأیٚه کی اَ خوشبختی کیأنٚ سأم بِه؟ مگه فقد اوشأنی سأم بِه کی هطو کی عیسا مسیحَ ایمأن دأرٚده دینی حوکمأنٚ موطأبٚق ختنه‌یٚم بٚده؟ یا اوشأنی سأم بِه کی بودونٚ ختنه، فقد عیسا مسیحَ ایمأن دأرٚده؟ ایبرأهیم رِه چوطو بو؟ بیدِییم کی ایبرأهیمٚ ایمأن اونٚ رِه عیدألت بٚحیسأب بأمؤ.

غلاطیأن 5:6

اَمِرِه کی عیسایٚ مسیحٚ اَمرأ قأیم دوچوکستیم، دِه نه ختنه بوستن اهمیتی دأره و نه ختنه نوبوستن. تنأ چیزی کی اهمیت دأره، ایمأنی ایسه کی او محبتٚ جَا جوش کونه.

غلاطیأن 6:15

هسأ، موهیم نییٚه ختنه بوبوستیم یا نه. تنأ چیزی کی موهیمه اَنه کی آیا رأس‌رأسِی عوضَ بوستیم و ایتأ تأزه اینسأن بوبوستیم؟