رومیأن 3:30 - Gilaki New Testament

³⁰ خودا فقد ایتأیه و مردومَ فقد ایمأنٚ وأسی عأدیل چأکونه، چی یوهودی بٚبٚد و چی نٚبٚد.

کتاب مقدس به زبان گیلکی - گویش شرقی

³⁰ چونکی هچی یکته خُدا ایسا، و او خُدا ختنه بوبورونه بر طبق ایمون و ختنه نوبورونم بر طبق هو ایمون، صالح به حیساب ابئنه.

کتاب مقدس به زبان گیلکی - گویش رشت و غرب گیلان

³⁰ چونکی فقط ایتا خُدا وجود دَره، و اُ خُدا ختنه بُبوسته ئانَ بر طبق ایمان و ختنه نُبوسته ئانَم بر طبق هو ایمان، صالح بحساب آوره.

رومیأن 3:30 Iomraidhean Croise

رومیأن 2:26

چونکی اگه اوشأنی کی یوهودی نییٚد خودا حوکمأنَ ایطأعت بوکونٚد، مگه تومأم او ایمتیأزأن و گولأزأنَ کی خودا خأستی شومأ یوهودیأنَ فأدَه، اَشأنَ فأندِه؟ یقین بدأنید کی فأدِه.

رومیأن 2:27

اَطو بٚبه، اوشأنی کی یوهودی نییٚد و ختنه نوبوستٚد و خودا حوکمأنَ ایطأعت کونٚده وضع و اوضأع، خودا ورجأ جٚه شومأ یوهودیأنٚ وضع اوضأع خٚیلی بِیتر بِه، چونکی شومأن کی ختنه بوبوستیدی و موقدس کیتأبأن صأب ایسید، ولی خودا حوکمأنَ ایطأعت نوکونیدی.

رومیأن 3:22

اَمأن عیسا مسیحٚ ایمأن اَوٚردٚنٚ اَمرأ، عأدیل بٚحیسأب اَییم. اَن اونٚ رِه کی ایمأن اَوٚره دوروسته. یوهودی بٚبه یا نٚبه توفیری نأرِه.

رومیأن 3:28

هه دلیلأنٚ اَمرأ، اَمأن ایمأن وأسی عأدیل بٚحیسأب بأمؤییم، نه اَنکی دینی حوکمأنٚ جَا ایطأعت بوکودیم.

رومیأن 4:16

پس اَطو تأنیم بیگیم کی خودا خو برکتأنَ جٚه ایمأنٚ رأ اَمٚرَه عطأ کونه، ایتأ پیشکشی مأنستَن. هسأ چی مذهبی مرأسیمَ بجأ بأوریم و چی بجأ نأوریم، اگه ایتأ ایمأن ایبرأهیمٚ ایمأنٚ مأنستَن بٚدأریم، بودونٚ شک او برکتأن اَمی سأمٚم بِه، چونکی ایمأنٚ وأسی ایبرأهیم اَمی همٚتأنٚ پئره.

رومیأن 4:9

هسأ ایمکأن دأره اَ سوأل پیش بأیٚه کی اَ خوشبختی کیأنٚ سأم بِه؟ مگه فقد اوشأنی سأم بِه کی هطو کی عیسا مسیحَ ایمأن دأرٚده دینی حوکمأنٚ موطأبٚق ختنه‌یٚم بٚده؟ یا اوشأنی سأم بِه کی بودونٚ ختنه، فقد عیسا مسیحَ ایمأن دأرٚده؟ ایبرأهیم رِه چوطو بو؟ بیدِییم کی ایبرأهیمٚ ایمأن اونٚ رِه عیدألت بٚحیسأب بأمؤ.

غلاطیأن 3:20

هسأ اگه دو نفر به توأفق بٚرٚسد ایتأ وأسطه لأزیم ایسه، امّا خودا کی ایتأیه، وختی خو وعده‌یَ ایبرأهیمَ فأدأ اَ کأرَ بودونٚ وأسطه انجأم بٚدأ.

غلاطیأن 3:28

دِه فرقی نوکونه یوهودی بیبیم یا نه، غولأم بیبیم یا آزأد، مرد بیبیم یا زن؛ چونکی اَمأن همٚتأ مسیحیأن عیسا مسیح میأن ایتأ ایسیم

غلاطیأن 3:8

ایضأفه بر اَن، پیشتر موقدسٚ کیتأبأنٚ دورونی بیدِه بوبوسته بو خودا اوشأنی کی یوهودی نوبود، اوشأنَ ایمأنٚ وأسی بی‌گونأ بٚحیسأب اَوٚره. جٚه اَ خأطر، خودا هو وخت ایبرأهیمٚ اَ خوروم خٚوٚرَ بٚدأ و بٚفرمأسته: «تومأمٚ قومأن تی جَا برکت یأفده.»

غلاطیأن 5:6

اَمِرِه کی عیسایٚ مسیحٚ اَمرأ قأیم دوچوکستیم، دِه نه ختنه بوستن اهمیتی دأره و نه ختنه نوبوستن. تنأ چیزی کی اهمیت دأره، ایمأنی ایسه کی او محبتٚ جَا جوش کونه.

غلاطیأن 6:15

هسأ، موهیم نییٚه ختنه بوبوستیم یا نه. تنأ چیزی کی موهیمه اَنه کی آیا رأس‌رأسِی عوضَ بوستیم و ایتأ تأزه اینسأن بوبوستیم؟

فیلیپیان 3:3

چونکی اَمأن ختنه بوبوسته‌یأن ایسیم، اَمأن کی خودایَ اونی قودوسٚ روحٚ اَمرأ عیبأدت و خیدمت کونیمی، و اَمی گولأز مسیح عیسا ایسه، و او کأری کی اون اَمِرِه بوکوده. هیذره‌یٚم اینسأنی موفقیتأنَ ایتکأ نوکونیم.

اوّل تیموتائوس 2:5

اَن حِئقته کی فقد ایتأ خودا ایسه و ایتأیم وأسطه خودا و اینسأن میأن، ینی عیسای مسیح کی اونم اینسأن بو