رومیأن 16:12 - Gilaki New Testament

¹² خوداوندٚ خیدمتگوزأرأنَ، گرأمی بانویأن تریفینا و تریفوسا و جأن و دیلٚ پرسیس کی خوداوند رِه خٚیلی زحمت بکشده سلأم فأرسأنید.

کتاب مقدس به زبان گیلکی - گویش شرقی

¹² تْريفينا و تْريفوسا، او خادمونی کی خُداوند خدمت مئن زحمت کشنن سلام برسونین و پرسیسَم کی می اوکته عزیز رفئقه کی خُداوند مئن خیلی زحمت کشنه، سلام برسونین.

کتاب مقدس به زبان گیلکی - گویش رشت و غرب گیلان

¹² تْريفينا و تْريفوسا، خیدمتکارانیَ کی خُداوندِ خیدمتِ درون زحمت کشیدی سلام فارسانید و پرسیسَم کی می اویتا عزیز رفقِ کی خُداوند درون خَیلی زحمت کشه، سلام فارسانید.

رومیأن 16:12 Iomraidhean Croise

متّی 5:47

اگه شیمی ریفِقأنٚ اَمرأ فقد مهرٚوأن بیبید، الباقیأنٚ اَمرأ چی فرقی کونید؟ حتّا بُت‌پرستأنم هه کأرَ کونٚده.

متّی 9:38

پس، صأب مأصولٚ جَا بٚخأیید کی مأصولٚ جمَ کودنٚ رِه، ویشتر کأرگر اوسه کونٚه.»

رومیأن 16:11

می قومٚ خیش هیرودیون و هطویم او ایمأندأرأنَ کی نارکسوس خأنه دورون ایسأده سلأم برسأنید.

رومیأن 16:13

او اینتخأب بوبوسته مسیحی روفُسَ و اونی مأر، کی مِرِه‌یٚم ایتأ مأرٚ مأنستَن بو، می سلأمَ برسأنید.

اوّل قرنتیان 15:10

ولی اَسه هرچی کی ایسٚم، خودا فیضٚ وأسی ایسه، و اَ فیض و اونی لوطف مِرِه بی‌نتیجه‌یٚم نوبو، چونکی من جٚه البأقی روسولأنٚم ویشتر زحمت بٚکٚشئم. البت نه من، بلکی خودا فیض کی می اَمرأ بو.

اوّل قرنتیان 15:58

هنٚ وأسی، اَی جأنٚ دیلأن، ایمأنٚ دورون قوی و قأیم بئیسید و همیشٚک شوقٚ فرأوأنٚ اَمرأ، خوداوندٚ خیدمتَ موشغول بیبید، چونکی دأنیدی او زحمت کی خوداوندٚ رِه کشئندرید بی‌آخرپٚسی نییٚه.

اوّل قرنتیان 16:16

اَشأنٚ رأنمأییأنَ بجأ بأوٚرید، و اوشأنَ و تومأمٚ اوشأنی کی اَجور صمیمیتٚ اَمرأ شیمی ورجأ زحمت کشٚده، تأ اویَه کی تأنیدی کومک بوکونید.

کولسیان 1:29

می کأر هنه و اَ رأ دورون زحمت کشم و تومأمٚ او قوّت اَمرأ کی مسیح فأدِه، اَ رأ دورون حقٚ سعی کونم.

کولسیان 4:12

اِپافراس کی خودتأنٚ جَا و عیسا مسیحٚ غولأم ایسه شِمِره سلأم رٚسأنه. اون همیشٚک جدّیتٚ اَمرأ شٚمٚره دوعأ کونه کی کأمیل و برقرأر بیبید و هر کأرٚ میأن خودا خأست و ایرأده‌یَ درک بوکونید.

اوّل تسالونیکیان 1:3

و اَمی پئر و خودا ورجأ، شیمی کردکأرأنَ کی ایمأن وأسی بوجود اَیِه و او زحمتأنییٚم کی او محبتٚ وأسی ایسه و شیمی صبر و تحمولَ کی خوداوند عیسایٚ مسیحٚ اومید دأشتٚن وأسی ایلهام بیگیفتٚده، خأطر اَوریم.

اوّل تیموتائوس 4:10

اَمأن سخت تلاش کونیم و زحمت کَشیم تأ اَنکی مردوم اَ حِئقتَ ایمأن بأوٚرٚد، چونکی اَمأن زٚنده خودایَ اومید دأریم کی همٚتأنه نیجأت دِهه، بوخصوصٚ اوشأنی کی اونٚ نیجأتٚ رأیَ قوبیل بوکودٚد.